Luku 21:8 - Ia Foforuna Naiungene

⁸ Zisas neke ungene tughuri, “O banabana, mala edika batu ghini ghau va zea la ghu hei noni. Vununa tehi nonini ta la mehara ghatu ka babaologu ini ara, ta meha kahe ghuana ghu iahi, ‘!Ara mu ia Mesaea’, nia ‘Ia fafata to dufu!’ edi meha ghua. Ghe oka va hohoghonari ghu.

Luku 21:8 Iomraidhean Croise

Matiu 24:11

Tehi porofeti ta seseboni ta age podolora ghatu, edi age babatu va zeari ghu tehi nonini.

Matiu 3:2

“Taghuru kairi ira sasakemu o fihiki lao ghu ka God, vununa ia Ravutu ka ia malau God fate to namo.”

Matiu 4:17

Ka ia fafata rizu ta la au ghu Zisas ani Kapaniumu, manei neke to tatanigai tuturi beana, kahe ghuana iahi, “Taghuru kairi ira sasakemu, o fihiki lao ghu ka God, vununa ia Ravutu ka malauo God fate to namo meha.”

Luku 17:23

Keha nonomohora e age dufu ghau mo ghatu ghinina ia leghu meha ka ia Tuuna Noni, edi age kahe ghua ghu ghatu iahi ira noni, ‘!Ianihi nga manei!’ ba ‘!Iahi nga manei!’ edi age ghua. Ghe oka va hohoghonari ghu kokolodi turi iranimu, nia oka kave lao ghu go la hadui ghu, e ghua.

Luku 21:7

“Mane Vari Va Kakahei Agho,” dike ghua notohodira, “?Niha ghe gedi dufu meha nga mu leghu irahi nga? ?Nia heve mu kusu va ghilaghila ta auna ghatu, to namo dufu leghutau irahi ta ghuana?”

Luku 21:9

Nia noto nomohori la ira soloso ta vari magara, nia ira ta vari magara taghodi ka giliodi ira soloso e ghua, oka maughemu ghu. Leghutau irahi mu edi kusu meha mamu, ghe ia va nonoghana e deo ge selu mehai ghu.”

Zone 5:43

Ara nato ke meha taremehana ia nona mana mala kopu nogu Mama, ghe ghau deo go kabai hio namahau ghu, nga neto la meha la keha nonina mo ka ia babaolona taghonai mu, ghau o hio namahi manei.

Zone 8:24

Ianimu la ghe nake kahei nga ara mu, ta age lemena ghau ghatu, e deo ghu God ge age kai hazari ghu ira muko ka ghau. Uve, noto deo la ghau go va hohoghonai ghu, Ara Taghogu Ia Ara Taghogu ta ghuana, ghau o age leme taremehadi ira sasake ka ghau.”

Zone 8:28

Kahe ghua tuna iahi neke ghua Zisas, “Ka ia tato hure vonau ghau ara ia Tuuna Noni ka ia hekefalahata, ghe go age ngana avohi nga tuna ghau mu, Ara Taghogu Ia Ara Taghogu, ta ghuana. Ghau o age avohi haro molamo ta deona ara ga leghuri ghu ira nogu ngangana taghogughi ka ia riva ghini kaike leghutau ghu, nga na suna kaheri ma heve neke va kakahe vanaguo nogu Mama.

1 Koriniti 6:9

?E deo go avohi ghu ghau mu heiri ira ta rivai muko mu e deo gedi age hio kadoli ghu ia Ravutu ka God ta ghuana? Ghau o toraina va hohoghonai ta hohoghonana iahi. E deo hei ka ira noni ta zave, e deo hei ka ira ta va totoanai nguzunguzu, e deo hei ka ira ta zave kunuri ira keradiau, e deo hei ka ira mane ta kikirasei tabara, e deo hei ka ira ta babaere vari mamanei,

Efesasi 5:6

Oka va malumi ghu hei noni ta sebo ghauna ka ira ngengene ta kingo, e veha mo koini riva ghidira ira leghutau ta muko, ta ghuana ghu ghau. Vununa ka ia ghidi toraina leghutau irahi lamu, ta la mehana ghatu ia haala ka God ka fatedi heiri haroharo ira ta huhughi manei.

2 Tesalonaeka 2:3

Oka va hohoghonari ghu ira leghu kokolodi sekesekei nga ka maneri. Vununa ravata ianimu ghu mu, e deo ge la meha ghu, e vuhai age au ghu ia fafata, ta age deke pauma ghini God ghatu tehi nonini, ka ira dolidi ka malau iahi peka, ta podolo ghu tuna ia mane ta va laolapu, ia ta age kai laoi gehena.

2 Timoti 3:13

Nga ira noni ta muko nia sesebo e ghua mu, edi age muko laoni. Maneri edi sebori ma edi lao ghu ira keha noni nia age sebori haroma taghodi, edi ghua.

1 Zone 4:1

Ghau noni taremehaguro, oka va hohoghonari ghu heiri haroharo ta kahei di auri ia Tarunga Ta Maduana ira ta ghua, nga o va sisiva hadu kaveina o finini ghu taghe neto sipana la mamu ka God mu tarunga iahi. Vununa tehi porofeti ta seseboni dito ke kave laora ka ira leghu pelodi nga ka malau iahi peka.

2 Zone 1:7

Tehi noni ta vari va kakahei sesebo dito ke kave laora ka malau iahi peka. Maneri edika va hohoghonai ghu neke hinae mehana Zisas Kraes ka ia tini noni ka malau iahi peka. Kokolona noni iahi mu e sesebo nia e kana ka Kraes, e ghua.

Podolo Kave 1:3

God e va beani hei ia ta izumi buka iahi nia e va beani hei ia ta nomohi ta va hohoghonai ghu heve ne kaheina manei, e ghua. Vununa ia fafata to namo ka ta age dufuro ghatu leghu irahi nga.

Podolo Kave 12:9

Leghahai daragoni iahi mu ia adoghona sepao ta va kudo ghini ia Faghinadi ira nazahi ba Satana, neke seborio ira noni ka malau kamoto iahi peka, dike kai hinaeio ghu ka malau iahi peka taremehadi ira nona engizeli.