Luku 7:40 - Ia Foforuna Naiungene

⁴⁰ Ka ianimu tuna ghe, neke ngengene vona nga Zisas, ungene tughurira ira nganganana manei. “Saemoni,” neke ghua lao ka ia Farisi. “Ara na kabai va kahe ghinigho keha leghutaura.” “Puina veha Mane Vari Va Kakahei Agho, lao ba agho,” neke ghua Saemoni.

Luku 7:40 Iomraidhean Croise

Matiu 26:49

Zudasi neke toraina ghahe lotoro lao ka Zisas, ghe neke la kahe ghua nga iahi, “!Mane Vari Va Kakahei Agho!” neke la ghua, ghe neke angohi nga tuna.

Matiu 7:22

Ka ravata mala varifate ianimu, tehi noni edi age kahe ghua iahi ghatu ka ara, ‘Lod, Lod, ghai nake tuturi beana ghini ia nonomoho ka God nia nake tavusu kai nazahi nia rivai tehi hahaima nake ghua ka babaolou nia agho,’ edi age ghua.

Luku 18:18

Kaike fafata kaike mane babatu ka ira Ziu, neke notoho ghua iahi ka Zisas: “?Mane Vari Va Kakahei Ta Veha Agho, heve mo ta torai riva ghinina ara ghe ga hio kadoli nga ia doli soduai?” neke ghua.

Luku 5:22

Zisas to avoho laori ira nganganadi, neke notohori ghu, “?Heve no ghua ghe, lausasaba mu iahi no ghua nga ka nganganamu nira?

Luku 5:31

Zisas neke ungene tughuri, “Noni ta doli vehana mu, eka kuhana ghini ghu ia dokita, nga ira ta fogarari lama.

Luku 6:8

Ghe Zisas neke to avohori ira nganganadi, neke kahe ghua ghu iahi ka ia mane ta muko kamena, “Meha tetu aiahi kenu ta boka finigho meha ini maneri haroharo.” Ne vona lao tuna neke ghua ia mane, neke la tetu ghu kenu.

Luku 7:39

Ka ia fafata fini laoi heve neke riva ghinina fotati ani, ia Farisi neke fangaio Zisas neke ghua iahi ka ia nganganana taghonai, “Toraina hohoghona mamu ta deona ge porofeti ghu ngaini mane iahi. Geke toraina tuhu mehai la God, geala manei eto avohi ma fotati hevena mu ta la posini ani. Fotati iahi mu ia ta kuru sasakena!” neke ghua ka ia nganganana.

Luku 7:41

Turi vanani tuna tuturi iahi neke ghua Zisas: “Kaike mane neke va malumu vanadi kaoni rongo keha palu nonira, ia keha mu neke kaoniri gaha ghobi rongo kunegeledi ta siliva nia ia keha tuna geke kaoniri ghu gahafulu rongo kunegeledi ta siliva, neke ghua.

Zone 13:13

Ghau mu no va kudo ghinagu ‘Mane Vari Va Kakahei’ nia ‘Lod,’ e ghua, ne hohoghomu ghu mamu, vununa ianimu lamu ara na.

Zone 16:19

Zisas neke avohi ta kabai notohina maneri manei neke va kahe ghidi ghu, “?Ghau mu no vari nonotoho ghini heve fafahakanana nake kahe ghuao ara iahi, ‘Ka birusuna fafata tei, ghau o deo go age finiau ghu, nia ka birusuna fafata tei leghuna ianimu, goke age fini leghuauni ghu, e ghua,’ nake ghuao?

Zone 16:30

Ghatunaina ghai nato avohi ghu, ta avohorira agho vahina leghutau nga. Geta deo nga heve leghutau ta notohina hei noni ghe, agho to kusu avohi heve ne nganaina manei. Ne ghua mamu ghe, na va hohoghonai nga ghai mu, agho noke sipa mehau mamu ka God, ta ghuana.”

Zone 3:2

Kaike redu manei neke meha ka Zisas neke kahe ghua ghu iahi, “Mane Vari Va Kakahei Agho, ghai na avohigho agho neke tuhu mehaighona God mala va kakahe ghini ghaina, vununa e deo hei ta boka riva ghidira ira hahaima va ghilaghila ta riva ghidi agho, neto deo la God ge au taremehana ghu manei.”