Luku 7:47 - Ia Foforuna Naiungene

⁴⁷ A va kahe ghinigho ghu ara tato kai haza tanara fotati iahi ira tehi sasakena manei, vununa manei neto va fini ghinagu ara ia leghahai nona namaha. Nga ia noni ta kai haza tana ma ka birusuna sasake mu, e rekahana ma ia namaha ka manei.”

Luku 7:47 Iomraidhean Croise

Matiu 10:37

“Noto namaha ghini la agho nou mama, ba nou uke fuluduauna ara, agho e deo go fata ghu ta nogu noni mala nonofoauna ara; ba noto namaha ghini la agho ia tuu mane ba ia tuu ghase fuluduauna ara, agho e deo go fata ghu ta nogu noni mala nonofoauna ara.

Luku 7:39

Ka ia fafata fini laoi heve neke riva ghinina fotati ani, ia Farisi neke fangaio Zisas neke ghua iahi ka ia nganganana taghonai, “Toraina hohoghona mamu ta deona ge porofeti ghu ngaini mane iahi. Geke toraina tuhu mehai la God, geala manei eto avohi ma fotati hevena mu ta la posini ani. Fotati iahi mu ia ta kuru sasakena!” neke ghua ka ia nganganana.

Luku 7:46

Agho e deo ghe goke va oranga ghini olivi oele ghu paugu ini, nga manei mo mu ne va oranga ghini sedina tabaladi ghahegu idi.

Luku 7:48

Ianimu tuna ghe neke kahe ghua nga iahi Zisas, ka ia fotati, “Ira sasake ka agho to kai hazari.”

Ira Riva 5:31

God neke va tetu leghui manei neke naini ghu ka ia kame mautuna taghona, ka ia malau ta toraina heheluana nia mana, mala Noda Babatuna nia Va Dolina, e ghua. Manei neke riva ghini iahi, mala vanadira kaike fafata ta veha ira noni Isiraeli, mala taghuru kairira ira sasakedi, ta fihiki laona ghu ka God mala kai hazadira ira sasake ka maneri.

Romu 5:20

Neke va mehai nga ia vetula mu, mala ira leghu noni nga edi boka finini ghu taghe heve dike ghua rivai sasakedira maneri, neke ghua. Ghe taghe ka ia fafata dike suufuro ira noni rivai sasakedira mu, ia varisute ta va meha kakatoi God neke meha faa fuludu laoni.

2 Koriniti 5:14

Na riva va gigima nga ghai ka ia va hohoghona mu, vununa ghai na avohi Zisas Kraes ta namaha ghini ghaina. Nia vununa ghai na va hohoghonai neke leme vanadina Kraes ira noni haroharo, na va hohoghonai haro ghu molamo ghai dike leme taremehanana manei ira noni haroharo.

Galesia 5:6

Dato parekete taremehana la ghita Kraes, e deo ma heve ta hazana mu, ka ia ta hioi ia papahe va ghilaghila ghe, ta deona ghu gada papahe va ghilaghila ghu. Heve ta torai tongovonana mu, ia noda va hohoghona ta va podoli ia namaha lama.

Efesasi 6:24

Ara na tarai e age vanadi ghu God heiri haroharo ira taka nodo ghu namaha ghinina ia noda Lod Zisas Kraes ia varisute ta vanada kakato.

Filipae 1:9

Ara na tarai fanga, e mala age kodolo va faa ma e lao ghu ia namaha ka ghau ka ia avoavoho nia va fafahaka,

1 Timoti 1:14

Ia nona varisute ia noda Lod ta vanada kakato, neke va losa kakai vanagu meha taremehana ia va hohoghona nia ia namaha ka Kraes Zisas, e ghua.

1 Zone 1:7

Nga dato au la ghita ka ia fegala, taghe God la, ia ta au ka ia fegala ta ghuana, iamu tuna ghe gada kaike nga, ka ia parekete vari namo varighara taremehadira ira keha, va mamalahu ghitana ka ira leghu sasake nga ka ia busakana Zisas ia Tuuna God.

1 Zone 3:18

Ghau tuguro, ghita daka mala kakahe ghu na vari namahai ghemai, ta ghuana; nga ghita da toraina va podoli hohoghona namaha ianimu ka ira riva ghita.

1 Zone 4:19

Da vari namahai nga ghita mu, vununa manei neke kusu namaha ghini ghitana.

1 Zone 5:3

Fafahakanana ia namaha ka ghita ka God mu, ghita da leghuri ira ungene va gigima ka God e ghua, eka mamarutana la ghu leghurira mu ungene va gigimara ka manei.