Luku 6:23 - Ia Foforuna Naiungene

²³ “!Neto ghua la ianimu, o va manemane o paraku va ghazaghaza ghu, vununa ia tabara leghaha, to au afa ghini ghau ka malaunao God fate! Nia o ke ngana avohi molamo e ghua, ira faamu meha sepao dike ghua ghidi haroma ira porofeti sepa.”

Luku 6:23 Iomraidhean Croise

Matiu 5:12

O va manemane nia va ghazaghaza, vununa ia leghahai tabara to au afa ghini ghau ka malauo God fate. Taghe iahi dike ghua ghidi haroma maneri ngovalarira ira mane porofeti dike kusu au meharo ka ghau sepao.

Luku 1:41

Ne nomohori ghu Lisabeti ira ungene veha ka Mere, ia rekaha ka tianao Lisabeti neke rugata, nia Lisabeti tuna geke to foudi ghu ia Tarunga Ta Maduana, neke ghua.

Luku 1:44

!Ka ia fafata haghele mehau agho ta ungene vehau ghu ara, tuugu ini ka tiaguna neke rugata ka ia va manemane, ka ia fafata nake torai nomohighono ara leou nia!

Luku 6:35

“!O namaha ghidi ira ta kana ghini ghau nia o riva vanadi va veha, e ghua! Dito fanga ghau leghutau la maneri, o vanadi, ghe oka ke nganai ghu ge deo la lifuidina maneri, ta ghuana. E ghua ianimu ghe, ge age faa nga ia tabaramu ka malauo God fate, go age toraina nona rekaha hohoghona ghu God, vununa manei e namaha ghidi haroma ira noni taka kudo vehai ghu taghonai, nia ira noni ta puina muko, e ghua.

Ira Riva 14:10

ghe ne kudo va fafaa lao nga, “!Tetu vona va lotoro ka ghaheu nira!” neke ghua ghini. Ia mane neke to paraku vona ma ka ira ghahena neto ke tatanigai ghaghahe ghu.

Ira Riva 3:8

Manei neke to paraku vona ma ka ghahenaro, neto tatanigai ghaghahe liloho ghu. Ianimu tuna ghe neke leghu hagheleri nga manei Pita ghe Zone ka giliona ia Sugana God, ghaghahe, paraku, ta ghua ta laona ghu, helahela ghinina God.

Ira Riva 5:41

Ira mane nonomoho dike toraina va ghazaghaza ma dike ghahe kaini ghu ia Nonohe Faghina ka ira Ziu, vununa God neke tahori ta fatana maneri mala vavahagala vananina Zisas.

Romu 5:3

Eka ghua ghu ma ianimu lama, nga ghita da va ghazaghaza molamo ka ira vavahagala ghita, vununa ghita da avohi ia vavahagala mu e va au nadu ghita e lao ghu;

2 Koriniti 12:10

Uve, ara na va manemane ta paekena, ta kahe va mukoauna, ta ngovalauna, ba ta kuruauna mamarutana nia ta va vavahagalauna, e ghua. Vununa ka ia paeke ara ta va gigimauna Kraes.

Kolosi 1:24

Ara na va manemane ka ia vavahagala vanamu ka tinigu ini, vununa ara na ohoꞌoho ta mala vavahagalana ka ira vahina ta kabai ghinagu nga Kraes ta mala va vavahagala vananina ara, e mala toka ghini ghu ia tinina, ianimu lamu ghu mu ia kiloau.

2 Timoti 2:12

Dato tetu va gima la ghita, ghita da age au kopu taremehana haroma manei. Nga deo ga avohi ghemai ghu manei, dato ghua la ghita, manei e age kahei haroma, ta deona ge avoho ghita ghu ghita.

Hiburu 11:26

Manei neke va hohoghonai e veha ta vavahagala vananina Kraes fuludu laoina ia ta taghori ira leghutau ta veha ta au Izipi, vununa manei neke mato kenu laoi ia tabarana leghaha ta age hioi manei ka God keha nareo.

Hiburu 11:6

Neto deo la ia va hohoghona, e deo ge boka ghu ta mala veha vananina God. Hei ta ghuana ta kabai mehana ka God, maneri edi va hohoghonai ta torai auna God, nia maneri edi va hohoghonai molamo ta vanadi tabarana God heiri ira ta kabai meha ka manei.

Zemesi 1:2

Ghau tahiguro, taghe kaike fafata mala va ghazaghaza o ghua, neto dufu ghau la leghu kokolodi lelemeana nga,

1 Pita 4:13

Ghau o va ghazaghaza ka ia va vavahagala ghau ira noni, taghe neke vavahagalao la Kraes sepao. Nia ka ia ke la leghu mehana Kraes ka ia nona varanga, ghau o age puina va ghazaghaza laoni.

Podolo Kave 2:17

!Hei neto au talingana la, manei e toraina nonomoho va veha ghu ka heve ne kahe laoina ia Tarunga ta Maduana ka ira suga tarai! Ka heiri ta posi va gima ta paufuri ghu ira muko, ara a age vanadi ia popoikana ghano ta va kudo ghini ‘mana’. Ara a age va sopa kaikeri ghahipa ta ghiho ta kakangava lao kaike babaolo foforuna ta deo hei ta avohina, nga taghonai ia ta hioi lama.”

Podolo Kave 2:26

Ka heiri ta posi va gima ta riva ghidi ghu ira nogu riva dufuna ka ia va nonoghana mu, ara a age vanadi ia mana mala kopu ghidi leghu soloso nga ka malau iahi peka.

Podolo Kave 2:7

Hei neto au talingana la, manei e toraina nonomoho va veha ghu ka heve ne kahe laoina ia Tarunga ta Maduana ka ira suga tarai. Ka heiri ta posi va gima ta paufuri ghu ira muko, ara a age va malumuri ta mahainina ia fuana hekena doli, ka ia nunuma God.”

Podolo Kave 21:7

Heiri ira ta posi va gima ka ia nodi va hohoghona ta fihiki kairi ghu ira muko, edi age hio kadolori vahina leghutau ta veha irahi nga, nia ara ga age nodi God ghu maneri nia maneri gedi age tuugu ghu ara, e ghua.

Podolo Kave 3:12

Heiri ira ta posi va gima ta paufuri ghu ira muko, maneri mu taghe ira sutuna ia Ringifota ta Maduana ka God edi ghua au tuduna aianimu. Nia ara a kangava laoi ka fatedi maneri ia babaolona ia nogu God, nia ia babaolona ia malau leghaha ka ia God ara, ia foforuna Zerusalemu ia ta la hinae meha fate ka ia nogu God. Ara a kangava laoi molamo foforuna babaologu ini ka tinidi ari.

Podolo Kave 3:5

Heiri ta posi va gima ta paufuri ghu ira muko mu, edi age va vona pokotini ta ghiho taghe maneri la. Ara toraina deo ga age guaha kairi ghu ira babaolodi ka ia bukana doli, nga ara a age kahe kavei ka kenuna nogu Mama nia ira nona engizeli e ghua, ta nogura ara mu maneri.