Luku 22:4 - Ia Foforuna Naiungene

⁴ neke lao ghu manei ka ira hiama ta kenu, nia ka ira paudi ira ta kopu ka ia Sugana God e ghua, dike nonogele ghini ghu heve mo ghaghahena ta torai vehana, mala namaha sebo vanadina Zisas.

Luku 22:4 Iomraidhean Croise

Matiu 26:14

Ianimu tuna ghe, neke lao nga ka ira hiama ta kenu Zudasi Isikarioti, kaike ghu ka ira tazoi palu mane ta nonofoi,

Luku 22:5

Maneri dike va manemane ghini ta va tanai toka ghidi ini Zudasi, dike va bebereana ghu ta mala vanani tabarana.

Luku 22:52

Ianimu tuna ghe neke ngengeneri nga Zisas ira hiama ta kenu, ira manefaadi ira ta kopu ka ia Sugana God, nia ira keha mane babatu dike batu ghini mehao ia varigharana noni aianimu, e ghua. “?Ara mu keha mane ta muko nia ta mamaghuana no ghua ghinagu, ghe no hio ghinagu leboto sisilufu mala magara nia papakure, no ghua nga mala meha sakomo hioauna ara?

Ira Riva 4:1

Di ngengene ngama di au ghu Pita ghe Zone ka ira noni, dito la meha ghu ka maneri palu ira hiama ta kenu, ia manefaadi ira mane magara ka ia Sugana God, nia keha Sadiusira e ghua.

Ira Riva 5:24

Ia manefaadi ira mane magara ta kopu ka ia Sugana God nia ira hiama ta kenu e ghua, di nomohi ghu iahi, dike to age zea la meha ma deona gedi va fafahaki ghu heve ta age dufu mehana ghatu ka iahi.

Ira Riva 5:26

Ia manefaadi ira mane magara ta kopu ka ia Sugana God, taremehadi ira mane magara ta riva ka pekana taghonai, dike la sakomo hiori ira mane nonomoho dike la hio leghuri ghu. Maneri e deo gedi ke ngovalari ghu, vununa dike maughedi ka ira noni ta va fera ghidi ghahipana.