Luku 3:11 - Ia Foforuna Naiungene

¹¹ Zone neke ungene tughuri, “Neto kuruigho la palu sote, o vanani kaike ghu ia ta malanga. Neto au gheu ghano la, tufari ghedi ira ta nodi liha.”

Luku 3:11 Iomraidhean Croise

Matiu 25:40

“Ia Mane Ginitaukela e age ghua iahi ghatu ungene tughurina, ‘!A toraina va kahe ghini ghau ghu ka ia hohoghona, heve leghutau tei noto ke riva ghini la ghau ka kaike ghu ka ira noni taka suri tongovodi ghu, ghau noke riva ghini ianimu vanagu ara!’

Luku 11:41

O vanadi ghu ira ta malanga heve ta aura ka giliodi panikeni nira nia disi nira e ghua, ghe go mamalahu kamoto nga.

Luku 18:22

Ne nomohi ghu iahi Zisas, manei neke kahe ghini lao, “Kaike leghutauni no deona nga go riva ghini ghu agho. O la tatabara ghidi ira leghu nou ta taghori nga, o tufari ghu ira rongodi ka ira ta kuma, ghe go age auigho taghotagho nga ka malauo God fate. Meha tuna go leghuau ghu ara, e ghua.”

Luku 19:8

Ghe Zakiusi neke tetu vona, ghe neke kahe ghua nga iahi ka ia Lod, “Lod, ara a fotai ia taghotagho ka ara ghatu, a vanadi ghu ira ta kuma. Nia nato ke hio takisi va fuludu lao la seborira ira noni, ara a ke vanadi leghu rodana fafata tehi fuludu laorina nake hio tadiro.”

Zone 13:29

Ghe vununa Zudasi mu neke nodi mane mala kopui rongo, kehara ka maneri nganganadira mu, Zisas neke va kahe ghini ta la tabararira keha ghano malana ia mahai varighara, ba ta la tufari rongona ira ta kuma, dike ghua ghu.

Ira Riva 10:2

Konileasi mu kaike mane neke va sisiva tudu riva ghidira ira heve ta veha vanani ia God na Isiraeli. Manei nia ira keha noni haro dike auro ka suganao e ghua, dike va totoana ghini ia God ta hohoghona. Manei neke toraina suteri fuludu ira noni Ziu ta kuma toka ghidira nia neke tarai lao tudu ma ka God, e ghua.

Ira Riva 10:31

kahe ghuana iahi, ‘!Konileasi, God neto nomohori ira nou tarai nia to finiri ira namaha tufa ka agho ta vanadi ira noni ta kuma, e ghua!’ neke ghua ghinagu.

Ira Riva 10:4

Konileasi neke mato dodoghohoto ghini lao ia engizeli taremehana maughena. “?Heve no kabai ghinina Lod?” neke ghua lao ka ia engizeli. “!God to nomohori ira nou tarai nia to avohori haro ira nou tufa ta vanadi agho ira ta kuma, e ghua!” neke ghua ia engizeli.

Efesasi 4:28

Noto ke fani sisiko la agho, oto nodo sisikona. O au hohoghou ka ia doliu, o riva va gigima e mala kuruigho ghu keha leghutau mala tufari ghedira ira keha noni ta malanga dudumana.

1 Timoti 6:17

Ungene va gigimari ira noni ta taghotagho ka malau iahi peka, edika hadu varanga la ghu, nia edika rangerange la ghu ka ira nodi rongo ta age nogha magali ma ghatu, e ghua. Nga geala edi rangerange ka God ta va taghotagho ghitana ka ira vahina leghutau ta malanga ghidi nga ghita, mala va manemane ghitana.

1 Timoti 6:18

Ungene va gigimari edi va rivari ghu ira nodi rongo ka ira riva ta veha. Maneri geala edi taghotagho ka ira riva ta veha nia geala edi vavaliha e ghua ka ira ta malanga, va tana tuduna tufari ghedira ira keha noni ka ira heve ta vanadi God.

Hiburu 6:10

God e riva ghini tudu ma heve ia ta lotoro. Manei e deo ge age ngana kaini ghu ia riva ka ghau nia ia namaha noto ke va podolo vananio ka ia toka ghidi ira keha noni ta va hohoghona, taghe ta riva ghini ma ta au nia ghu ghau.

Zemesi 1:27

Kiloau ta kalasa nia lotoro ta veha vananina God ia Mama mu: ia ta hio suteri ghita ira rekaha ta deo nodi mama nodi uke nia ira fotati ta lemekai e ghua ka ira mamarutana ta dufuri maneri, nia ka va malumi ghu malau iahi peka ta va mukoighona, e ghua.

Zemesi 2:14

?Ghau taremehaguro, heve veha mu ta la au mehana ka ghau ira ta kahei ne kuru ghau va hohoghona ira ta ghua, noto deo la go va podoli ghu ka ira nomu riva? ?E boka hio va doli ghau mo va hohoghona ianimu?

1 Zone 3:17

Hei neto kuru ghena nona la mala au vehana ka manei, ghe deo tuna ge toka ghidi ghu ira ta malanga ta ghuana, ia namaha ka God mu e deo ge au ghu ka ia doli manei.

1 Zone 4:20

Na namaha ghini God dato ghua la ghita, ghe kikipana ghidi tuna ira keha noni ta va hohoghona ka Kraes dato ghua la, ghita mu da sesebo. Vununa ira noni e deo gedi boka namaha ghini ghu God, ia ta deo gedi finini ghu, dito deo la maneri gedi namaha ghidi ghu ira keha noni ta va hohoghona ka Kraes ira ta finiri maneri.