Luku 4:6 - Ia Foforuna Naiungene

⁶ neke kahe ghua ghu iahi, “Ara a vananigho leghu mana nia taghotagho irahi nga ka malau iahi peka, ta mala taghorira agho, vununa leghu irahi nga mu, nogu ara ta mala vanani laona hei ia ta kabai vanani ara.

Luku 4:6 Iomraidhean Croise

Luku 4:7

Ara a vananigho haro ghu leghu irahi nga, noto maimanihi hinae la va totoana ghinaguna agho.”

Zone 12:31

Ia fafata mala fatei malau iahi peka mu neto ke meha, e age kai kavei ghu tuna ghatu Satana, ta tetu ginitauna ka malau iahi peka.

Zone 14:30

“To deo ga suri kuru au ghu fafata mala turi taremehamuna, vununa Satana, ia ginitauna malau iahi peka, to zukuru meha. Manei e deoi mana mala paufuauna ara,

Zone 8:44

Ghau mu nona rekaha nomu mama ia Faghinadi ira nazahi, o kabai riva ghidi ghu ira leghutau ta muko ta riva ghidi manei. Manei mu neke vari atungu ka ia tatanigaina, neke hakohako ghini tudu ma ghu ia hohoghona, vununa ne deo hohoghona ta auna ka manei. Ka ia turi sebo manei, manei ne va podoli ia toraina aꞌauna taghonai, vununa manei mu ia ta sesebo, ia nodi mama ira leghu sesebo nga.

2 Koriniti 11:14

!Ghe ara e deo ga nogu fere ghu! Satana harona ghe taghe engizelina fegala ne ghua nga poikaina taghonai.

Efesasi 2:2

Ka fafata ianimu ghau noke fani leghuri ira puhina malau iahi peka ta sasake ka ia leghui Satana ia faghinadi ira nazahi ta muko. Manei lamu ia nazahi ta muko ta riva ka giliodi ira hihingodi ira noni ta pake ghedi leghuina God.

1 Pita 1:24

Ira Kakangava sepa Ta Maduana di kahe ghua iahi, “Noni mu taghe ia sesehu ta leme edi ghua; ia veveha ka maneri e magali ma e age dako ghu, taghe ia veveha ka ira havoro mauke, e ghua. Ia sesehu e leme, nia ira havorodi edi lufuru.

1 Zone 5:19

Ghita da avohi mo ta nona rekahana God mu ghita, geta au ghu malau kamoto iahi peka ka pekana ia kopu ia ginitauna ia muko.

Podolo Kave 12:9

Leghahai daragoni iahi mu ia adoghona sepao ta va kudo ghini ia Faghinadi ira nazahi ba Satana, neke seborio ira noni ka malau kamoto iahi peka, dike kai hinaeio ghu ka malau iahi peka taremehadi ira nona engizeli.

Podolo Kave 13:2

Va vuha ta mamaghuana iahi mu taghe fifinina lepadi e ghua, nga tabalanara mu taghe tabalana bea e ghua, nia ia mangana tuna taghe mangana laioni e ghua. Ia daragoni neke vanani lao ia va vuha ta mamaghuana ia gigima nia ia nonohe ginitaukela ka taghonai, nia ia mana mala kopu, e ghua.

Podolo Kave 13:7

God neke va malumi ia nazahi ta magararira ta paufurira ghu ira noni ka taghona God. Nia manei neke va malumi haro manei ta mala tetu ginitau kaputurira ira noni ka ira leghu butubutu nga, noni nga, ngengene nga nia soloso nga, e ghua.