Luku 6:21 - Ia Foforuna Naiungene

²¹ God e va beana ghau, ghau ira ta nomu liha ghatunaina, vununa ghau, e age hovi ghau ghatu. God e va beana ghau, ghau ira ta nakele ghatunaina, vununa ia fafata e la meha mo, ta age pagho va ghazaghaza ghau.

Luku 6:21 Iomraidhean Croise

Tatanigaina 17:17

Ebarahamu neke maimanihi tala hinae ka kavao, ghe neke pagho nga, deona geke va hohoghona ghu. “?E boka nai rekaha mo mu ia mane ta 100 komuhuna? ?E boka mo Sera nai rekahana ka ta 90 komuhuna ini manei?”

Tatanigaina 21:6

Sera neke kahe ghua ghu iahi, “God neke va paghopaghoau ka va ghazaghaza. Heiri haroharo ta nomohi iahi mu edi age pagho taremehagu ara.”

Matiu 5:4

God e va beanari heiri ira ta muko hihingo, manei e age va kakapotori.

Matiu 5:6

God e va beanari heiri ira ta kovoro ghini nia ta parangoso ghini ia ta lotoro, maneri edi age hio kamoti ghatu ta kabai ghini ani.

Luku 1:53

Manei neke vanadi leghutau ta veha ira ta nodi liha nga ira ta taghotagho mu neke va ghahe kakatori.

Luku 6:20

Ianimu tuna ghe neke fihiki lao nga Zisas ka ira nona mane ta nonofoi, neke kahe ghua ghu iahi, “God e va beana ghau, ghau ira ta malanga, vununa ia nona Ravutu God ne vanamu ghau.

Luku 6:22

God e va beana ghau, ghau ira ta kikipana ghini ghau, ghau ira ta va kave ghau, ghau ira ta ngovala ghau, nia ghau no muko ira ta ghua ghini ghau e ghua, vununa maneri di avohi, ta leghuauna ghau, ara ia Tuuna Noni.

Luku 6:25

Ka torai lelemeanara ka ghau ira ta hovi ghau ghatunaina, ghau o ke age nomu liha ghatu. Ka lelemeana leghahara ka ghau ira ta pagho ghatunaina, ghau o ke age muko hihingomu nia nakele ghatu.

Zone 11:35

Ka fafata iahi Zisas neke nakele.

Zone 4:10

Zisas neke ungene tughui, “Goke avohi lama agho heve mu ta vanadina God ira noni, nia hei mu ta fangaigho ketuhu ini e ghua, geala agho oto ke fangau ara ato ke vananigho ketuhu ta vananigho doli ghu.”

Zone 6:35

“Ara lamu beretina dolina,” ne ghua ghidi Zisas. “Heiri ira ta meha ka ara, e toraina deo gedi age nodi liha ghu, nia heiri ira ta va hohoghona ka ara, ge toraina deo ghu age parangosodira, e ghua.

1 Koriniti 4:11

Geta ghua ghu ghatunaina ghe, ghai na nomai liha nia parangoso; na va vona poko pereu ma; di toraina ruza va muko ghai, nia deo malaumai, e ghua.

2 Koriniti 11:27

Ara nake riva ghorevaha soduai, deona gake epu ghu tehi redu. Keha fafatara ara nake nogu liha nia parangoso nia deoau ghano. Keha fafatara ara nake kapo nanazara ghegu, vununa deo geke fata ghu ira poko teri mala va dangavauna.

2 Koriniti 12:10

Uve, ara na va manemane ta paekena, ta kahe va mukoauna, ta ngovalauna, ba ta kuruauna mamarutana nia ta va vavahagalauna, e ghua. Vununa ka ia paeke ara ta va gigimauna Kraes.

2 Koriniti 6:10

Geta va muko hihingo ghai ghu ghe, ghai na va manemane tudu ma. Ghai mu na kuma, ghe na va taghotaghori mo tehi noni. Na deo mo ta taghoina ghe, na kuru ghai mo vahina leghutau nga.

Zemesi 1:12

God mu e va beanari ira noni ta tetu va gima ka giliodi ira vari va sisivai, vununa dito age paufuri la maneri vari va sisivai iranimu, maneri edi age hioi ghatu ia tabara ka ia doli neke naiungene ghinio God ka heiri ira ta namaha ghini.

Podolo Kave 21:3

Nia ara nake nomohi kaike leo ta faa ngengene ghuana iahi ka ia nonohe ginitaukela, “!Fini! Ia Suga Tapole ta Maduana ka God to au ghatunaina ka vari hoataidi ira nona noni, e age au taremehadi ghu manei. Maneri edi age nona noni manei nia taghonai God ge age au taremehadi ghu maneri age nodi God na, e ghua.

Podolo Kave 7:16

‘E toraina deo ke age nodi lihana, nia e toraina deo ke age parangosodira e ghua, Ia taunu e deo ge age fera va malasari ghu,’ ba heve keha leghutau ta sisito fuludura, e deo ge boka age va vavahagalari ghu.