Luku 3:36 - Ia Foforuna Naiungene

³⁶ Sela mu neke tuunamane Keinani. Keinani mu neke tuunamane Afakasadi. Afakasadi mu neke tuunamane Semu. Semu mu neke tuunamane Noa. Noa mu neke tuunamane Lameki.

Luku 3:36 Iomraidhean Croise

Tatanigaina 5:3

Ka ia 130 komuhuna Adamu, manei neke kurui kaike tuunamane taghe hihilina taghonai e ghua, Seti neke ghua ghini ghu baolina.

Tatanigaina 6:22

Noa neke toraina riva leghuri ghu ira vahina leghutau neke ungene va gigimariro nga God ka manei.

Tatanigaina 7:13

Ka toraina ravata ianimu, Noa nia ia ghaseborona dike haghe ka giliona ia zaghimaha taremehadi ira tuudimane babaolodira Semu, Hamu nia Zafeti, nia ira ghaseborodi, e ghua.

Tatanigaina 7:23

Iahova neke hio kairi ira leghu va vuha dolidi nga dike auro ka ia kava—ira noni, ira tagukava, nia ira memeha. Dike au hinaera mu Noa lama nia heiri dike au taremehanao manei ka ia zaghimaha e ghua ma.

Tatanigaina 8:1

Ghe God deo geke nganakaini ghu Noa nia ira vahina tagukava popohi nga nia ira leghu tagukava mauke nga e ghua, dike au taremehanaro ka ia zaghimaha. Manei neke va fofolofo mehai ia dafe ka fatena ia kolo neke va hinaei ghu ia kolo.

Tatanigaina 9:1

Vanani veha tuna Noa nia ira tuunamane neke ghua God neke va kahe ghidi ghu, “O hugara va tehi o va foudi ghu malau iahi peka.

Tatanigaina 9:18

Ira tuunamane Noa dike kave meharo ka ia zaghimaha mu Semu, Hamu nia Zafeti, e ghua. (Hamu lamu neke nona mamana Kenani.)

Luku 17:27

Ghe neke dufu meha nga ia ologho ka ravata iranimu, ira noni dike mahai ketuhu va manemane, nia varihio dike ghua ma, neke dufu ghu ia fafata haghelena Noa ka ia nona vaka. Ianimu tuna ghe neke meha nga ia ologho neke va lemeri haro ghu ira noni.

Luku 3:35

Nehoa mu neke tuunamane Serugu. Serugu mu neke tuunamane Riu. Riu mu neke tuunamane Pelegi. Pelegi mu neke tuunamane Eba. Eba mu neke tuunamane Sela.

Luku 3:37

Lameki mu neke tuunamane Metusala. Metusala mu neke tuunamane Inoke Inoke mu neke tuunamane Zeredi. Zeredi mu neke tuunamane Mahalaleli. Mahalaleli mu neke tuunamane Kenani.

Hiburu 11:7

Noa neke va hohoghonai God, ianimula ghe neke nonomoho nga manei ka ira ngengene banabana ka God ghidira ira leghutau ta la meha ta deo ge boka finiri ghu manei. Manei neke nomohi God, neke riva ghini ghu ia zaghimaha, neke hio va dolinio taghonai nia ia fototatamana ka manei, e ghua. Ia va hohoghona ka manei neke va podoli ta mukona malau iahi peka nia God geke kahei ghu ta lotorona Noa ka ira nahalina taghona e ghua, vununa ka ia nona va hohoghona.

1 Pita 3:20

Maneri dike huhughi God sepao laoni ka ia fafata Noa. Ka ia riva ghini ia vaka ka manei, God neke au afa ghidi ira noni mala taghuru kairira ira sasakedi. Ka ia va nanarei God, keha nonira lama dike haghera ka ia vaka. Taghe hana noni mo ghu neke hio va dolirira God ka Kolo.

2 Pita 2:5

Nia ka ia fafata auna Noa manei neke va kahe ghidi ira noni ta auna ka ira doli ta veha vanani God. God e deo geke dudumana ghidi ghu ira noni ka malau iahi peka dike leghuriro ira puhi ta muko. Manei neke va ghahe laoi ghu kaike leghahaina ologho mala atungurira maneri haroharo. Ghe God neke hio va dolini Noa nia ira vitu noni ka ia fototatamana taghonai, e ghua.