Luku 21:12 - Ia Foforuna Naiungene

¹² “Ghe gedi la dufu meha nga leghu irahi nga, maneri edi age sakomo ghau, nia ngovala ghau, e ghua. Ghatu maneri edi age koroho kakanaka ghini ghau lao ka ira suga mala varighara ira Ziu, nia ka ira suga pipiliga, e ghua. Nia ghatu maneri edi hio ghau lao ka kenudi ira mane ginitaukela, nia ira gavana e ghua, vununa ghau no leghuau ara.

Luku 21:12 Iomraidhean Croise

Matiu 22:6

Ira keha tuna gedi sakomori ghu ira nona noniriva ia mane ginitaukela gedi ngovala va mukori ghu, atunguri harora kehara, dike ghua.

Matiu 24:8

Ghe leghu irahi nga mu, suna tatanigaidi ma ira leghu lelemeana ta la meha nga ghatu.

Luku 21:11

Ghatu mu, ira leghahai kuzo, ira songe, nia ira avena ta lelemeana e ghua, ta age dufura ka tehi malauni. Nia ghatu tehi leghutau ta mamaghuana, nia leghahai va ghilaghila e ghua, ta aura ka kolangana fate.

Zone 15:20

O ngana avohori ira ngengene nake va kahe ghini ghauro ara, ‘Ira noni mala varituhu mu eka varanga fuludi ghu ia nona faghina,’ nake ghuao. Dito ke ngovalau la ara ia faghinamu, maneri edi age ngovala ghau molamo ghau ghatu. Nia dito ke leghuri la maneri ira vari va kakahei ka ara ia faghinamu, maneri edi age leghuri haro molamo ira tau ka ghau.

Zone 15:21

Ira noni ka malau iahi peka edi age kikipana ghini ghau ghatu, vununa ghau no nogu ara, nia vununa di deo gedi avohi ghedi ghu God neke tuhu mehauno ara, e ghua.

Ira Riva 22:30

Ia keha ravata, ia mane pauna ia punugara neke toraina kabai hadu kavei heve mo dike hala ghinina ka Polo ira noni Ziu. Kudori tuna ira leghu hiama ta kenu nga nia ia kamotona nonohe faghina ka ira Ziu mala posinina kaike haedu, neke ghua. Ianimu tuna ghe, neke hio kavei nga Polo ka ia pipiliga ia mane pauna ia punugara, neke va tetui ghu ka kenudiro taghodi.

Ira Riva 5:40

Ia Nonohe Faghina ka ira Ziu, dike age leghui tatangana iahi ka manei, mala deona ge atungi ghu. Ke kudo haghele leghuri tuna ira mane nonomoho gedi va kahe ghidi ghu ira mane magara ka ia Sugana God ta puruasimirira, dike ghua. Va kahe ghidi tuna taka ke puina tuturina ghu ka ia babaolona Zisas dike ghua, ghe dike va ghaheri nga tuna.

Ira Riva 8:3

Ghe Solo neke tataniga ngovali ia kiloau, neke hagheleri ghu tehi sugani, koroho kaverira ira mane, ghase, mala kai laorira ka ia pipiliga.

Ira Riva 9:4

Manei neke riufu hinae ka kavao, ghe neke nomohi nga kaike leo kahe ghua laona iahi ka manei, “!Solo! !Solo! Heve no ghua ghe no ngovalau nga agho?”

1 Pita 2:13

Vununa ghau no va hohoghona ka ia Lod, o toraina va vonavonari ira noni ta auri mana mala kopu, sughavona ghu ia mane ginitaukela ia ta kopunai ghidi ira noni haroharo.

Podolo Kave 2:10

Oka maughemu ghu ka heve leghutau tato namo vavahagala ghinina ghau. Ia Faghinadi ira nazahi e age kai laori kehara ka ghau ka pipiliga mala va sisiva ghini ghauna, o age au vavahagala ghu ka giliodi tazo ravata. Ghe noto tetu va gima la ghau ka ia nomu va hohoghona, va malumu ghauna ghe taghomu ka leme, ara a age vanamu ia tabarana doli soduai.