Luku 8:1 - Ia Foforuna Naiungene

¹ E deo ma ge sepa ghu leghuna ianimu, neke tatanigai ghaheri ghu Zisas ira malau leghaha nia ira rekahadi malau gheremedi mo e ghua, neke la turi ghini kave ghu ia Nonomoho Ta Veha ghinina ia Ravutu ka God. Manei neke hio taremehana ira tazoi palu nona mane ta nonofoi,

Luku 8:1 Iomraidhean Croise

Matiu 11:1

Ne age nogha ghu Zisas va kakahe ghidira ira tazoi palu nona mane ta nonofoi, manei neke kave kaini malau ianimu, neke la vari va kakahei ghu nia tuturi beana ghu e ghua ka ira malau leghaha aianihi Galili.

Matiu 13:19

Ira subudi ta zoghu hinae ka ia fatena hangana mu, ghidi ira noni ta nomohi ia Nonomoho Ta Veha ghinina ia Ravutu, ghe taka va fafahaki ghu. La meha tuna Satana ge meha hio kai tadi ghu ia nonomoho ka ira hihingodi, e ghua.

Matiu 4:23

Zisas neke ghahe kamoti Galili vari va kakaheina ka ira suga mala varighara ira Ziu, tuturi beana ghinina ia Nonomoho Ta Veha ghinina ia Ravutu, nia ke va veharira ira noni dike dufuriro leghu kokolodi lelemeana nga nia fogara nga, e ghua.

Matiu 9:35

Zisas neke ghaheri ira leghu malau leghaha nga nia ira leghu rekahadi malau nga e ghua, vari va kakaheina ka ira suga mala varighara ira Ziu nia tuturi beana ghinina ia Nonomoho Ta Veha ghinina ia Ravutu, e ghua. Zisas neke va vehari haro molamo ira noni ta auri leghu kokolodi lelemeana nga nia fogara nga, e ghua.

Maki 1:39

Ianimu tuna ghe neke ghahei kamoto nga manei Galili, tuturi beanana ka ira suga mala varighara ira Ziu nia tavusu kairira ira tehi nazahi ka ira tehi noni, e ghua.

Luku 1:80

Zone neke faa vona neke age gigima ghu ka ia tarunga. Ianimu tuna ghe neke la au nga peghuruo manei ka ia malau koroghana ta karango, neke age vuhai tataniga va podoli ghu ia nona riva ka ira noni Isiraeli.

Luku 20:1

Kaike ravata, ka ia vari va kakaheina nia tuturi beanana Zisas ka kaike galahena ka giliona ia Sugana God ghinina ia Nonomoho Ta Veha, ira hiama ta kenu nia ira ta vari va kakahe ghini ia vetula beana, nia keha noni babaturani e ghua, dike vona lao ka manei,

Luku 4:18

“Ia Tarungana ia Lod ne au ka ara, vununa God neke faeteau ara mala tuturi ghinina ia Nonomoho Ta Veha ka ira ta malanga. Manei neke tuhu mehau ara mala va ongahina ia ta ke age kalasa ghedi ghatu ira ta au pipiliga, ta ke age vovoho fifinina ghatu ira ta melu fifini, ta ke age kalasa ghedira ira ta au ka pekana ia mana ira keha noni,

Luku 9:6

Ianimu tuna ghe dike tatanigai ghaheri nga ira leghu rekahadi malau nga, tuturi beana ghinina ia Nonomoho Ta Veha, nia ke va veharira ira ta fogarari ka ira leghu pelodi nga, e ghua.

Ira Riva 10:38

Ghau to avohi haroma Zisas ia tanina Nazareti neke va foudio God ka ia Tarunga Ta Maduana nia mana. Ghau no avohi mo heve neke ghua Zisas ghaherira leghu pelodi nga, riva ghidira ira leghutau ta veha nia va veharira ira leghu noni dike auro nga ka pekana ia mana ia Faghinadi ira nazahi e ghua, vununa God neke au taremehana manei.

Ira Riva 13:32

“Ghatunaina mu ghai palu Banabasi ghu, na hio mehaina ia Nonomoho Ta Veha ka ghau ghinina ia naiungene ka God neke vanadio ira faada meha.

Romu 10:15

?Nia heve e ghua ghe gedi boka la tuturi beana nga neto deo la hei ta tuhu laorina? Taghe ia ta kahei la ka ira Kakangava Ta Maduana, “!Ka namanamara ira ghahedi ira noni ta hio mehai ia nonomoho ta veha!” Ia ta ghua.