Luku 6:12 - Ia Foforuna Naiungene

¹² Kaike ravata ka leghuna ianimu, Zisas neke vona la tarai ka kaike vuhuku, tarai laona ka God ia redu kamoto.

Luku 6:12 Iomraidhean Croise

Matiu 5:1

Kaike ravata Zisas neke finiri ira varigharadi noni, neke vona lao ghu manei ka ia tabafena vuhuku la nohe hinaena aianimu. Ira nona mane ta nonofoi dike varighara ghini liloho,

Matiu 6:6

Nga noto tarai nou la, o la haghele kakaike gilio ka ia nou ringifota, o la babakisi ghu, ghe go tarai poika lao nga tuna ka nou Mama ia ta deo ge finini ghu. Ianimu tuna ghe ge age tabarigho nga nou Mama, ia ta finiri ira heve ta riva ghidi kakaike agho.

Maki 1:35

Ia keha fufugho, Zisas neke to soduai baghununa ghe, neke pagasa nga ia fugho, neke kave kaini ghu tuna ia sugana, ghahe kainina Kapaniumu neke lao ghu ka ia malau ghouna ta boka la au kakaike, neke la tatanigai tarai ghu manei.

Maki 3:13

Leghuna ianimu, Zisas neke vona lao ka kaike tabafena vuhuku, ghe neke kudori nga ira ta kabai ghidi taghonai ta mala leghuina, dike la meha ghu maneri ka manei.

Maki 6:46

Leghuna kubaeri ira noni ghe, neke vona lao kakaike nga Zisas ka kaike voruhu, neke la tarai ghu.

Luku 5:16

Ghe Zisas mu e fani lao ka ira malau ta ghou mala la taraina.

Luku 6:11

Ka riva iahi dike to puina ngaziri ghu ira noni ta kana ghini Zisas, dike tatanigai nonogele ghini ghu heve tadi age va riva ghinina manei.

Luku 6:17

Ka ia fafata hinae mehadi ka ira tabafedi vuhuku, ira mane nonomoho dike tetu taremehana Zisas ka kaike galahena leghaha ta sare, meha au lilohorira ira tehi nona noni ta nonofoi, nia ira varigharadi noni, e ghua. Tehi noni ka ira leghu pelodi nga Zudia, Zerusalemu, e dufu lao ghu pelovona mo ka ira agharadi tahi aianihi Taea nia Saedoni e ghua, dike aura aianimu.

Luku 9:18

Kaike ravata ka ia au kakaikena ta tarai ghu Zisas, manei neke lao ka ira nona mane ta nonofoi neke la notohori ghu, “?Ara mu hei, di ghua ghinagu ira noni?”

Luku 9:28

Taghe hana ravata leghuna ianimu, Zisas neke hiori Pita, Zemesi nia Zone e ghua, dike la tarai ghu ka ia vuhuku.

Luku 9:29

Ne tarai ghu manei, ia hihilina neke holara nia ia poko tinina tuna geto ke age ghighiho ngesele ghu, neke ghua.

Zone 6:3

Ka ia la sabaradi ka ia keha pelona loka, Zisas neke vona lao ka ira voruhu, neke la nohe hinae ghu, taremehadira ira nona mane ta nonofoi, mala va kakahe ghidira.

Kolosi 4:2

Ghau haroharo o tarai tudu ma nia o toraina mato va veha ghau taghomu e ghua, noto tarai la, nia o kudoveha lao ka God, e ghua.

Hiburu 5:7

God neke kurui mana ta fata mala hio va dolinina Zisas, e deo ghu age lemena manei. Nia ka ia auna manei ka malau iahi peka, manei neke tarai nakele va fafaa lao ka God mala toka ghinina. God neke nomohi ghu ia tarai ka manei vununa Zisas neke hohoghona heluhelu ghinina manei.