Luku 8:18 - Ia Foforuna Naiungene

¹⁸ O toraina va fafahaka va veha ghu, ka heve ta nomohorira ghau. Ka ira noni ta tobehe hioina nogu vari va kakahei ini mu, e faa laoni ia avoavoho ta vanadi laona ghatu. Nga ka ira noni taka va melongo ghu mu, geta ghua ghu ira heve teri di kururi ira ta ghua maneri ghe, God e age hio kai tadi.”

Luku 8:18 Iomraidhean Croise

Matiu 13:12

Ka hei ia ta kusu kurui avoavoho ghinina ia nona Ravutu mu, God e fuludu laoni avoavoho ta age vananina ghatu manei. Nga ka hei ia ta deoi avoavoho ta hohoghona mu, geta ghua ghu ia rekahana avoavoho ne kurui ia ta ghua manei ghe, e age hio kai tana ghatu.

Matiu 25:29

Ka heiri ta riva va vehari heve ira ta vanadi mu, e tehi laoni ta ke vanadira, edi toraina age tehiri fuludu ghu ghatu. Nga ka ira taka hohoghodi ghu ka ira nodi riva mu, geta heve tei ta aurira maneri ghe, e age hio kai tadi ghatu.

Maki 13:14

“Ia fafata e la meha mo ghatu, ta age finini ghau ‘ia toraina leghutau ta muko ta mumukoi God,’ tetu haghelena ta va sotaina ghu, ia Sugana God taka mala la au ghu manei.” (!Agho ia ta izuizu, va fafahaka va vehai!) “Ira ta au Zudia tuna gedi toraina pelo lao ghu ka voruhu ari, e ghua.

Luku 19:26

“Ia mane ginitaukela neke ungene tughuri, ‘Ta va kahe ghini ghauna ara mu, heiri haro ira ta kururi mu, tehi laoni take vanadira. Nga ka heiri ira ta deori mu, geta ghua ghu ira birusudi teri ta auri maneri ghe, e ke age hio kai tadi soni mo ghatu.

Luku 9:44

“O va melongo meha ka ara, o ngana tahui ghu heve ta kahei ini ara. Ia Tuuna Noni edi age namaha seboi ghatu, edi nai laoi ghu ka ira kamedi ira ta kana ghini.”

Zone 15:2

Manei e kodaka kairi ira leghu hobodi taka boka fua ghu, nia kuta ghidi tuna ira hobodi ta fua, mala edi pigha laoni ghu, e ghua.

Ira Riva 10:33

Magali ma tuna, gato ka va ghahe ghinigho age ngengene ghu nake ghua, neke puina veha fuludu ghu la mehana agho. Ghai haroharo nato au ghu aiahi ka kenuna God mala nomohorira ira vahina leghutau nga neke ungene va gigimaighono ia Lod ta mala va kahe ghini ghaina ghai.”

Ira Riva 17:11

Ira noni Ziudi Berea mu, edi ohoꞌohoi nonomoho fuluduri ira noni Ziu aianihi Tesalonaeka, dike toraina lao hihingodi fuludu ghu ta nonomohona ka ira tuturi Polo ghe Saelasi. Leleghu ravata maneri dike hadu va gigima ka ira Kakangava Ta Maduana, mala fininina di hohoghodi mo, ba deo, ta ghuana ira tuturi ka Polo.

Romu 12:3

Vununa ka ia nona varisute God ta vanagu kakato manei, a kahei ghu ara ka ghau haroharo: Oka va ngana ghinigho ghu taghou ta veha fuludu laoina ia papala ta toraina aui agho, nga o hohoghou ka ia va fafahakigho taghou, leghuina ia tahuna nou va hohoghona neke vananighono God.

1 Koriniti 14:37

Hei neto kahei la taghonai mu kaike noni ta tuturi ghidi kave ira nonomoho ta hiori ka God neto ghua la, ba taghonai mu kaike noni ta kurui kaike kaikadolo ka ia Tarunga ta Maduana, neto ghua la, manei e toraina avohi heve ta kakangava ghini age vanamu ini ara mu, nona ungene va gigima ia Lod Zisas, ta ghuana.

1 Koriniti 3:18

Oka sebo ghau ghu taghomu. Hei ka ghau neto nganai la ta torai avoavohona taghonai ka ira va fafahaka ta nona malau iahi peka, e veha ge meha kaike noni ta kingo la manei ka ira hibadi ira noni ka malau iahi peka, mala boka meha avoavoho hohoghonana manei ka ia nganganana God.

1 Koriniti 8:2

Ira noni di puina avohori vahina leghutau nga ira ta ghua mu, e birusuna ma tadi avohina.

Filipae 3:4

geta kuruau ghu ara keha va fafahaka ta veha ta mala va ghighiuna ka ira ghorevaha taghogu! Hei ka ghau neto kurui la va fafahaka ta mala va ghighiuna ka ira ghorevaha taghona, e tehi laoni va fafahakara ka ara mala ngana ghuana ianimu.

Hiburu 2:1

Ghita da toraina nonomoho va veha ghu ka ia hohoghona dake nomohio, daka felo ghahe la ghu ka hohoghona ianimu.