Luku 4:16 - Ia Foforuna Naiungene

¹⁶ Ka ia fafata mehana Zisas aianihi Nazareti ka ia malau neke faa vonao, manei neke lao ka ia suga mala varighara ira Ziu ka ia Ravata Mala Maghoso taghe ta fani ghua tudu lama, neke tetu vona ghu manei izumurira ira Kakangava Ta Maduana.

Luku 4:16 Iomraidhean Croise

Matiu 2:23

Lao tuna gedi la au ghu ka ia malau fafaana ta va kudo ghini Nazareti, dike ghua. Heve dike kaheio ira porofeti mu neke to meha hohoghona ghu: “Manei edi age va kudo ghini manena Nazareti,” ia ta ghua.

Luku 2:39

Leghuna va ghuduvuri Zosepu ghe Mere ira vahina leghutau nga ta kahei ka ia vetula ia Lod, maneri dike leghu lao ka ia malaudi Nazareti aianihi Galili.

Luku 2:42

Ka ia fafata neke to age tazoi palu komuhunao Zisas, maneri lito tatamana dike la holara haroma ka ia mahai varighara, taghe ta fani ghua tudu lama.

Luku 2:51

Ianimu tuna ghe neke leghu laori nga manei nona uke ghe nona mama aianihi Nazareti neke la au nonomoho ghu ka maneri palu. Ghe nona uke neke suteri leghu irahi nga ka ia hihingona.

Luku 4:15

Manei neke vari va kakahei ka ira suga mala varighara ira Ziu, dike helahela ghini ghu ira noni haroharo.

Luku 4:17

Ia buka ta vividuhu ta au ira tuturi ka Aesaea ia mane porofeti, dike vanani laona, neke fedaha dufu laoi ghu manei ka ia ta kahe ghua iahi:

Luku 4:21

Ianimu tuna ghe neke kahe ghua nga iahi Zisas, “Kakangava Ta Maduana iahi neto meha hohoghona ghatunaina, taghe ta nomohi nia ghau izumina!”

Luku 4:23

Ianimu tuna ghe neke kahe ghua nga iahi Zisas, “Ara na avohi mo ta ke age kaheinani ghau ka ara ghatu, ia ungene talevara ia ta ghua iahi, ‘!Dokita, o va doligho taghou!’ ia ta ghua. Nia ghau o age kahe ghua haro molamo iahi ghatu ka ara, ‘?Heve no ghua ghe, noka rivai hahaima nga ka toraina nou malau ini taghou, taghe noke riva ghidiro la aianihi Kapaniumu?’

Zone 18:20

Va kahe ghini tuna neke ghua Zisas, “Ara nato ke vari va kakahei tudu ma ka kenudi ira noni ka ira suga mala varighara ira Ziu nia ka ia Sugana God, e ghua, ka ira ta mala meha varighara ira noni. E deo kaike leghutau nake kahe poikai ghu ara.

Ira Riva 17:2

Taghe ta fani ghua tudu la, Polo neke la haghele tarai ka ia suga mala varighara ira Ziu. Ka giliodi lito Ravata Mala Maghoso ira Ziu, manei neke la tuturi vanadi ira noni, va dedekena ka ira Kakangava Ta Maduana.