Luku 6:22 - Ia Foforuna Naiungene

²² God e va beana ghau, ghau ira ta kikipana ghini ghau, ghau ira ta va kave ghau, ghau ira ta ngovala ghau, nia ghau no muko ira ta ghua ghini ghau e ghua, vununa maneri di avohi, ta leghuauna ghau, ara ia Tuuna Noni.

Luku 6:22 Iomraidhean Croise

Matiu 10:18

Vununa ka ia ghinagu ara, edi age hio vona ghau ghu ghatu ka kenudi ira ta babatu nia ira mane ginitaukela e ghua, mala va kahe ghidina ghau maneri nia ira noni taka Ziu ghu e ghua, ghinina ia Nonomoho Ta Veha.

Matiu 10:22

Leghu noni nga edi age kikipana ghini ghau ghatu vununa ghau no riva vanagu ara. Ghe hei ia ta au va gima ta dufu ghu ka ia va nonoghana mu, God e age hio va dolini ghatu.

Matiu 10:39

Noto ngana hetai la agho ia doliu taghou, agho o age siana ghini ghatu; nga noto siana ghini la agho ia doliu taghou, vununa ka ia ghinagu ara, agho o age hioi ghatu ia doli soduai.

Luku 20:15

Kai kavei tuna ka ia peghuruna nunuma gerepi gedi atungi ghu, dike ghua. “?Geala heve ghu mu ta age riva ghinina ia mane ta kutamai nunuma gerepi ka ira mane ta kopunai nunuma?” neke ghua notohona Zisas.

Luku 21:17

Leghu noni nga edi age kikipana ghini ghau ghatu, vununa ghinagu ara.

Luku 6:21

God e va beana ghau, ghau ira ta nomu liha ghatunaina, vununa ghau, e age hovi ghau ghatu. God e va beana ghau, ghau ira ta nakele ghatunaina, vununa ia fafata e la meha mo, ta age pagho va ghazaghaza ghau.

Zone 12:42

Neke ghua mo ianimu ghe, tehi nonini taremehadi kehara ka ira noni babatu ira Ziu dike va hohoghonai mo manei. Ghe maneri deo gedi ke turi ghini kave ghu, vununa maneri dike maughedi ta age nai kaverira ira Farisi ka ia suga mala varighara ira Ziu.

Zone 16:2

Maneri ghatu edi age nakai kave ghau ka ira suga mala varighara ira Ziu, nia ia fafata e la meha mo ghatu ta age atungu ghauna ira noni, ta age nganai ghu maneri di riva vanani God, ta ghuana.

Zone 17:14

Ara nake vanadi maneri ia nou nonomoho, dike kikipana ghidi ghu malau iahi peka, vununa maneri mu eka nona ghu malau iahi peka, taghe ara la, ta deo ini ga nona ghu malau iahi peka.

Zone 7:7

“!Malau iahi peka mu e deo ge kikipana ghini ghau ghu ghau, nga ne kikipana ghinagu ara mo, vununa ara na makuti ka ia muko ta riva ghini manei!

Zone 9:34

“?Agho noke dolio ka giliona muko mu, ta kabai va kakahe ghini ghaina ghai?” dike ghua ghini. Nai kavei tuna ka ia suga mala varighara ira Ziu dike ghua.

Ira Riva 22:22

Ia varigharana noni dike nonomoho ma ka Polo neke vuhai kahei ghu manei ia ngengene e ke mala lao ka ira noni taka Ziu ghu ta ghua iahi. Noni irahi mu ira ta mumukori ira noni Ziu. Tatanigai kudokudo ghua tuna iahi dike ghua maneri, “!Hio ghahei mane iahi! !Atungi! !Manei e deo ge fata ghu ta mala dolina!”

Ira Riva 24:5

“Ghai nato ke hadu kavei mane iahi, ta noni ngongovalanana va hugahugarira ira noni Ziu hae ghe hae ghu ka malau iahi peka. Manei haro lamu ta papauna ghinina ia butubutu ta leghui ia mane vari va kakahei ka ia malau leghaha Nazareti.

Ira Riva 9:16

Ara ta va podolo vananina ghatu taghe niha ghu ta toraina mala age vavahagala vanaguna manei ghatu.”

Zemesi 1:12

God mu e va beanari ira noni ta tetu va gima ka giliodi ira vari va sisivai, vununa dito age paufuri la maneri vari va sisivai iranimu, maneri edi age hioi ghatu ia tabara ka ia doli neke naiungene ghinio God ka heiri ira ta namaha ghini.

1 Pita 3:14

Geta vavahagala ghini mo riva ghinina ia ta veha ghe, God e age va beana ghau ma e lao ghu ghatu. Oka maughemu la ghu nia oka anga ghemu la ghu.