Luku 3:18 - Ia Foforuna Naiungene

¹⁸ Zone neke tuturi beana ghini ia Nonomoho Ta Veha ka ira noni, ka tehi ghaghahenani, neke toraina kahe ghidi va gigima ghu ta holararira ira puhidi.

Luku 3:18 Iomraidhean Croise

Luku 3:17

Manei neto va tana mala fotarira ira noni ta veha ka ira noni ta muko taghe kaike mane ponogara ta fotari ira subudi witi ka ira kafudi, ka ia nona foka mala fofota. Ianimu tuna ghe ge age va fegafegali nga ia galahena mala fofota, ge la nakairi ghu ira subudi witi ka ia nona suga mala nanakai, nga ira kafudi mu e age saligari ka ia totoi ta deo va nonoghana.”

Luku 3:19

Zone neke ungene tonoi haro molamo Herodi Anitipasi ia gavanana Galili ka kenudi ira noni, vununa manei neke varihio ka ia ghaseborona ia tahina mane, nia ghidi ira tehi leghutau ta zea neke riva ghidiro manei, e ghua.

Zone 1:15

Zone neke tuturi ghini manei kudo kave ghuana iahi, “Iahi lamu ia nake tuturi ghinio ara ka ia fafata kahe ghuagu iahi, ‘Manei ia ta meha leghugu ara mu e varanga fuludu laoau ara, vununa manei mu neke to kusu au, ghe nake uraha nga ara,’ ” nake ghua ghini ghauo.

Zone 1:29

Ia keha ravata Zone neke finini Zisas la ghahe vai mehana ka taghonai, neke kahe ghua ghu iahi, “!Fini! !Ianihi ia Rekahana Sipisipi ka God mala veala, ia ta hio kairi ira sasake ka malau iahi peka!

Zone 1:34

A va kahe ghini ghau ghu ta toraina Tuunana mamu God manei, vununa ara nake torai finini neke dufuna iahi ka Zisas”

Ira Riva 2:40

Ianimu tuna ghe neke tuturi beana va sodu laoni nga Pita, kahe ghidi va gigimana ira dike nonomohoro, “!O hio va doli ghau taghomu ka ubalana noni tato ghahe va zea iahi!”

Ira Riva 20:2

Ka ia ghahe vari kadoloai ta lao ghu Polo ka ira malau, manei neke va gigimari ira noni ta va hohoghona ka tehi nonomoho. Ianimu tuna ghe neke lao nga ka ia babarana Akaea,

Romu 12:8

neto mala va gigimari la ira keha, manei e toraina vari va gigimai; neto mala tufari la ira ta malanga, manei e toraina tufari ka ia varisute ira ta malanga; neto mala babatu la, manei e toraina riva va gigima ka ia babatu; neto mala vari dudumanai la, manei e toraina vari dudumanai taremehana va manemane.