Luku 2:4 - Ia Foforuna Naiungene

⁴ Vununa Zosepu mu neke pagusu meha ka Deveti ia mane ginitaukela, neke lao ghu manei Betilehemu aianihi Zudia, ka ia torai malauna neke dolio Deveti. Manei mu neke sipana meha ka ia malau fafaana Nazareti aianihi Galili.

Luku 2:4 Iomraidhean Croise

Tatanigaina 35:19

Ka ia lemena Reseli maneri dike gilu ghini ka ia gheremena hangana ta lao Efarati, ta va kudo ghini Betilehemu ghatunaina.

Tatanigaina 48:7

Na riva ghini nga ara iahi mu, vununa nake muko hihingogu fuludu ghini nou uke Reseli neke leme mehao Kenani ka ia leghu sipagu ara ani Padani Aramu, nake gilu ghinio ghu ara ka ia gheremena hangana ta lao ani Efarati.” (Efarati mu Betilehemu ghatunaina.)

Matiu 1:20

Ne hadu ghini ngangana ngama manei iahi, neto podolo ghini ghu ia nona engizeli ia Lod ka ia epu baghunai, kahe ghuana iahi, “Zosepu, agho noke mehao ka ia pagusu Deveti, oka maugheu ghu hioina Mere ta mala ghaseborouna ghu, vununa gogoso ta vuha ani ka manei mu, neke sipa ka ia Tarunga Ta Maduana.

Matiu 2:23

Lao tuna gedi la au ghu ka ia malau fafaana ta va kudo ghini Nazareti, dike ghua. Heve dike kaheio ira porofeti mu neke to meha hohoghona ghu: “Manei edi age va kudo ghini manena Nazareti,” ia ta ghua.

Luku 2:3

Ira noni haroharo dike leghu lao ka ira sopai malaudi, mala ira noni ta riva ka ia gaumanina Romu, edi kangava hinaeri ghu ira babaolodi ka ia bukana taho.

Luku 2:5

Manei neke hio taremehana haroma Mere ia nona paru neke to poteo ka fafata ianimu.

Luku 4:16

Ka ia fafata mehana Zisas aianihi Nazareti ka ia malau neke faa vonao, manei neke lao ka ia suga mala varighara ira Ziu ka ia Ravata Mala Maghoso taghe ta fani ghua tudu lama, neke tetu vona ghu manei izumurira ira Kakangava Ta Maduana.

Zone 1:46

“?E boka la meha mo keha leghutau ta veha aianihi Nazareti?” neke ghua Nafaneli notohonana. “O meha ma o age fini ghu taghou,” neke ghua Filipi.

Zone 7:42

“Ira Kakangava Ta Maduana dike kaheina mu, ia Mesaea mu e la meha ka ia pagusu ia Ginitaukela Deveti, e age uraha ghu ghatu ka ia malau fafaana Betilehemu, ka neke urahao Deveti, neke ghua.”

Ruti 1:19

Ghahe ma gedi lao ghu, gedi vuhai la dufu ghu Betilehemu dike ghua palu fotati idi. Ka ia la sabaradi Betilehemu, ia kamotona malau leghaha dike ngilingoele ngenengenedira. “?Naomi mamu baini iahi?” Dike ghua ira fotati notohodira.

Ruti 2:4

Ne toraina hohoghona ghu, taghonai Boazi neke sipana mehao Betilehemu toke sabara neke la ungene vehari ghu ira ta tarapa bali. “Iahova e au ka ghau!” Ne la ghua ghidi. “Iahova e va beanigho agho!” Di ghua ke ungene tughu laoina.

Ruti 4:11

Ianimu tuna ghe dike kahe ghua nga iahi ira nonifaa nia ira dike auro ka makatanana babarana malau ani, “Ghai lamu na toraina fini hibamaina. Nai vananiIahova mala taghe Reseli ghe Lea dike va hugara varighara ghinio Isirael e ghua ghini ghu fotati ta haghele age nia ka sugauna agho. Nai vananigho ta age veha puhiuna agho ani Efarata nia ta age varangana babaolou nia ani Betilehemu, e ghua.

Ruti 4:17

Ira fotati ta au aianimu dike kahe ghua iahi, “Naomi neto aui kaike tuunamane,” di ghua. Obedi dike ghua ghini ghu babaolonana. Obedi mu neke nona mamana Zese, ia nona mama Deveti.