Luku 4:1 - Ia Foforuna Naiungene

¹ Ka ia fafata sipana ka ia Ketuhu Zodani ta ke leghu ghu Zisas, manei neke foudi ia Tarunga Ta Maduana. Ia Tarunga neke babatu ghini kave lao manei ka ia malau koroghana ta karango,

Luku 4:1 Iomraidhean Croise

Matiu 3:16

Ka ia leghuna seselebeanana Zisas ta ke kave meha ghu ka ia ketuhu, God neke tobehe vanani manei ia nona malau fate, neke fini ghu manei ia Tarunga ka God hinae meha taghe babahulu bora ta ghuana ta meha nohena ghu ka fatena taghonai.

Luku 2:27

Ka ravata ianimu ia Tarunga neke babatu ghini lao Simoni ka kaike ghu, ka ira galahedi ka giliona ia Sugana God, ka ia fafata hio laoi Mere ghe Zosepu ia gogoso Zisas mala vanani laona ia Lod, leghuina ia puhina ia vetula.

Luku 3:3

Ianimu tuna ghe neke ghahe leleghu malau nga Zone, ka ira palu pelona Ketuhu Zodani, neke tuturi beana vanadi ghu ira noni, geala ta mala seselebeanana maneri, mala va podolina dito taghuru kairi mamu ira sasakedi, to fihiki lao ghu ka God, mala kai hazarira manei ira sasakedi, ta ghuana.

Luku 3:38

Kenani mu neke tuunamane Enosi. Enosi mu neke tuunamane Seti. Seti mu neke tuunamane Adamu. Adamu mu neke tuunamane God.

Luku 4:14

Ianimu tuna ghe neke leghu nga Zisas aianihi Galili, foudina ia mana ka ia Tarunga Ta Maduana. Ia nonomohona manei neke to ongaha kamoto ka ira malau haroharo aianimu.

Luku 4:18

“Ia Tarungana ia Lod ne au ka ara, vununa God neke faeteau ara mala tuturi ghinina ia Nonomoho Ta Veha ka ira ta malanga. Manei neke tuhu mehau ara mala va ongahina ia ta ke age kalasa ghedi ghatu ira ta au pipiliga, ta ke age vovoho fifinina ghatu ira ta melu fifini, ta ke age kalasa ghedira ira ta au ka pekana ia mana ira keha noni,

Zone 1:32

Kahe ghua tuna iahi neke ghua Zone, “Ara e deo gake avohi ghu manei lamu iahi ta ghuana, ghe God neke tuhu mehauo ara ta mala rivai seselebeanana ka kolo neke va kahe ghinaguna iahi, ‘Noto finini la agho ia Tarunga Ta Maduana hinae meha ta auna ghu ka fatena kaike noni, manei lamu ta rivai seselebeanana ka ia Tarunga Ta Maduana,’ neke ghua ghinagu. Leghunana ara nake finini ia Tarunga Ta Maduana la hinae meha taghe kaike babahulu bora ta ghuana ka kolangana fate, neke meha nohe ghu ka fatena manei.

Zone 3:34

Ia neke tuhu mehaio God mu, e turi ka ira ngengenena God, vununa God ne vanani ia kamotona mana ka ia nona Tarunga.

Ira Riva 1:2

neke vuhai dufuno ghu ia ravata neke vonao manei ka malauo God fate. Iahi mu leghuna ia vanadi ungene babatu manei ka ia mana ia Tarunga Ta Maduana ira nona mane nonomoho faetaidi.

Ira Riva 10:38

Ghau to avohi haroma Zisas ia tanina Nazareti neke va foudio God ka ia Tarunga Ta Maduana nia mana. Ghau no avohi mo heve neke ghua Zisas ghaherira leghu pelodi nga, riva ghidira ira leghutau ta veha nia va veharira ira leghu noni dike auro nga ka pekana ia mana ia Faghinadi ira nazahi e ghua, vununa God neke au taremehana manei.

Ira Riva 8:39

Di ghahe kave ghu maneri palu ghu ka ia kolobakuru ketuhu, heve ba neke ghua ma, to meha ghu ia Tarunga ka ia Lod hio ghaheina Filipi. Ia manena Itiopia to deo ma ke fini leghuinani Filipi, ghe neto ghahe ma manei ka ia torai va ghazaghaza.