Luku 6:7 - Ia Foforuna Naiungene

⁷ Ira mane ta vari va kakahe ghini ia vetula beana nia ira Farisi e ghua, dike mato dodoghohoti Zisas geke va vehai la manei mane ta muko kamena iahi ka Ravata Mala Maghoso ini, dike ghua. Maneri dike puina kabai fini tana ghu keha puhi ta puina muko ta va zeari manei ka ia vetula, mala hioina ka vari sukutuai.

Luku 6:7 Iomraidhean Croise

Matiu 5:39

Ghe a va kahe ghini ghau ghu ara, oka ke holara leghui ghu agho ia muko ta varifata ka neke va riva ghinighono ia keha noni. Hei neto tapaligho la ka bako mautuu nia, o ke fihiki vanani laoni keha pelona bakou nia, e tapali haro ghu manei.

Maki 3:2

Kehara ka ira Farisi ta kana ghini Zisas, dike mato dodoghohoti manei, geke va vehai la ia kamena ia mane ka ia Ravata Mala Maghoso ira Ziu, dike ghua. Neto riva ghini la ianimu manei, maneri edi age va ghuduvi ia nodi vatovato mala makutina, vununa manei neke riva ka ia Ravata Mala Maghoso.

Luku 13:14

Ghe ia mane babatu ta kopu ka ia suga mala varighara ira Ziu neke hali, vununa Zisas neke va vehai fotati iahi ka ia Ravata Mala Maghoso ira Ziu. “Onomo ravata tongana ghu ka kaike kolabana mu ta mala rivana. O meha ghu ka ravata iranimu mala va veha ghauna, nga eka ghua ghu ka ia Ravata Mala Maghoso,” neke ghua lao ka ia varigharana noni.

Luku 20:20

Ka ia au afa ghini maneri ia nodi fafata ta veha, ira ta babatu dike tuhu laori ira mane sigho ta la namaha seboina Zisas ka keha nodi notoho. Maneri dike kabai va sisiva sakomi Zisas ka keha ngengene ta kahe va zeari manei, edi boka mala nai laoi ghu ka ia mana ia gavanana Romu, dike ghua.

Zone 9:16

Kehara ka ira Farisi dike kahe ghua iahi, “Mane Zisas iahi mu, e deo ge sipa mehana ghu ka God, vununa manei ne riva ka ia Ravata Mala Maghoso.” Keharani tuna gedi ke kahe ghua ghu iahi dike ghua, “?Heve e ghua ira ta auri sasake ghe, gedi boka riva ghidi nga hahaima va ghilaghila ta ghuara irahi?” Age au tuna ia vari fotai ka ira ngangana vari hoataidi maneri, dike ghua.