Luku 6:44 - Ia Foforuna Naiungene

⁴⁴ Ia heke mu, da fini avohi ma ghita, ka ira fuana ta fua ghidi manei. Ira rekahadi heke ta kekere mu, e deo boka ke fuai figina nia ira kuhama mu, e deo boka ke fuai gerepina, e ghua.

Luku 6:44 Iomraidhean Croise

Matiu 12:33

“Ia heke mu neto doli va veha la, ghe ge veha nga ia fuana. Nga heke neto deo la ge doli va veha ghu mu, ia fuana e deo haroma ge veha ghu. Ia heke mu e boka fini avohi mo ka ia fuana ta fua ghini manei.

Matiu 7:16

Ghau o boka fini avohori mo ka ira heve ta riva ghidi maneri, taghe ta ghua nia lama ia heke ta boka fini avohi ka ia fuana. Ghau oka boka pisu gerepi ghu ka ira rekahadi heke ta kekere, ba oka boka pisu figi ghu ka ira heke ta kekere vunudi nia kaladi.

Matiu 7:20

Taghe ira porofeti ta sesebo mu, o age fini avohori ghu ghau ka ira heve ta riva ghidi maneri.

Zemesi 3:12

Ghau taremehaguro, ia heke figi mu e deo boka ke fuai olivina; ia heke gerepi tuna, e deo boka ke fuai figina, e ghua. Nia e deo haroma tuna ia futu ta kuratahi, ta boka va meha kolo ketuhuna, e ghua.

Zudi 1:12

Ka ia fafata varighara ta mahai varighara va manemane ghini ghu ia namaha ka ia Lod ghau ira ta va hohoghona, noni vari va kakahei ta sesebo irahi edi holara taremehamu mala va mukoina ia mahai beana ka ghau. Geta nganari ghu ma taghodi lama maneri ghe, maneri edika haghava ghedi ghu. Maneri edi boka va mukoi mo ia va hohoghona ka ghau, taghe ta ghua niala kaike zao ta lelemeana ia ta boka va mukoi kaike vaka. E tehi fuludu ta nai ghidi ungenera maneri, ghe deo ma tuna heve tadi va podolina, edi ghua, taghe ira toba ta dumisi la ta dafe laori ka fatena kaike malau ta karango e ghua, ghe deo ma tuna ge nanare ghu, ia ta ghua. Maneri mu taghe ta ghua nira la ira heke ta deo fuadi ka ia fafata mala haharui, edi ghua. Taghe ira heke ta huba vona taremehadi la ira zagharadi edi ghua, edi toraina age leme ukuhu lao ghu.