Luku 7:22 - Ia Foforuna Naiungene

²² Kahe ghua tuna iahi neke ghua Zisas ka ira mane ta nonofoi Zone, “O ke leghu lao ka Zone, o la turi vanani ghu manei, heve noke meha finiri, nomohorira. Ira ta kivi dito ke fifini, ira ta paheku dito ke ghaghahe, ira ta lepa dito ke mamalahu, ira ta melongo dito ke nonomoho, ira ta leme dito ke doli leghu, nia ia Nonomoho Ta Veha tuna, gedito tuturi ghini ghu ka ira ta malanga, e ghua.

Luku 7:22 Iomraidhean Croise

Matiu 11:5

ira ta kivi dito ke boka fifini, ira ta memelu ghaghahe dito ke boka ghaghahe, ira ta dufuri lepa dito ke veha ghedi, ira ta melu nonomoho dito ke boka nonomoho, ira dike lemero dito ke doli leghu, nia ia Nonomoho Ta Veha tuna geto va ongahi ghu ka ira noni ta kuma, e ghua.

Matiu 21:14

Ka fafata ianimu, ira ta kivi nia ira ta paheku, dike lao ka Zisas ka giliona ia Sugana God, neke va vehari ghu manei.

Luku 4:18

“Ia Tarungana ia Lod ne au ka ara, vununa God neke faeteau ara mala tuturi ghinina ia Nonomoho Ta Veha ka ira ta malanga. Manei neke tuhu mehau ara mala va ongahina ia ta ke age kalasa ghedi ghatu ira ta au pipiliga, ta ke age vovoho fifinina ghatu ira ta melu fifini, ta ke age kalasa ghedira ira ta au ka pekana ia mana ira keha noni,

Luku 7:21

Ka toraina fafata ianimu, Zisas neke va doliri ira tehi noni dike dufuriro leghu kokolodi fogara nga nia tavusu kai tarunga ta muko nia ke va vovoho fifiniri ira ta kivi, neke ghua.

Luku 7:23

O la turi vanani haro Zone iahi, ‘God e va beanari heiri ira ta deo gedi sokeau ghu ara, vununa ka ira heve leghutau ta riva ghidi ara.’ ”

Zone 1:46

“?E boka la meha mo keha leghutau ta veha aianihi Nazareti?” neke ghua Nafaneli notohonana. “O meha ma o age fini ghu taghou,” neke ghua Filipi.

Ira Riva 26:18

Agho o tobeheri ira hibadi, edi fihiki kaini ghu maneri ia nagoromo talaina ia fegala, nia edi taghuru kaini ghu ia mana ka Satana fihiki laona ka God, e ghua. Ianimu tuna ghe ge age kai hazari nga ira sasakedi, gedi age au taremehadi ghu ira nona noni ta beana God ka ia va hohoghonau ara.’

Ira Riva 8:7

Tehini ka noni irahi dike sukuri tarunga ta muko, ghe Filipi neke age tavusu kairi dike azili va fafaa ghu kavedira. Nia tehini ka ira dike lemero ira tinidi nia ka ira dike pahekuro e ghua, dike age veha ghedi haroma.

Zemesi 2:5

Vanemoho talinga meha ghau taremehaguro. God neke faeteri ira noni ta kuma ka malau iahi peka ta mala taghotaghona ka ia va hohoghona. Maneri ghu mu ta age hio kadolina ia ravutu neke naiungene ghinio God ka heiri ira ta namaha ghini manei.