Luku 6:27 - Ia Foforuna Naiungene

²⁷ “Ghe noto lao hihingomu la nonomohona, ara a va kahe ghini ghau ta namaha ghidira ira noni ta kana ghini ghau nia riva va veha ka ira noni ta kikipana ghini ghau, e ghua.

Luku 6:27 Iomraidhean Croise

Maki 4:24

“O hadu ghidi ngangana va veha ghu heve ta nomoho mehari nira ka ara. Taghe noto va melongo va veha nia leghuri noto ghua la ta va kakahe ghini ghau idi ara, God e vanamu ia toka ta mala avohi ghau ghinina ia nona Ravutu. !Uve, God e torai vanamu tehi avoavohoni!

Luku 23:34

Kahe ghua tuna iahi ne ghua Zisas, “Mama, kai hazari ira sasakedi noni irahi, vununa deo gedi avohori ghu, heve di riva ghidira.” Ka fafata ianimu, ira mane magara dike hilava ghidi daesi ira nona poko Zisas.

Luku 6:22

God e va beana ghau, ghau ira ta kikipana ghini ghau, ghau ira ta va kave ghau, ghau ira ta ngovala ghau, nia ghau no muko ira ta ghua ghini ghau e ghua, vununa maneri di avohi, ta leghuauna ghau, ara ia Tuuna Noni.

Luku 6:35

“!O namaha ghidi ira ta kana ghini ghau nia o riva vanadi va veha, e ghua! Dito fanga ghau leghutau la maneri, o vanadi, ghe oka ke nganai ghu ge deo la lifuidina maneri, ta ghuana. E ghua ianimu ghe, ge age faa nga ia tabaramu ka malauo God fate, go age toraina nona rekaha hohoghona ghu God, vununa manei e namaha ghidi haroma ira noni taka kudo vehai ghu taghonai, nia ira noni ta puina muko, e ghua.

Luku 8:15

Nga ira subudi dike zoghuro ka ia kava ta veha mu, totoghaledi ira noni ta hohoghodi, nia ta veha ira hihingodi e ghua, ta nomohi ghu ia nonomoho ka God posi va gimana ka ira hihingodi fua va tehi tuduna.

Luku 8:18

O toraina va fafahaka va veha ghu, ka heve ta nomohorira ghau. Ka ira noni ta tobehe hioina nogu vari va kakahei ini mu, e faa laoni ia avoavoho ta vanadi laona ghatu. Nga ka ira noni taka va melongo ghu mu, geta ghua ghu ira heve teri di kururi ira ta ghua maneri ghe, God e age hio kai tadi.”

Luku 8:8

Keha subudirani dike zoghu ka kaike kava ta veha. Subudi iranimu dike doli veha dike fua va veha ghu, kaike ghobi subuna ka kaike vununa ta ghuana, taghe kaike ghobi fafata tehi fuludu laoini ia subuna neke numa ghinio.” Ianimu tuna ghe neke kudo vona nga Zisas, “!Hei neto lao hihingona la nonomohona, geala e vanemoho talinga e va fafahaka ghu!”

Ira Riva 10:38

Ghau to avohi haroma Zisas ia tanina Nazareti neke va foudio God ka ia Tarunga Ta Maduana nia mana. Ghau no avohi mo heve neke ghua Zisas ghaherira leghu pelodi nga, riva ghidira ira leghutau ta veha nia va veharira ira leghu noni dike auro nga ka pekana ia mana ia Faghinadi ira nazahi e ghua, vununa God neke au taremehana manei.

Ira Riva 16:28

Ghe Polo neke kudo lao ka manei, “!Oka atungigho ghu taghou! !Ghai haroharo na au mo aiahi!” neke ghua ghini lao.

Ira Riva 7:60

Manei neke torongaghituturu hinae ghe, neke nakele va fafaa vona nga, “!Lod, oka raghe leghui ghu muko iahi ka maneri!” neke ghua ghe, neke leme ghena nga.

Galesia 6:10

Leleghu fafata kuru ghita ia fafata vehana, ghita geala da toka rivai vehana ka leghu noni nga, sughavona ghu ka ia toka ghidi ira tahida noni ta va hohoghona ka Zisas.

1 Tesalonaeka 5:15

Mato va veha, oka vari pahukai la ghu ka ira muko, nga o va sisiva tudu ma ta vari susute ghemuna, nia ta suteri harora ira keha noni, e ghua.

3 Zone 1:11

Agho nogu mane baere kenuna, oka riva leghui ghu ia riva ta muko, nga o riva leghui ma heve ia ta veha lama. Heiri ira ta riva va veha mu di va podolori taghodighi ta nona rekahana God, nia heiri ira ta riva va muko tuna, gedi va podolori ghu taghodighi ta deona gedi avohi ghu God, e ghua.