Luku 24:44 - Ia Foforuna Naiungene

⁴⁴ Ianimu tuna ghe neke kahe ghua nga iahi Zisas, “Ka ia au taremehamu ara sepao, ara nake va kahe ghini ghau ta torai meha hohoghodira ghatu ira leghu neke kangavariro nga Mosese, ira porofeti, nia ka ira Samu e ghua, ghinaguna ara.”

Luku 24:44 Iomraidhean Croise

Tatanigaina 14:18

Ianimu tuna ghe neke meha nga Melekizedeki ia mane ginitaukelana Salemu nia neke kaike nona hiamao ia God ta Varanga Sughavona, hio meha beretina nia waenina ka Ebaramu.

Tatanigaina 22:18

Ira leghu noni nga ka malau iahi peka edi age hioi ia va veha ta ghasolo kadolo meha ka ira pagusu agho, taghe nake va vehariro ara ira pagusu ka agho, vununa agho noke leghui ia ungene va gigima ka ara.”

Tatanigaina 3:15

Ara a age nakaini ia varikanai, ka varihoataiu agho nia ia fotati, nia ka varihoataidi ira pagusu ka agho nia ka ia fotati; Ia pagusu ka ia fotati e age botai pau nia agho, nia agho o age ghanini ia susubina kaikeu ka ia pagusu ia fotati.”

Tatanigaina 49:10

Zuda e age posini ia mana mala kopu ka manei, Nia ira pagusu ka manei edi age kopu tudu ma. Ira butubutu noni edi age va vonavonai manei, maimanihina ka ia leghu puhi ka kenuna manei.

Matiu 1:22

Leghu irahi nga mu mala va ghuduvuna ia nona nonomoho ia Lod neke mehao ka ia nona porofeti:

Matiu 16:21

Ka fafata ianimu ta vai vona ghu, Zisas neke tatanigai turi vanadi va fafahaka ghinina ta toraina mala laona taghonai aianihi Zerusalemu, ta mala la vavahagala ghidira ghu tehi leghutauni ka ira kamedi ira ta babatu, ka ira hiama ta kenu nia ka ira ta vari va kakahe ghini ia vetula beana, e ghua. Manei neke va kahe ghidi haroma, ta toraina mala atungina maneri ghatu manei nia ta ke age tetu leghuna manei ka ia leme ka ia va lito ravata, e ghua.

Matiu 26:54

?Ghe neto ghua la ianimu, heve e ghua ghe ge age ghuduvu nga mu ira Kakangava Ta Maduana ia ta kahei, iahi mu e toraina mala dufu ka ghaghahena iahi, ia ta ghua?”

Matiu 26:56

Ghe leghu irahi nga mu to dufu mamu, taghe mala va ghuduvurira heve dike kangavariro ira porofeti ka ira Kakangava Ta Maduana.” Ka fafata ianimu lama, dito age ghahe kaini haro ghu Zisas ira mane ta nonofoi pelo kainina.

Maki 9:31

e mala aui fafata ghu ta mala au taremehadina ira nona mane ta nonofoi, mala va kakahe ghidina. Neke ghua ghu iahi neke kaheina Zisas, “Ia Tuuna Noni, edi age hio laoi ghatu ka ira ta kana ghini, edi atungi ghu, ghe leghuna lito ravata, manei eke tetu leghu ghu ka ia leme.”

Luku 21:22

Vununa iranimu lamu ira ravata mala age hioi ia vavahagala, age ghuduvudira tuna heve neke kaheriro ka ira Kakangava Ta Maduana.

Luku 22:37

“Vununa ia fafata to meha, mala va ghorevuraina neke kaheio ka ira Kakangava Ta Maduana ghinaguna ara, ia ta ghua iahi: ‘Manei dike taho taremehadi haroma ira noni ta muko,’ ia ta ghua. Uve, vahina leghutau nga dike kakangava ghidiro ira mane porofeti ghinaguna ara mu, e age hohoghona ghatu.”

Luku 24:46

Ke kahe ghua tuna iahi neke ghua manei, “Uve, sepaoni neke kangavi ghu mamu, ta torai mala vavahagalana, ta lemena ghu ia Mesaea, nia ke age tetu leghu tuna ka ia va litona ravata ta ghuana.

Luku 9:22

Manei neke va kahe ghidi haro molamo iahi, “Ia Tuuna Noni, e toraina age vavahagala ghidi tehi leghutau ta mamaghuanani. Ira ta babatu, ira hiama ta kenu, nia ira ta vari va kakahe ghini ia vetula beana e ghua, edi age sokeau ara ghatu, edi age atunguau ghu. Ghe leghuna lito ravata, ara a ke age tetu leghu ka ia leme.”

Luku 9:44

“O va melongo meha ka ara, o ngana tahui ghu heve ta kahei ini ara. Ia Tuuna Noni edi age namaha seboi ghatu, edi nai laoi ghu ka ira kamedi ira ta kana ghini.”

Zone 3:14

“Sepao laoni, ka ia fafata ghaniri tehi adogho ta lelemeana ira noni Isiraeli ka ia malau koroghana ta karango, God neke va kahe ghini Mosese ta riva ghinina kaike adogho ta barasi, mala boka hure vona laoina manei fate ka kaike taghele ta tetu. Mala ira noni dito mato laoi la adogho ani, edi ke age hio va doliri ghu ka ia leme. E ghua molamo ara ia Tuuna Noni, e toraina hure vonau ghu ka hekefalahata,

Zone 5:39

“Ghau no toraina izumu va vehari ira Kakangava Ta Maduana, vununa ka ira nganganamu, maneri edi age vanamu ia doli soduai no ghua. !Ghe Kakangava Ta Maduana irahi mu edi toraina tuturi ghinagu ma ara, e ghua!

Zone 5:46

Goke va hohoghonai la ghau Mosese, geala ghau toke va hohoghonau ara, vununa manei neke toraina kakangava ghinagu ma ara.

Ira Riva 13:33

God neto meha va hohoghonai naiungene iahi ka ghita ira nodi rekaha ka ia va tetu leghui Zisas ka ia leme; taghe ta kangavi iahi la ghinina Zisas ka ia va paluna Samu: “‘Agho mu Tuugu ara. Ravata iahi ara nato meha nou Mama agho,’ ta ghua iahi.

Ira Riva 13:40

O banabana, mala eka dufu ghau la ghu heve dike kaheriro ira mane porofeti, ka dike kahe ghuaro iahi,

Ira Riva 2:27

Vununa agho e deo go age nai kaiau ghu ka hoatadi ira ta leme, ba, ta va malumina ia nou noniriva ta va hohoghona, ta boena ka ia beku.

Ira Riva 3:18

Ghe iahi lamu tuna mu age va ghuduvina God, heve dike kusu kahe kenuriro ira leghu nona mane porofeti nga, ghinina ia Mesaea e age va vavahagala, dike ghuaro.

Ira Riva 7:37

“Mosese lamu neke va kahe ghidiro ira nonidi Isiraeli iahi, ‘God e age vanamu meha ghatu kaike mane porofeti taghe ara la, ka ira torai nomu noni taghomu’ neke ghuao manei.

Hiburu 10:1

Ia vetula ka Mosese mu taghe mamaeludi ma ira leghutau ta veha tadi la meha nga, eka ghua ghu ira torai nonidi leghutau. Ira kokolodi veala ta au ka ia vetula Mosese ta mala riva ghidi leleghu komuhu mu e deo ge boka va mamalahuri ghu ira noni ta va totoana lao ka God.

Hiburu 3:5

Mosese mu neke kaike maneriva neke riva hohoghonao ka ia suga God. Ia riva ka manei mu, neke mala tuturi ghidi ira leghutau ta mala age turi ghidi God keha nareo.

Hiburu 7:1

Melekizedeki iahi mu neke mane ginitaukelana Salemu, nia neke nona hiama God ia ta varanga sugha vona, e ghua. Ka ia ke leghuna Ebarahamu neke sipanao ka ia magara neke la paufuriro manei ira rodana mane ginitaukela taremehadi ira punugara ka maneri, Melekizedeki neke la dufui manei neke va beani ghu.

Hiburu 9:8

Ka ungene tatangana iahi ia Tarunga Ta Maduana neke va podolo va vehai ta deona nga ge tobehe ghu ia ghaghahena ta mala haghele lao ka Ringifota ta Maduana Fuludu Lao iahi ka ia fafata neke tetuno nga ia suga tapole ta maduana.

1 Pita 1:11

Ia Tarungana Kraes neke au ka maneri neke va kahe vanadi ghu ia ghaghahena ta age vavahagala Kraes nia age vanani tuna ira leghahaidi varanga ta pelara, ia ta ghua. Maneri dike hadu va gigima ghu mala toraina hadu kaveina hei mu Kraes na nia niha ta age dufuna iahi, e ghua.

Podolo Kave 19:10

Ianimu tuna ghe, nake torongaghituturu hinae nga ara ka ghahenari nake va totoana ghini ghu. Ghe manei neke kahe ghua iahi ka ara, “Oka va totoana ghinagu ghu ara. Ara mu kaike nona noni riva ma God, varifata ma ka agho nia ira tahiu ta tuturi ghini kave ia nodi va hohoghona ka Zisas, e ghua. O va totoana ghini ma God lama. Vununa heiri haroharo ira ta tuturi ghini Zisas mu, edi riva ghini ianimu ka ia mana ia Tarunga ta Maduana.”