Luku 7:2 - Ia Foforuna Naiungene

² Ka fafata ianimu, kaike nona maneriva toraina tongovona ka taghonai ia manefaadi ira mane magaradi Romu neke fogari neto ke namo leme ghu.

Luku 7:2 Iomraidhean Croise

Tatanigaina 24:27

kahe ghuana iahi, “Helahela ghini ia God ka Ebarahamu ia nogu faghina, ia ta sutei hohoghona ia nona naiungene vananina ia nogu faghina. Iahova neto batu ghinagu va lotoro lao ka ira taremehana ia nogu faghina.”

Tatanigaina 35:8

Debora ia ghaseriva ka Rebeka neke leme ghena dike gilu ghini ghu ka pekana ia heke oko pelopekana mo Betolo. Aloni Bakuti dike ghua ghini ghu baolina heke ani.

Matiu 27:54

Ia manefaadi ira mane magara nia ira keha mane magara dike au taremehanao manei dike kopuna ghinio ghu Zisas, dike finini ia kuzo nia ira leghu neke dufuro nga e ghua, dike toraina age maughedi fuludu ghu. “Hohoghona fuludu, mane iahi mu neke toraina Tuuna mamu God,” dike ghua ghu.

Luku 23:47

Ia manefaadi ira mane magaradi Romu ne age finini ghu heve neke dufuno, ne kudo vehai God neke kahe ghua ghu iahi, “Torai mane lotorona ghena mamu ngaini mane iahi.”

Luku 7:1

Leghuna kaheri Zisas leghu irahi nga ka ira noni, manei neke leghu lao Kapaniumu.

Luku 7:3

Ne nomohi ghu manei ghinina Zisas, manei neke tuhu laori keha mane babatura ka ira Ziu ta la fangaina Zisas, ta mala meha va vehaina ghu ia nona maneriva.

Luku 8:42

Ia tuunaghase kaikena ta tazoi palu komuhuna, neke to namo leme ghena. Zaerusi ka ia leghui ta lao ghu Zisas, ira varigharadi noni dike la vari bubu ghini manei.

Ira Riva 10:1

Kaike mane taka noni Ziu ghu babaolonana Konileasi, neke auna ka ia malau leghaha Sesaria. Manei mu neke manefaana kaike ghobi mane magara ka giliona kaike pukuna punugarana Romu ta va kudo ghini ia pukuna Itali.

Ira Riva 10:7

Ka ia neke to ghaheno ia engizeli, Konileasi neke kudori keha palu ghu ka ira nona maneriva nia kaike ghu ka ira nona mane magara, neke riva vananio manei, e ghua. Manei mu neke va hohoghona ka ia God ira Ziu.

Ira Riva 22:26

Ne nomohi ghu iahi ia manefaadi ira mane magara, manei neke lao ka ia mane pauna ia punugara, neke la notohi ghu, “?Heve mu no riva ghinina agho? !Mane iahi mu kaike noni neke holara ka ia Ravutuna Romu!”

Ira Riva 23:17

Kudoi tuna kaike ghu ka ira manefaadi ira mane magara, ge va kahe ghini ghu, neke ghua Polo. “Hio laoi mane foforu iahi ka ia mane pauna ia punugara; manei ne kurui keha tongovodi turi mala va kahe ghinina manei,” neke ghua ghini.

Ira Riva 27:1

Maneri dike va puhini ta mala tepetepe laona ghai ka ia malau leghaha Romu ka giliona ia babarana Itali, ka ia ta au Sisa ia Mane Ginitaukela. Ka fafata ianimu maneri dike naini Zuliasi mala kopu ghinina Polo nia ira keha mane pipiliga, e ghua. Manei mu neke manefaana kaike ghobi mane magara ka giliona kaike pukuna punugarana Romu ta va kudo ghini ia Pukuna ta Kenu ka ia Mane Ginitaukela.

Ira Riva 27:3

Ka ia keha ravata, ghai nake la nodo kaina ka ia malau leghaha Saedoni. Mane Zuliasi iahi neke puina sutei Polo, neke va malumi ghu ta kalae la ghaherira manei ira nona baere, gedi boka la mo maneri ta tufai ghenana ka ira heve ta malanga ghidi manei, neke ghua.

Ira Riva 27:43

Ghe ia manefaana ia pukuna mane magara, neke kabai hio va dolini Polo, neke va nodori ghu ira mane magara ta riva ghinina vatovato ianimu. Nga ne va kahe ghidi ira noni ta vovoho zaha ta kusu paraku hinaena ka tahio, ta zaha kalaena ghu ka kavao.

Kolosi 3:22

Ghau ira noni mala varituhu; ghau o toraina nomohori tudu ma ira faghinamu ka malau iahi peka, ka ira vahina ta riva ghidi nga ghau. O va sisiva leleghu fafata ta va manemanerira; eka ghua ghu ma ka ira fafata ta mato ghau maneri. O ohoꞌoho ghini ta nomohorira, vununa ghini ia nomu heluhelu ta vanani ia Lod.