Luku 22:53 - Ia Foforuna Naiungene

⁵³ ?Neke heve ghe noke deo nga sakomo hioauna ka giliona ia Sugana God? Ara nake au ma aianimu leleghu ravata. Ghe ghatunaina mu nomu fafata ghau, ia fafata ta kurui mana ia nagoromo.”

Luku 22:53 Iomraidhean Croise

Efesasi 6:12

Vununa ghita mu e deo gada taga teturi ghu ira noni, nga da taga teturi ira nazahi ta muko nia ira ta babatu ka maneri ta tetu kaputi malau ta nagoromo iahi peka, nia ira nazahi ta muko ta au ka kolangana fate, e ghua.

Zone 12:27

“Ghatunaina mu ara na toraina zea vanagu hihingogu ini. ?Heve ghu mu geala ta tarai fangaina ara ka God? ‘?Mama oka va malumuau ghu ta vavahagalana,’ a ghua? Ghe ara e deo ga age riva ghini ghu ianimu, vununa ara nake meha mala vavahagala.

Kolosi 1:13

Vununa manei neto ke hio va doli ghita ka hei ia ta kopu ka ia ravutuna ia nagoromo, neke hio haghele ghita ghu ka ia ravutu ia Tuuna ta toraina namaha ghini manei.

Ira Riva 26:18

Agho o tobeheri ira hibadi, edi fihiki kaini ghu maneri ia nagoromo talaina ia fegala, nia edi taghuru kaini ghu ia mana ka Satana fihiki laona ka God, e ghua. Ianimu tuna ghe ge age kai hazari nga ira sasakedi, gedi age au taremehadi ghu ira nona noni ta beana God ka ia va hohoghonau ara.’

Zone 7:45

Va nonoghanana ira mane magara ta kopu ka ia Sugana God dike tuhu laorio mala sakomina Zisas, dike leghu lao ka ira hiama ta kenu nia ka ira Farisi e ghua. Notohori tuna ira mane magara dike ghua maneri, “?Ne heve ghe noke deo nga go hio mehai ghu?” dike ghua kahe ghidi va gigimana.

Zone 14:30

“To deo ga suri kuru au ghu fafata mala turi taremehamuna, vununa Satana, ia ginitauna malau iahi peka, to zukuru meha. Manei e deoi mana mala paufuauna ara,

Zone 7:30

Ianimu lama dike to kabai sakomo hioi ghu maneri, ghe e deo ma hei neke posi laoina, vununa ia fafata ka manei neke deo nga ge dufu ghu.

Matiu 21:23

Neke leghu lao ghu Zisas ka ia Sugana God, ke la tatanigai vari va kakaheina gilio, ira hiama ta kenu nia ira keha mane babatu e ghua, dike vona lao ka manei, dike la notohi ghu, “?Mana heve mu ta kuruighona agho, ghe no riva ghidi nga leghutau irahi? ?Hei neke vananighona mana iahi?” dike la ghua ghini.

Luku 22:52

Ianimu tuna ghe neke ngengeneri nga Zisas ira hiama ta kenu, ira manefaadi ira ta kopu ka ia Sugana God, nia ira keha mane babatu dike batu ghini mehao ia varigharana noni aianimu, e ghua. “?Ara mu keha mane ta muko nia ta mamaghuana no ghua ghinagu, ghe no hio ghinagu leboto sisilufu mala magara nia papakure, no ghua nga mala meha sakomo hioauna ara?

Luku 22:54

Sakomo hioi tuna Zisas gedi batu ghini lao ghu ka ia sugana ia hiama pauna, dike ghua. Ghe Pita mu neke leghuri neke lao ghu leghuni.

Zone 13:30

Hioi ne ghua ghu Zudasi ia bereti, magali ma neke to kave lao ghu peghuruo ka ia nagoromo.