Luku 3:8 - Ia Foforuna Naiungene

⁸ O va podoli ka ia dolimu, toraina noto taghuru kairi ira sasakemu, noto fihiki lao ghu ka God ta ghuana. Oka re kahe ghua mo ghu iahi, ‘Ghai mu pagusuna meha Ebarahamu, to doli ghemai ghu,’ ta ghuana. E torai deo hohoghona mu ianimu. God e boka holarari mo ghahipa irahi, e mala nona rekaha ghu Ebarahamu.

Luku 3:8 Iomraidhean Croise

Matiu 21:43

“E ghua ghu iahi,” neke ghua Zisas, “ia Ravutu ka God mu, e age hio kai tamu ghatu, e ke age vanadi lao ghu ira keha noni ta age leghui ia nona lao nanafa taghonai.

Matiu 3:8

Va podoli ka ia dolimu, noto toraina taghuru kairi mamu ira sasakemu, noto fihiki lao ghu ka God, ta ghuana.

Matiu 3:9

Oka re kahe ghua mo ghu iahi, ‘Ghai mu ira nake pagusu mehao ka Ebarahamu, to doli ghemai ghu,’ ta ghuana. E torai deo hohoghona mu ianimu. God e boka holarari mo ghahipa irahi e mala nona rekaha ghu Ebarahamu.

Luku 13:25

Ia kutamana ia suga e age tetu vona, e bakisi va gimai ghu ia makatana. Ka ia fafata ta la tetu ghau peghuru, ta tatanigai la ketaketa ghu ka ia makatana fanga va tutugu ghuana iahi, ‘!Lod o tobehe vanamai ko makatana ini!’ ka ta ghuao ghau ghe, ge age ungene tughu ghau nga ia Lod, kahe ghuana iahi ‘Ara e deo ga avoho ghau ghu ghau, ba hae mo no la sipa mehana,’ e age ghua ghini ghau.

Luku 13:26

O age kahe ghua tuna iahi ghau, ‘Ghe ghai nake mahai ketuhu taremehauno ma agho, nia agho goke vari va kakahei ma ghu ka ia malau fafaana ghai noke ghuao.’

Luku 14:9

Ia noni neke fanga ghau mehano ghau palu, e la meha ka agho, e age kahe ghua ghu iahi ghatu, ‘Vanani noni iahi mo malau mala nohe iahi,’ e age ghua ghinigho ghatu, nia age haghava gheu tuna, go age nohe ghu ma ka ia malau mala nohe taka tongovona ghu, e ghua!

Luku 19:40

Ghe ungene tughuna ka Zisas neke ghua iahi, “Dito vanemoho ghini la maneri, ira ghahipa edi age tatanigai kudo ghatu!” neke ghua ghidi.

Luku 19:9

Zisas neke ungene tughui, “Ia vari hio va doli ka God neto meha ka suga iahi ghatunaina, vununa mane iahi neto va podoli taghonai ta tuunamanena Ebarahamu.

Luku 5:21

“?Taghonai mu hei, e ghua baini mane iahi?” dike kahe ghua ka vari taghodi ira Farisi nia ira mane ta vari va kakahe ghini ia vetula beana, e ghua. “!Toraina lausasaba ghini mamu God mu iahi! ?Hei mu ta boka kai hazarira ira sasake, kaike God lama mu ta bokaina ianimu?” dike ghua.

Zone 8:33

“Ghe ghai mu ira pagusuna meha ghu Ebarahamu,” dike ghua ghini. “Ghai mu e deo ngama ghe gake noni mala varituhu ghu ka hei noni. ?Heve ghu fafahakanana ka agho mu, ‘Ghau e age va kalasa ghau,’ ta ghua ini?”

Zone 8:39

“Nomai mamana ghai mu Ebarahamu,” dike ghua ghini. Ghe Zisas neke kahe ghua iahi, “Goke nona rekaha hohoghona la ghau Ebarahamu, geala ghau oke leghui ia au doli ta veha ka manei.

Ira Riva 26:20

Ara nake tatanigai va kahe ghidi ira noni, geala maneri edi taghuru kairi ira sasakedi, edi fihiki lao ghu ka God, nia edi riva ghidi ghu ira leghutau ta veha mala va podolina dito holara hihingo mamu, ta ghuana, e ghua. Ara nake kusu va kahe vanadi ghu iahi ira nonidi Damasikasi, ghe nake lao nga Zerusalemu nia ka ia kamotona babarana Zudia e ghua, nia ke lao haro tuna ka ira noni taka Ziu ghu nake ghua.

Romu 4:16

Ianimu la ghe ne meha nga ia naiungene ka ia va hohoghona, mala ka ia varisute ta va meha kakatoi, edi boka torai hioi ghu ira pagusu ka Ebarahamu. Naiungene iahi mu eka maladi ma ghu ira ta leghui ia vetula, nga ka heiri haro ta auri va hohoghona taghe Ebarahamu la, ira ta ghua. Manei mu ia noda mama ghita haroharo.

Romu 9:7

Vununa maneri mu dike pagusu meha ka Ebarahamu, dike toraina rekaha ghu mamu ka Ebarahamu maneri, e deo ge ghua ghu. Vununa ne kahe ghua iahi ka ira Kakangava Ta Maduana, “Ka Aesake ia tuu lamu ta la au mehana ghatu mu ia pagusu ka agho nake naiungene ghinio ara ka agho,” ne ghua.

Filipae 1:11

Ira doli ka ghau mu, e age foudu ka ira fuadi ira riva ta lotoro, ia ta boka meha ma ka Zisas Kraes lama, malana ia varanga nia helahela ka God.