Luku 3:23 - Ia Foforuna Naiungene

²³ Zisas mu neke nona au ka litofulu komuhuna ghe neke tataniga kave nga manei riva ghidira ira nona riva. Ka ia avoavoho ira noni mu, Zisas mu neke tuunamane Zosepu. Zosepu mu, neke tuunamane Heli.

Luku 3:23 Iomraidhean Croise

Tatanigaina 41:46

Zosepu neke litofulu komuhuna ka ia tatanigai riva vanani manei ia mane ginitaukelana Izipi. Manei neke ghahe kaini ia tolima ginitau neke ghahei ghu ia kamotona kavana Izipi.

Matiu 1:1

Irahi mu ira babaolodi ira faana Zisas ia Mesaea, neke pagusu mehao ka Deveti ia Mane Ginitaukela nia ka Ebarahamu e ghua:

Matiu 1:16

Zekopu mu neke nona mamana Zosepu ia keranau Mere. Mere mu neke nona ukena Zisas ia Mesaea.

Matiu 1:6

Zese mu neke nona mamana Deveti ia Mane Ginitaukela. Deveti mu neke nona mamana Solomone (nona ukena manei mu Batisiba neke keranauo Uraea).

Matiu 13:55

“Manei mu ia tuuna ma ia mane ta rivai suga nia ghita da avohi haroma ta nona ukena manei mu Mere nia tahina manera tuna mu Zemesi, Zosepu, Saemoni nia Zudasi, e ghua.

Matiu 4:17

Ka ia fafata rizu ta la au ghu Zisas ani Kapaniumu, manei neke to tatanigai tuturi beana, kahe ghuana iahi, “Taghuru kairi ira sasakemu, o fihiki lao ghu ka God, vununa ia Ravutu ka malauo God fate to namo meha.”

Maki 6:3

“Mane iahi mu ia ta avohoa ghini ia rivana suga lama, ia tuuna Mere. Tahina manera ghu manei mu Zemesi, Zosepu, Zudasi nia Saemoni e ghua. Tahina ghasera tuna ta au tada irahi ma ghita, e ghua.” dike ghua dike sokei ghu, pake ghedina va hohoghonaina.

Luku 2:48

Ka ia la finini nona uke ghe nona mama, maneri palu dike puina age nodi fere fuludu. “!Tuugu Maneo!” neke ghua ghini nona uke. “?Heve no ghua ghe, no va riva ghini ghai nga agho mu kokolona riva iahi? Ghai palu nou uke ghe nou mama nato puina age anga ghemai fuludu, nake haduigho ghu ka ira leghu pelodi nga.”

Luku 3:31

Eliakimi mu neke tuunamane Melea. Melea mu neke tuunamane Mena. Mena mu neke tuunamane Matata. Matata mu neke tuunamane Netani. Netani mu neke tuunamane Deveti.

Luku 4:22

Ira noni haroharo dike auro aianimu, dike toraina ungene va vehai manei, nia dike puina nodi fere fuludu ka ira ngengene ta namanama neke kaheriro manei, e ghua. “?Heve e ghua ghe, ge boka riva ghidi nga leghu irahi nga manei?” dike ghua notohodira. “Mane iahi mu tuuna ma Zosepu,” dike ghua.

Zone 1:45

Filipi neke la dufui Nafaneli neke va kahe ghini ghu, “Ghai nato ke dufui ia neke kakangava ghinio Mosese nia ira porofeti e ghua, ka ira Kakangava Ta Maduana. Manei mu Zisas na Nazareti ia tuuna Zosepu.”

Zone 6:42

Kahe ghua tuna iahi dike ghua, “Iahi mu Zisas ia tuuna Zosepu. Ghita da avohori mo nona mama nona ukena manei. ?Heve ghu ghe, ge boka kahei nga manei mu, ‘Ara nake hinae meha ka malauo God fate,’ ta ghuana?” dike ghua.

Ira Riva 1:1

Vananigho agho Teofilasi: Ka ia va kenuna buka ara, ara nake kakangava ghidi ira vahina leghutau nga neke tataniga riva ghidiro nia vari va kakahe ghidiro Zisas,