Luku 23:2 - Ia Foforuna Naiungene

² dike la makuti ghu kahe ghuana iahi: “Mane iahi neke batu ghidi va zea ira noni ka ghita, nia neke va kahe ghidi taka kai lao takisina ghu ka Sisa ia mane ginitaukelana Romu, e ghua. Manei neke kahei haro taghonai mu ia Mesaea nia kaike mane ginitaukela e ghua, ta ghuana.”

Luku 23:2 Iomraidhean Croise

Matiu 17:27

“Ghe ghita deo gada kabai va mukori ghu maneri, o hinae lao ghu agho ka loka ani, o la tutusa ghu. O kapeti ia mangana namari ta kusu korohi agho, o finini ghu ghatu kaike rongo kunegelena. Hioi kunegelena rongo ianimu, o la tabarari ghu ira takisi ka ghita palu.”

Matiu 22:21

“Sisa,” dike ghua. “Neto ghua la ianimu, vanani lao Sisa nonara manei nia vanani tuna God nonara God, e ghua.”

Matiu 27:11

Zisas neke tetu ka kenuna Paelati ia mane gavanana Romu nia notohi tuna neke ghua Paelati. “?Agho lamu ghu mu ia mane ginitaukeladi ira Ziu?” neke ghua notohona ia mane gavana. “Uve, taghe ta kaheinia lamu agho,” neke ghua ungene tughuna Zisas.

Maki 12:17

“Neto ghua la ianimu, vanani Sisa nonara manei, nia vahina leghutau nga ka God tuna, go torai vanani ghu God, e ghua,” neke ghua Zisas. Ungene tughu iahi ka Zisas, dike toraina age nodi ferei fuludu maneri.

Maki 15:2

Paelati neke notohi Zisas, “?Agho lamu ghu mu ia mane ginitaukeladi ira noni Ziu?” neke ghua ghini. “Uve, to kahei nia lamu agho,” neke ghua Zisas.

Luku 23:14

neke va kahe ghidi ghu, “Ghau no hio mehai mane iahi ka ara, va zutu ghinina manei ne va hugahugari ira noni, mala taga tetuina ia gaumanina Romu, ta ghuana. Ghe manei mu, ara nato notoho va ziloi zomona ka kenumu ghau, na finini ghu ta kalasa ghenana.

Luku 23:5

Ghe maneri dike tutuufu di kahe ghua ghu iahi, “!Vununa ka ia vari va kakahei manei, neke va vuvuha magara ghu hae ghe hae ta laona manei ka giliona Zudia, tataniga Galili e dufu ghu Zerusalemu!” dike ghua.

Zone 18:29

Ianimu tuna ghe, neke kave lao nga Paelati ka maneri neke la notohori ghu, “?Heve mu muko ne riva ghidira mane iahi ghe no noreki nga ghau?” neke la ghua ghidi.

Zone 18:30

Ungene tughui tuna dike ghua, “!Geke deo la ge mane ngongovalana ghu manei, geala ghai e deo gake hio mehai ghu ka agho!” dike ghua ghini.

Zone 19:12

Ne nomohi ghu iahi Paelati, manei neke va sisiva hadui kaike ghaghahena mala nai kaveina Zisas. Ghe ira mane babatu ka ira Ziu dike kudo leghu lao, “Noto va malumu kavei la agho mane iahi, agho mu eka nona mane baere ghu Sisa. Hei noni neto kahei la taghonai mu mane ginitaukela ta ghuana, manei mu kaike kana ka Sisa,” dike ghua lao.

Ira Riva 24:13

Maneri e deo hae ta boka va dedekerira nodi turi ta va tapata ghinagu meha irahi ara.

Ira Riva 24:5

“Ghai nato ke hadu kavei mane iahi, ta noni ngongovalanana va hugahugarira ira noni Ziu hae ghe hae ghu ka malau iahi peka. Manei haro lamu ta papauna ghinina ia butubutu ta leghui ia mane vari va kakahei ka ia malau leghaha Nazareti.

Romu 13:7

Ghau o vanadi ira ta auri mana mala kopu ka ia gaumani heve di fanga ghauna maneri ta mala vanadira: Ghau o kai takisi nia ira keha kakaini ka ia gaumani, nia ghau o heluhelu ghidi nia va vonavonari maneri haroharo.