Luku 3:1 - Ia Foforuna Naiungene

¹ Ka ia va tazoi gahana komuhu tetu ginitauna Taebiriasi, ia mane ginitaukelana Romu, Paelati mu neke gavanana aianihi Zudia; Herodi Anitipasi mu neke kopu ghinina ia Babarana Galili; Filipi ia tahina mane Herodi tuna, ge kopu ghidi ghu ira palu kobosodi Ituria ghe Tarakonaetisi e ghua; Lisaniasi mu neke kopuna ka ia Babarana Abilini.

Luku 3:1 Iomraidhean Croise

Tatanigaina 49:10

Zuda e age posini ia mana mala kopu ka manei, Nia ira pagusu ka manei edi age kopu tudu ma. Ira butubutu noni edi age va vonavonai manei, maimanihina ka ia leghu puhi ka kenuna manei.

Matiu 14:1

Ne nomohori ghu Herodi Anitipasi ia gavanana Galili heve neke riva ghidiro Zisas,

Matiu 14:3

Herodi neke sakomo hioi Zone sepao neke nakai hagheli ghu ka pipiliga taghe mala hadu vehana ka Herodiasi ia ghaseborona Filipi ia tahina mane Herodi.

Matiu 14:6

Ka ia ravata ngana leghuna ia dolina Herodi, ia rekaha tuunaghase Herodiasi neke ragi vanadi ira noni dike la holararo ka sarumahai ianimu. Neke toraina va manemane ghu Herodi,

Matiu 22:17

O va kahe ghini ghai ko heve mu nganganauna agho ka iahi: ?E veha mo ta kai lao takisina ghai ka Sisa ia mane ginitaukelana Romu, ba deo?”

Matiu 27:2

Ianimu tuna ghe dike piligai nga dike hio laoi ghu ka Paelati, ia gavana neke auno Zerusalemu dike faetio ira manefaadi Romu mala kopuna Zudia.

Maki 6:17

Vununa sepao, Herodi neke to tuhu va ghahe laori keha mane magara mala la sakomo hioina Zone, ta piligaina ghu, nia nai hagheli tuna ka pipiliga neke ghua, leghuina ia lao hihingo ka Herodiasi. Fotati iahi mu keranau Filipi ia tahina mane Herodi, ghe Herodi neke soni varihio mo ka manei.

Maki 6:21

Va nonoghanana neke to dufu tuna ia fafata ta veha ka Herodiasi mala atungina Zone. Ka ia ngana leghuna ia ravata dolina Herodi, Herodi neke vanadi kaike mahai varighara ira nona maneriva ta au ka ira papala ta vona nia ira mane magara ta posi papala ta vona ka ia punugara, nia ira mane babatudi Galili e ghua.

Luku 13:31

Ka fafata ianimu, keha noni Farisira dike meha ka Zisas dike kahe ghua ghu iahi ka manei, “!O ghahe kaini malau iahi o lao ghu ka keha pelodira mo, vununa Herodi Anitipasi ne kabai atungigho agho!” dike ghua ghini.

Luku 2:1

Ka fafata ianimu ia mane ginitaukelana Romu, Agusitasi ia ta ghua ghini, neke nakaini kaike puhi ta gigima, ia ta mala riva ghini kaike taho noni, ka ira soloso haroharo ta au pekana Romu.

Luku 23:24

Va uveri tuna ne ghua Paelati ira noni ta mala atungina Zisas ira mane magara, leghuina heve dike kabai ghinio maneri.

Luku 3:19

Zone neke ungene tonoi haro molamo Herodi Anitipasi ia gavanana Galili ka kenudi ira noni, vununa manei neke varihio ka ia ghaseborona ia tahina mane, nia ghidi ira tehi leghutau ta zea neke riva ghidiro manei, e ghua.

Luku 9:7

Ne nomohori ghu Herodi Anitipasi ira leghu hahaima neke riva ghidiro nga Zisas, manei neke age anga ghena taremehana naologhabili, vununa kehara dike kahe ghua iahi, “Iahi lamu Zone Ia Ta Rivai Seselebeana neto ke doli leghu ghu,” dike ghua.

Ira Riva 23:26

“Sipana ka ara Kolodiasi Lisiasi, e lao ghu ka ia leghahai faghina Gavana Filikisi. !Nogu ungene veha ka agho!

Ira Riva 24:27

Leghudi palu komuhu, Porisiasi Fesitasi neke age tetu gavana holarina Filikisi, ghe vununa Filikisi neke kabai hadu veha ka ira noni Ziu, neke nai kaini ghu Polo ka pipiliga.

Ira Riva 26:30

Ianimu tuna ghe neke tetu vona nga, Agiripa ia Mane Ginitaukela, Fesitasi ia mane gavana, Benisi nia ira keha noni haroharo e ghua,

Ira Riva 4:27

“!Toraina hohoghona mamu, Herodi ghe Ponitiusi Paelati ia gavana, dike haedu varighara taremehadi mamu ira noni taka Ziu ghu nia ira noni Isiraeli e ghua ka malau leghaha iahi Zerusalemu mala taga tetuina Zisas ia nou Mesaea noke faetio.