Luku 2:11 - Ia Foforuna Naiungene

¹¹ !Redu iahi ka ia malau fafaana Deveti aianihi Betilehemu, ia nomu Va Doli, Kraes ia Lod neto uraha!

Luku 2:11 Iomraidhean Croise

Tatanigaina 3:15

Ara a age nakaini ia varikanai, ka varihoataiu agho nia ia fotati, nia ka varihoataidi ira pagusu ka agho nia ka ia fotati; Ia pagusu ka ia fotati e age botai pau nia agho, nia agho o age ghanini ia susubina kaikeu ka ia pagusu ia fotati.”

Tatanigaina 49:10

Zuda e age posini ia mana mala kopu ka manei, Nia ira pagusu ka manei edi age kopu tudu ma. Ira butubutu noni edi age va vonavonai manei, maimanihina ka ia leghu puhi ka kenuna manei.

Matiu 1:16

Zekopu mu neke nona mamana Zosepu ia keranau Mere. Mere mu neke nona ukena Zisas ia Mesaea.

Matiu 1:21

Manei e age au ghu kaike tuuna ghatu, Zisas o ghua ghini ghu babaolonana, vununa manei, e age hio va doliri ira nona noni ka ira sasake maneri.”

Matiu 16:16

“Agho mu ia Mesaea, ia Tuuna God ia ta au toghunai,” neke ghua ungene tughuna Pita.

Matiu 16:20

Ianimu tuna ghe neke kahe ghidi va gigima nga ira nona mane ta nonofoi taka turi vanadira ghu hei noni, ghinina taghonai mu ia Mesaea, ta ghuana.

Luku 1:43

!Maughegu nga la mo ka va vonavonara, ta meha ini ia nona uke ia nogu Lod, ta meha sigho ghinagu ini ghu!

Luku 1:69

Manei neto ke vanada meha ia Va Doli ta torai mana ka ia pagusu ginitau Deveti, ia nona maneriva,

Luku 2:26

Ia Tarunga Ta Maduana neke va kahe ghini Simoni ta deona ge boka leme ghu manei, e vuhai age finini ghu ia Mesaea ka ia Lod.

Luku 2:4

Vununa Zosepu mu neke pagusu meha ka Deveti ia mane ginitaukela, neke lao ghu manei Betilehemu aianihi Zudia, ka ia torai malauna neke dolio Deveti. Manei mu neke sipana meha ka ia malau fafaana Nazareti aianihi Galili.

Zone 1:41

Ka fafata ianimu lama, neke lao ghu Aduru la dufuina Saemoni ia tahina mane taghonai, neke la kahe ghua ghu iahi ka manei, “Ghai nato ke dufui ia Mesaea,” neke la ghua ghini (fafahakanana mu “Kraes” e ghua).

Zone 1:45

Filipi neke la dufui Nafaneli neke va kahe ghini ghu, “Ghai nato ke dufui ia neke kakangava ghinio Mosese nia ira porofeti e ghua, ka ira Kakangava Ta Maduana. Manei mu Zisas na Nazareti ia tuuna Zosepu.”

Zone 11:27

“Uve Lod,” neke ghua ungene tughuna Mata. “Ara na va hohoghonai mo agho lamu ia Mesaea ia Tuuna God, neke mala mehao ka malau iahi peka, ta ghuana.”

Zone 20:31

Ne kangava hinaeri nga irahi mu, o mala va hohoghonai ghu ghau Zisas mu ia Mesaea, ia Tuuna God ta ghuana, mala ka ia va hohoghonai manei, o boka age hioi ghu ghau ia doli soduai.

Zone 4:25

Ia fotati neke kahe ghua iahi, “Ara na avohi mo ta la mehana ghatu ia Mesaea. Manei e age va fafahaka vanamai ghai vahina leghutau nga neto la meha la.” (Ia Mesaea mu ia ta va kudo ghini Kraes maneri.)

Zone 4:42

Ianimu tuna ghe dike va kahe ghini nga ia fotati, “Ghatunaina ghai na va hohoghona tuna, vununa taghomai nato ke nomohina manei, eka ghua ghu ma ka ira heve noke turi vanamairo agho. Torai manei hohoghona mamu ghu mu ia Va Doli ka malau iahi peka.”

Zone 6:69

“Ghai na va hohoghonaigho nia avohi, agho mu Ia Ta Maduana ka God, ta ghuana.”

Zone 7:41

Kehara tuna dike kaheina mu, “Mane iahi lamu ia Mesaea,” gedi ghua ghu dike ghua. Ghe keharani dike kaheina mu, “Deo, ia Mesaea e deo ge boka la sipa meha ghu Galili,” dike ghua.

Ira Riva 10:36

Ghau to avohi ia nonomoho neke va ghahe laoio God ka ira nonidi Isiraeli, tuturi ghinina ia Nonomoho Ta Veha ghinina ia bule ka Zisas Kraes ia Lod ka ghita haroharo.

Ira Riva 13:23

“Ka ira pagusuna mane iahi, God neto vanani meha Isiraeli Ia Va Doli, Zisas, taghe neke naiungene ghinio.

Ira Riva 17:3

Polo neke va fafahaka vanadi nia neke va podolo vanadi e ghua, neke toraina mala age vavahagalana nia take tetu leghuna ka ia leme e ghua ia Mesaea. “Zisas ta tuturi ghini iahi ara vanamuna ghau mu, Mesaea na,” neke ghua ghidi.

Ira Riva 2:36

“Ghau leghu noni nga Isiraeli mu, geala o toraina avoho va vehai ghu, Zisas noke tupila ghini iahi lamu ghau ka ia hekefalahata neke faetina God, ta mala meha Lod na nia Mesaea na.”

Ira Riva 5:31

God neke va tetu leghui manei neke naini ghu ka ia kame mautuna taghona, ka ia malau ta toraina heheluana nia mana, mala Noda Babatuna nia Va Dolina, e ghua. Manei neke riva ghini iahi, mala vanadira kaike fafata ta veha ira noni Isiraeli, mala taghuru kairira ira sasakedi, ta fihiki laona ghu ka God mala kai hazadira ira sasake ka maneri.

1 Koriniti 15:47

Ia va kenuna noni mu neke riva ghini ka forokuna kava, ia va paluna noni mu Kraes neke sipana mehao ka malauo God fate.

Filipae 2:11

mala heiri haroharo edi age kahe kavei ghu Zisas Kraes mu ia Lod, ta ghuana, mala vanani varangana God ia Mama.

Filipae 3:8

Eka ghua ghu ma leghu iranimu nga, nga ira leghutau haroharo ta fani nganai va ghighiu lao ara, mala hio va doliauna God nake ghuao mu, to age toraina deo lighorodi ma ka ia va fata ghidi lao ara, ka heve ia ta toraina au lighorona fuludu lao, ia varangana avoho va vehai Kraes Zisas ia nogu Lod. Vununa ghini manei, nato age nai kairi ghu ara vahina leghutau nga. Ara nato nganai kamotona iahi taghe penu ta ghuana, mala to boka la, a toraina nona kamoto ghu Kraes,

Kolosi 2:6

Ghau mu noto ke hioi Kraes Zisas taghe nomu Lod na, o torai leghui ma ghu manei o lao ghu.

1 Zone 4:14

Nia ghai nato ke fini hibamai neke tuhu mehaina ia Mama ia Tuuna, mala meha hio va dolirira ira noni ka malau iahi peka, na va kahe ghidi ghu ira keha noni.

1 Zone 5:1

Hei ia ta va hohoghonai Zisas mu ia Kraes ia Va Doli neke naiungene ghinio God mala va mehaina mu, e kaike rekaha ka God. Nia heiri haroharo ira ta namaha ghini ia mama mu, edi namaha ghidi haro molamo ira nona rekaha.