Luku 6:42 - Ia Foforuna Naiungene

⁴² ?Boka gheu ghe, no kahe ghua nga iahi, ‘Taremehaguo, meha a hio kaini ghu foroku iamu ka hibauna,’ no ghua nga, ghe ta deo ini go boka finini ghu gagolo ta au nia ka hibauna taghou? !Agho ta tatangana kobiri! Agho o kusu hio kainina gagolo ta au nia ka hibauna taghou, ghe go age fifini va veveha nga, go boka hio kaini ghu foroku ani, ka hibanana ia nou baere.

Luku 6:42 Iomraidhean Croise

Matiu 26:75

Ka fafata ianimu lama neto ngana leghuri ghu Pita ira ngengene ka Zisas, neke kahe ghuao iahi, “Ghe ge nakele nga ia kokorako, agho o age kahei ghatu lito fafata, ta zea ghinaguna ara,” neke ghua ghinio. Ianimu lama neto kave ghu Pita, toraina nakele dudumana ghenana.

Matiu 7:3

“?Heve ghu ghe, no mato laoi ngama agho ia foroku ta au ka ia hibana ia taremehau, noto deo la go ngalangadoi ghu gagolo ta au nia ka hibauna taghou?

Matiu 7:4

?Heve no ghua agho ghe no boka kahe ghua nga iahi ka ia keha taremehau, ‘Meha ko a hio kaini ghu foroku iamuhu ka hibauna?’ no ghua nga, ghe deo tuna go boka finini ghu gagolo ta au iamuhu ka hibauna taghou, ta ghua ini?

Luku 13:15

Ghe ia Lod neke ungene tughui, “!Ghau ta tatangana kobiri, vununa ghau no riva ka ia Ravata Mala Maghoso! Ghau haroharo o fani sopai fudaha kaveri haroma ira nomu bulumakau, ba ira nomu dongiki ka ira baradi, mala va ketuhurina ka ia Ravata Mala Maghoso.

Luku 22:32

Ghe ara nake to tarai toka ghinigho Saemoni, mala eka paeke la ghu ia va hohoghona ka agho. Ka ia age holara hihingo agho ta ke fihiki leghu meha ghu ka ara, agho o ke va gigimari ira va hohoghona ka ira keha tahiu mane.”

Luku 6:41

“?Heve no ghua agho ghe, no matoi ngama ia foroku ta au ka ia hibana ia nou baere, no deo ghu va ghunaghunaina gagolo ta au nia ka hibau nia taghou?

Luku 6:43

“Ia heke ta doli va veha mu, eka boka muko ghu ira fuana, nia ia heke ta doli va muko tuna, eka boka veha ghu ira fuana, e ghua.

Ira Riva 13:10

“Agho tuuna ia Faghinadi ira nazahi, ta foudigho vahina kokolodi sekesekei nga, vahina muko nga nia ia kana ka ira leghu veha nga, e ghua. ?Niha ghe go nodo nga tetu kaputurira agho ira hangana ta hohoghona ka ia Lod?

Ira Riva 2:38

Pita neke ungene tughuri, “Ghau haroharo o toraina taghuru kairi ira sasakemu nia o seselebeana ka ia babaolona Zisas Kraes mala kai hazadira ira muko ka ghau, e ghua. Ianimu tuna ghe go hioi nga ghau mu ia Tarunga Ta Maduana, ia kaikadolo sipana ka God.

Ira Riva 8:21

Agho, e deo go boka riva leleghu taremehamai ghu ghai ka riva iahi, vununa hihingou nia agho, e deo ge lotoro ghu ka kenuna God.

Romu 2:1

Kehara ka ghau haeba no nganai ira keha noni di rivai leghutau ta muko e fata ghu ta va kilasarira no ghua. Ghe ghau taghe maneri no ghua molamo mukomuna, e deo ghu go boka kahei ghu ta deona ge hoto ghau ghu muko taghomughi, vununa hae fafata tei ta fateina agho ia keha noni mu, agho no kahei ta hotoighona molamo muko taghoughi, vununa agho ia ta varifate no riva ghidi molamo leghutau iranimu.

2 Koriniti 5:18

Leghudi leghutau irahi nga mu sipa mehadi ka God. Manei neke tuhu mehai Kraes mala ke vari parekete leghuina ia fota ka vari hoataina taghonai God nia ghita e ghua. Manei neto ke vanamai ghu ghai ia riva ta mala ke vari parekete ghidi leghu ka taghonai ira keha noni.

2 Timoti 2:21

Noto sute va mamalahuigho la taghou ka ira leghutau ta muko, agho lamu disi ta boka mala rivana God ka ira nona riva ta tongovodi. Ia doli ka agho e age mamalahu nia maduana e ghua, va tana riva vananina ia Faghina ka ira leghu riva ta veha nga.

2 Pita 1:9

Noni neto deo la ge kurui ghu leghutau irahi ka ia dolina, manei mu deo ge fini varihau ghu ba ne kivi, vununa manei neto ngana kaini ghena ia tihi kairi ira sasakena sepao.