Luku 4:18 - Ia Foforuna Naiungene

¹⁸ “Ia Tarungana ia Lod ne au ka ara, vununa God neke faeteau ara mala tuturi ghinina ia Nonomoho Ta Veha ka ira ta malanga. Manei neke tuhu mehau ara mala va ongahina ia ta ke age kalasa ghedi ghatu ira ta au pipiliga, ta ke age vovoho fifinina ghatu ira ta melu fifini, ta ke age kalasa ghedira ira ta au ka pekana ia mana ira keha noni,

Luku 4:18 Iomraidhean Croise

Tatanigaina 3:15

Ara a age nakaini ia varikanai, ka varihoataiu agho nia ia fotati, nia ka varihoataidi ira pagusu ka agho nia ka ia fotati; Ia pagusu ka ia fotati e age botai pau nia agho, nia agho o age ghanini ia susubina kaikeu ka ia pagusu ia fotati.”

Matiu 11:5

ira ta kivi dito ke boka fifini, ira ta memelu ghaghahe dito ke boka ghaghahe, ira ta dufuri lepa dito ke veha ghedi, ira ta melu nonomoho dito ke boka nonomoho, ira dike lemero dito ke doli leghu, nia ia Nonomoho Ta Veha tuna geto va ongahi ghu ka ira noni ta kuma, e ghua.

Matiu 12:18

“Iahi mu ia nogu noniriva, nato ke faetio ara, ia ta namaha ghini nia ia ta va manemane ghini ara. Ara a vanani manei ghatu ia nogu Tarunga, mala manei e va ongahi ghu ia nogu totonuna ka ira noni haroharo.

Matiu 12:20

Manei e age dudumana ghidi ghena ira noni ta paeke ba ta ngovalari, nia manei e age hio suteri ghatu ira noni ta mamarutana toka ghidira taghodi. Manei e riva ghidi ma e lao ghu iranimu, e vuhai age finini ghu ia veha ta paufina ia muko.

Matiu 4:16

ira noni ta au ka nagoromo edi age finini ia fegala ta pelara. Nia ka heiri ira ta au ka ia malauna leme ta nagoromo, kaike fegala e age pelara lao ka maneri.”

Matiu 5:3

“God e va beanari ira noni ta va ghighiu ka manei ka vahina leghutau nga, ia Ravutu ka malauo God fate mu e nodi maneri.

Luku 4:17

Ia buka ta vividuhu ta au ira tuturi ka Aesaea ia mane porofeti, dike vanani laona, neke fedaha dufu laoi ghu manei ka ia ta kahe ghua iahi:

Luku 6:20

Ianimu tuna ghe neke fihiki lao nga Zisas ka ira nona mane ta nonofoi, neke kahe ghua ghu iahi, “God e va beana ghau, ghau ira ta malanga, vununa ia nona Ravutu God ne vanamu ghau.

Luku 7:22

Kahe ghua tuna iahi neke ghua Zisas ka ira mane ta nonofoi Zone, “O ke leghu lao ka Zone, o la turi vanani ghu manei, heve noke meha finiri, nomohorira. Ira ta kivi dito ke fifini, ira ta paheku dito ke ghaghahe, ira ta lepa dito ke mamalahu, ira ta melongo dito ke nonomoho, ira ta leme dito ke doli leghu, nia ia Nonomoho Ta Veha tuna, gedito tuturi ghini ghu ka ira ta malanga, e ghua.

Zone 1:41

Ka fafata ianimu lama, neke lao ghu Aduru la dufuina Saemoni ia tahina mane taghonai, neke la kahe ghua ghu iahi ka manei, “Ghai nato ke dufui ia Mesaea,” neke la ghua ghini (fafahakanana mu “Kraes” e ghua).

Zone 12:46

Ara mu nato ke meha ka malau iahi peka taghe kaike fegala ta ghuana, mala heiri haroharo ira ta va hohoghona ka ara mu, geala edika au tudu la ghu ka ia nagoromo.

Zone 3:34

Ia neke tuhu mehaio God mu, e turi ka ira ngengenena God, vununa God ne vanani ia kamotona mana ka ia nona Tarunga.

Ira Riva 10:38

Ghau to avohi haroma Zisas ia tanina Nazareti neke va foudio God ka ia Tarunga Ta Maduana nia mana. Ghau no avohi mo heve neke ghua Zisas ghaherira leghu pelodi nga, riva ghidira ira leghutau ta veha nia va veharira ira leghu noni dike auro nga ka pekana ia mana ia Faghinadi ira nazahi e ghua, vununa God neke au taremehana manei.

Ira Riva 26:18

Agho o tobeheri ira hibadi, edi fihiki kaini ghu maneri ia nagoromo talaina ia fegala, nia edi taghuru kaini ghu ia mana ka Satana fihiki laona ka God, e ghua. Ianimu tuna ghe ge age kai hazari nga ira sasakedi, gedi age au taremehadi ghu ira nona noni ta beana God ka ia va hohoghonau ara.’

Ira Riva 4:26

Ira mane ginitaukela ka malau iahi peka dike va tanai magara; dike vato varighara ghu ira ta babatu mala taga tetuina ia Lod God nia ia nona Mesaea.

Ira Riva 4:27

“!Toraina hohoghona mamu, Herodi ghe Ponitiusi Paelati ia gavana, dike haedu varighara taremehadi mamu ira noni taka Ziu ghu nia ira noni Isiraeli e ghua ka malau leghaha iahi Zerusalemu mala taga tetuina Zisas ia nou Mesaea noke faetio.

Kolosi 1:13

Vununa manei neto ke hio va doli ghita ka hei ia ta kopu ka ia ravutuna ia nagoromo, neke hio haghele ghita ghu ka ia ravutu ia Tuuna ta toraina namaha ghini manei.

Zemesi 2:5

Vanemoho talinga meha ghau taremehaguro. God neke faeteri ira noni ta kuma ka malau iahi peka ta mala taghotaghona ka ia va hohoghona. Maneri ghu mu ta age hio kadolina ia ravutu neke naiungene ghinio God ka heiri ira ta namaha ghini manei.

1 Pita 2:9

Ghe ghau mu e deo go ghua ghu ianimu, vununa ghau mu ira noni faetaidi. Ghau mu ia ravutuna ira hiama, ira noni beana ka God ta torai taghori taghonai. Iahi mu, o boka mala kahe va podoli ghu ghau ira veha ka God ka ira keha noni, vununa manei neke kudo kaveigho ka ia nagoromo, noke haghele ghu gilio agho ka ia nona fegala ta namanama. Ira Kakangava sepa Ta Maduana di kaheina,