Luku 7:19 - Ia Foforuna Naiungene

¹⁹ neke tuhu laori ghu ka ia Lod, mala la notoho ghuana iahi, “?Agho lamu ghu mu ia Mesaea nake afa ghinio ghai, ba, kehanani mu geala ta afa ghinina ghai?”

Luku 7:19 Iomraidhean Croise

Tatanigaina 22:18

Ira leghu noni nga ka malau iahi peka edi age hioi ia va veha ta ghasolo kadolo meha ka ira pagusu agho, taghe nake va vehariro ara ira pagusu ka agho, vununa agho noke leghui ia ungene va gigima ka ara.”

Tatanigaina 3:15

Ara a age nakaini ia varikanai, ka varihoataiu agho nia ia fotati, nia ka varihoataidi ira pagusu ka agho nia ka ia fotati; Ia pagusu ka ia fotati e age botai pau nia agho, nia agho o age ghanini ia susubina kaikeu ka ia pagusu ia fotati.”

Tatanigaina 49:10

Zuda e age posini ia mana mala kopu ka manei, Nia ira pagusu ka manei edi age kopu tudu ma. Ira butubutu noni edi age va vonavonai manei, maimanihina ka ia leghu puhi ka kenuna manei.

Maki 6:7

Ke kudo varighara ghidi tuna ira tazoi palu nona mane ta nonofoi, ge va ghahe palupaluri ghu taremehana vanadi mana mala tavusu kairira ira tarunga ta muko, neke ghua.

Luku 10:1

Leghuna iahi, ia Lod neke faete kaveri keha vitu ngavuluai palu mane ta nonofoi, neke kusu tuhu kenuri ghu, va ghahe palupalu laorira ka ira malau leghaha nia rekahadi malau e ghua, ka neke nganai laono taghonai.

Luku 11:1

Kaike ravata Zisas neke la tarai ka kaike malauo. Leghuna ia tarai manei, kaike ghu ka ira nona mane ta nonofoi neke la kahe ghua iahi ka manei, “Lod, o va kakahe ghini ghai tarai ko, taghe neke ghuao la Zone neke va kakahe ghidiro ira nona mane ta nonofoi,” neke ghua ghini.

Luku 11:39

Ianimu tuna ghe neke kahe ghua nga iahi ia Lod ka manei, “!Ghau ira Farisi no puina hagala ghini ta tihi va mamalahurira ira peghurudi panikeni nia disi e ghua, ghe ka giliomu nira mu, no puina fouduai luluto nia muko, e ghua!”

Luku 12:42

Ungene tughui tuna neke ghua ia Lod, “Ara na ngengene lao ka leghu maneriva ngama, ira ta avoavoho nia hohoghona ta vanadi riva ia manefaa mala are ghinina ia nona suga kamoto, nia ta mala valiharira ia butubutu ka taghona, e ghua.

Luku 13:15

Ghe ia Lod neke ungene tughui, “!Ghau ta tatangana kobiri, vununa ghau no riva ka ia Ravata Mala Maghoso! Ghau haroharo o fani sopai fudaha kaveri haroma ira nomu bulumakau, ba ira nomu dongiki ka ira baradi, mala va ketuhurina ka ia Ravata Mala Maghoso.

Luku 17:5

Kaike ravata ira mane nonomoho dike kahe ghua iahi ka ia Lod, “Na kabai ghini ta va gigima laoinani nomai va hohoghona ini,” dike ghua.

Luku 17:6

Ia Lod neke ungene tughuri, “Geta rekahana taghe subuna heke masitadi iahi geta ghua ghu ia va hohoghona ka ghau ghe, ghau o boka kahei mo ka heke malaberi iahi, ‘God e age huba vonaigho e kai laoigho ghu ka tahio,’ o ghua ma, e age nomoho ghau ghu manei!

Luku 18:6

Kahe ghua tuna iahi neke ghua ia Lod, “O hio avoavoho ka manefate ta muko iahi.

Luku 19:8

Ghe Zakiusi neke tetu vona, ghe neke kahe ghua nga iahi ka ia Lod, “Lod, ara a fotai ia taghotagho ka ara ghatu, a vanadi ghu ira ta kuma. Nia nato ke hio takisi va fuludu lao la seborira ira noni, ara a ke vanadi leghu rodana fafata tehi fuludu laorina nake hio tadiro.”

Luku 22:61

Ka fafata ianimu, ia Lod neke fihiki neke mato lao ghu ka Pita. Ianimu tuna ghe neke ngana leghui nga Pita, ia ngengene ka Zisas neke kahe ghuao iahi manei, “Ghe ge nakele nga ia kokorako ka fufugho nia fugho, agho o age tuufu lito fafata ta deona go avohoau ghu ara,” neke ghuao manei.

Luku 24:34

“!Ia Lod neto ke toraina tetu leghu mamu! !Manei neto ke podolo ka Pita!”

Luku 7:13

Ka ia fafata fini laoi fotati ani ia Lod, manei neke puina age dudumana ghini ghena, neke kahe ghua ghu iahi, “!Oka nakele ghu!” neke ghua ghini.

Luku 7:20

Ira palu nona mane ta nonofoi Zone dike la dufui Zisas, dike la kahe ghua ghu iahi ka manei, “Zone Ia Ta Rivai Seselebeana neke tuhu ghai meha ta mala meha notohighona agho, ‘?Agho lamu ghu mu ia Mesaea nake afa ghinio ghai, ba, kehanani mu geala ta afa ghinina ghai?’ ” dike la ghua.

Zone 11:2

Iahi lamu ia Mere neke va oranga ghini sedi ta vona tabaranao ia ghahena ia Lod leghunana, nia ke guranga va karangori tuna ka ira kalana taghonai neke ghuao. Lazarusi mu ia tahina mane manei neke fogario.

Zone 4:1

Zisas neke avohi dike nomohina ira Farisi neke to seselebeanarira ira noni manei, neke to hio va tehi noni ta nonofoina ghu, fuludu laoina Zone.

Zone 4:25

Ia fotati neke kahe ghua iahi, “Ara na avohi mo ta la mehana ghatu ia Mesaea. Manei e age va fafahaka vanamai ghai vahina leghutau nga neto la meha la.” (Ia Mesaea mu ia ta va kudo ghini Kraes maneri.)

Zone 6:23

Keha koakadira Taebiriasi dike sabara ka ia gheremena malau ka neke va beanio ia bereti ia Lod dike mahainio ghu ira noni.

Podolo Kave 11:3

Ara a vanadi mana palu nogu mane porofeti ta va vona poko muko hihingo mala tuturi ghini kavena ia nogu nonomoho ka giliona kaike togha, palu ghobi, onomo-ngavulu (1,260) ravata.”