Luku 8:3 - Ia Foforuna Naiungene

³ Zoana ia ghaseboro ka Kuza ia manefaadi ira riva ka Herodi; Susana; nia tehi fotatini dike toka ghini harono Zisas nia ira nona mane ta nonofoi e ghua, ka ira nodi vahina leghutau nga taghodi.

Luku 8:3 Iomraidhean Croise

Matiu 14:1

Ne nomohori ghu Herodi Anitipasi ia gavanana Galili heve neke riva ghidiro Zisas,

Matiu 14:3

Herodi neke sakomo hioi Zone sepao neke nakai hagheli ghu ka pipiliga taghe mala hadu vehana ka Herodiasi ia ghaseborona Filipi ia tahina mane Herodi.

Matiu 14:6

Ka ia ravata ngana leghuna ia dolina Herodi, ia rekaha tuunaghase Herodiasi neke ragi vanadi ira noni dike la holararo ka sarumahai ianimu. Neke toraina va manemane ghu Herodi,

Matiu 2:11

Ka ia la hagheledi ka ia suga, maneri dike la finini ia rekaha gogoso tei nia Mere ia nona uke e ghua, dike la torongaghituturu hinae ghu va totoana ghinina. Ianimu tuna ghe, dike hio kaveri nga ira nodi namaha ta toraina vona tabaradi, ira golu, inisenisi nia ia sedi ta va kudo ghini maa e ghua, dike vanani lao ghu.

Matiu 20:8

“Ka saighona ianimu, ia mane ta kutamai nunuma gerepi, neke va kahe ghini ia mane ta kopuna ghidi maneri ta kudo haghelerira ta vanadina ghu ira tabaradi, tatanigaina ka dike riva va leleghuro ta va nonoghana ghu ka dike kusu rivaro.

Matiu 25:40

“Ia Mane Ginitaukela e age ghua iahi ghatu ungene tughurina, ‘!A toraina va kahe ghini ghau ghu ka ia hohoghona, heve leghutau tei noto ke riva ghini la ghau ka kaike ghu ka ira noni taka suri tongovodi ghu, ghau noke riva ghini ianimu vanagu ara!’

Matiu 26:11

Ira noni ta malanga mu, edi au taremehamu tudu ma ghau ghatu, nga ara mu, e deo ga age au taremehamu tudu ghu ghatu.

Matiu 27:55

Tehi fotatini dike aura aianimu dike la mato meha ghu varihauni. Maneri dike leghu mehai Zisas sipadi Galili mala toka ghinina manei.

Luku 24:10

Fotati dike laora ka lianga ani mu Mere tanina Magidala, Zoana, Mere ia nona uke Zemesi, nia keharani e ghua. Maneri dike turi vanadi ira mane nonomoho heve neke to dufuna,

Zone 12:6

Neke puina ngana hetari ira noni ta kuma, ghe neke kahe ghua nga iahi eka ghua ghu mu manei, nga manei mu kaike mane ta sisiko. Manei lamu neke kopu ghinina ia baiki rongo ka maneri, e fani hiori ghu manei keha rongora ka baiki iahi mala tatabara nonana taghonai.

Ira Riva 13:1

Ka ia kiloau aianihi Anitioko, keha porofeti nia mane vari va kakahei e ghua dike aura: Banabasi, Simoni, (ta va kudo ghini Mane Sisibe), Lusiasi (ia tanina ka ia malau leghaha Saerini), Maneni (dike kaike faa vonaro maneri palu ia Mane Ginitaukela Herodi Anitipasi) nia Solo, e ghua.

2 Koriniti 8:9

Ghau no avohi mo ia varisute ta vanada kakato ia noda Lod Zisas Kraes. Neke puina taghotagho mo manei ka malauo God fate, ghe manei neke soni age va kumai mo taghonai malamuna ghau. Manei neke meha taghe kaike mane ta kuma neke ghua ka malau iahi peka mala boka age toraina va taghotagho ghauna.

Filipae 4:22

Ira keha leghu nona noni nga God nia ira ta riva ka ia malau ginitau Sisa aiahi e ghua, di va ghahe age ungene veha ka ghau.

1 Timoti 5:10

Ira leghu noni nga edi toraina heluhelu ghini, vununa ghidi ira leghu kokolodi veha neke riva ghidiro nga manei, taghe pausu va vehari ira nona rekaha, hio suteri ghedi ira keha noni haza, riva vanadi ira nona noni God ka ia unuhu ka ira tehi ghaghahedini, toka ghidi ira ta kururi mamarutana nia va tana tudu riva ghidira vahina leghutau ta veha nga, ia ta ghua.