Luku 5:21 - Ia Foforuna Naiungene

²¹ “?Taghonai mu hei, e ghua baini mane iahi?” dike kahe ghua ka vari taghodi ira Farisi nia ira mane ta vari va kakahe ghini ia vetula beana, e ghua. “!Toraina lausasaba ghini mamu God mu iahi! ?Hei mu ta boka kai hazarira ira sasake, kaike God lama mu ta bokaina ianimu?” dike ghua.

Luku 5:21 Iomraidhean Croise

Matiu 26:65

Ianimu lama neto rekui ghu ia poko ka taghona ia hiama pauna, kahe ghuana iahi, “!Manei deo ge heluhelu ghini ghu God! Ghita e deo ke kabai noni mala vanada turinani. Ghau haroharo to nomohi ia lausasaba ka manei.

Matiu 9:3

Kehara ka ira mane ta vari va kakahe ghini ia vetula, dike kahe ghua iahi ka vari taghodighi, “!Iahi mu toraina lausasaba ghini mamu God, vununa taghe taghonai mu God ne ghua manei ka nona ngengene idi!” dike ghua.

Luku 3:8

O va podoli ka ia dolimu, toraina noto taghuru kairi ira sasakemu, noto fihiki lao ghu ka God ta ghuana. Oka re kahe ghua mo ghu iahi, ‘Ghai mu pagusuna meha Ebarahamu, to doli ghemai ghu,’ ta ghuana. E torai deo hohoghona mu ianimu. God e boka holarari mo ghahipa irahi, e mala nona rekaha ghu Ebarahamu.

Luku 5:17

Kaike ravata, ne vari va kakahei ghu Zisas, keha Farisira nia ira mane ta vari va kakahe ghini ia vetula ta maduana ka God e ghua, dike nohe molamo aianimu. Noni irahi mu tanidi ka ira leghu rekahadi malau nga ka ira palu Babaradi Galili ghe Zudia, nia ka ia malau leghaha Zerusalemu, e ghua. Ia mana ka ia Lod neke toraina au ka Zisas, mala va veharira ira ta fogara.

Luku 5:22

Zisas to avoho laori ira nganganadi, neke notohori ghu, “?Heve no ghua ghe, lausasaba mu iahi no ghua nga ka nganganamu nira?

Luku 7:49

Ira mane ka ia tevo dike kahe ghua iahi ka vari taghodi, “?Taghonai hei, ne ghua baini mane iahi, ta kai haza sasake ma ta ghahe ini ghu?”

Zone 10:33

Ke ungene tughui tuna dike ghua, “Ghai e deo ga va fera ghinigho ghahipa ghu agho ka ira riva ta veha ta riva ghidi agho, nga ka ia ngengene va mukoi agho God mo, vununa agho mu noni ma, ghe taghou mu God no ghua agho.”

Romu 8:33

?Hei mu ta boka makutu ghitana ghita neto ke faete ghitano God ta mala nona nonina taghonai? Deo hei, vununa taghonai God lamu neto nai va lotoro ghitana.