Luku 5:10 - Ia Foforuna Naiungene

¹⁰ Zemesi ghe Zone ira palu tuunamane Zebedi dike habuhabu taremehanao Pita, dike puina age nodi fere fuludu molamo. Zisas neke ungene tughui Saemoni, “!Oka maugheu ghu! !Ghatunaina e vai vona ghu, agho o age habuhabu noni!”

Luku 5:10 Iomraidhean Croise

Matiu 13:47

“Kehanani mu, ia Ravutu ka malauo God fate mu, taghe kaike voloizoghu ta va zoghui ka ia giliona kaike loka ta la gepa ghu leghu kokolodi namari nga, e ghua.

Matiu 14:27

Ghe Zisas mamagali ma neto ke ngengene laori ghu. “!Hioi hetamuna! Ara lama koini. Oka maughemu ghu,” neke ghua ghidi.

Matiu 20:20

Ianimu tuna ghe, neke la meha nga ka Zisas nodi uke Zemesi ghe Zone, ira palu tuunamane Zebedi, neke la torongaghituturu hinae ghu ka ia va vonavona, fangaina kaike leghutau.

Matiu 4:19

Kudo laori tuna neke ghua Zisas, “O meha leghuau, a va kakahe ghini ghau mala habuhabu noni ghu ara.”

Matiu 4:21

Kenu lao mo birusuna tei ka ia tapuruna loka, Zisas neke la finiri molamo ira keha palu tatahina mane, Zemesi ghe Zone, dike au ka giliona kaike koaka taremehana nodi mama Zebedi, sikatari ta aura ghu ira nodi volo. Manei neke kudori molamo maneri palu ta la leghuina.

Maki 1:17

Zisas neke kudo laori, “!O meha leghuau, o mala nogu noni mala nonofoau ghu, a va kakahe ghini ghau ghu mala zapuina ia noni!”

Luku 5:7

Ianimu tuna ghe dike kudo laori nga ira keha mane ka ia keha koaka dike kaike ghahe varighararo maneri, ta la toka ghidira. Ira palu koaka dike to age fouduai namaridi haro, dike age namo luduru ghu.

Luku 5:9

Pita nia ira keha mane dike au taremehanao, dike puina age nodi fere fuludu ka ira tehi namari dike hioriro.

Luku 6:14

Saemoni (neke va kudo ghini Pita harono Zisas), Aduru (Ia tahina mane Pita), Zemesi, Zone, Filipi, Bafolomiu,

Zone 21:2

Saemoni Pita, Tomasi (Sua ia ta ghua ghini), Nafaneli ia tanina Kena ka ia Babarana Galili, ira palu tuunamane Zebedi, nia keha palu mane nonoforani e ghua, dike au varighara haroharora aianimu.

Ira Riva 2:4

Maneri haroharo dike auro aianimu, dike fouduri ia Tarunga Ta Maduana dike tatanigai ngengene ghu ka ira sopai kokolodi ngengene, leghuina ia babatu ka ia Tarunga Ta Maduana.

2 Koriniti 8:23

Hei neto notoho ghini la Taetusi, manei mu e kaike taremehagu ara e riva taremehagu ghu mala toka ghini ghauna ghau. Nga keha palu tahimai mane ta va hohoghona irahi mu, edi lao vanani ia kiloau edi mala va varangi ghu ia babaolona Kraes.

2 Timoti 2:26

Ka ianimu ghe gedi age avoavoho nga maneri, gedi boka age pelo kaini ghu ia mamutu ka ia Faghinadi ira nazahi. Vununa maneri mu to age hake va gima ka manei, mala riva vananina ira lao hihingo ka taghonai ia Faghinadi ira nazahi.