Luku 5:1 - Ia Foforuna Naiungene

¹ Kaike ravata, ne tuturi beana ghu Zisas ka ia tapuruna Lokana Genesareti, ira leghahai varigharadi noni, dike vari bubu lao ka manei dike la nonomoho ghu ka ia saorona God.

Luku 5:1 Iomraidhean Croise

Matiu 11:12

Ka ia tatanigaina rivai tuturi beana Zone Ia Ta Rivai Seselebeana ta dufu ghu ka torai ravata iahi, ira noni ta ngongovala dike magari ia Ravutu ka malauo God fate, va sisiva huarina.

Matiu 14:34

Leghuna fera kadoli ia loka Galili, maneri dike la sabara hinae aianihi Genesareti.

Maki 3:9

Vununa ira noni dike puina tehi fuludu, neke va kahe ghidi ghu Zisas ira nona mane ta nonofoi, ta va tana vananina kaike koaka, mala la nohena ka taghona gilio, mala ia varigharana noni e deo ghu boka vari tutupi namo laona ka manei.

Maki 4:1

Kaike fafatani, Zisas neke tatanigai vari va kakahei ka ia tapuruna Lokana Galili. Vununa ira tehi noni dike au ka tapuruna loka ani, neke la haghe ghu Zisas ka kaike koaka, ghe neke la nohe hinae nga, neke tuturi vanadi lao ghu.

Maki 5:24

Leghui tuna Zaerusi neke ghua Zisas, dike ghahe vai lao ghu ka ia sugana manei. Ira noni dike ghahe leghuio dike tehi fuludu dike izui ghu maneri Zisas.

Maki 6:53

Ka ia fafata la sabaradi aianihi Genesareti ka ia keha pelona ia loka, maneri dike la sighoti ia koaka.

Luku 12:1

Ka fafata ianimu haro, ira noni dike varighara lilohio Zisas, dike to age togha, togha ghu tehidira, dike age vari dedeke ghu. Zisas neke kusu fihiki lao ka ira nona mane ta nonofoi, neke kahe ghidi va gigima ghu, “O banabana ghini ghau taghomu ka ia isi ira Farisi, ia tatangana kobiri ka maneri.

Luku 5:2

Zisas neke fini fata laori palu koaka ta korogha ka ia tapuruna kolo, vununa ira mane habuhabu dike ghahe kairi, dike la tihiri ghu ira nodi volo.

Luku 8:22

Kaike ravata, Zisas neke kahe ghidi ira nona mane ta nonofoi, “Aria da kadolo age ghu visi fateo mo ka keha pelona loka ini,” neke ghua ghidi. Haghe lao tuna ka ia koaka gedi tatanigai kave lao ghu, dike ghua.

Luku 8:23

Ka ia fafata tepe kadolodi, Zisas neke to epu. Magali ne ghua ma, to la raza meha ghu ia tapaoho ta mamaghuana ka lokana, age tatanigai va foudu ghini kolona ia koaka, torai nairina ka giliona lelemeana leghaha.

Luku 8:33

Ira nazahi dike kave kaini ia mane dike la haghele ghu ka ia hoghara totopa vadu. Ia kamotona hoghara totopa vadu, dike rurutu hinae lao ka ia gheremena voruhu ka ia pegu ta didighili, dike la lomoho haroharo ghu ka ia loka.

Luku 8:45

“?Hei mu neke posi auna ara?” neke ghua notohona Zisas. Zea ghini ghedi ka dike ghua harono maneri, Pita neke kahe ghua lao iahi, “Manefaa agho, leghu noni ta varighara irahi nga edi boka vari tutupi mo ka agho,” neke ghua ghini.

Zone 1:40

Kaike ghu ka ira palu mane dike nomohio heve neke kaheino Zone, dike leghuio ghu Zisas mu, Aduru ia tahina mane Saemoni Pita.

Zone 6:1

Leghuna iahi, Zisas neke fera kadoli ka kaike koaka ia Lokana Galili, ia ta va kudo ghini ia Lokana Taebiriasi haro.

Hiburu 13:7

O ngana laori ira nomu noni babatu dike va kakahe ghini ghauro ia saorona God. O ngana laori ira leghu veha nga ka ira doli maneri, o deke leghui ghu ia va hohoghona ka maneri.