Luku 2:1 - Ia Foforuna Naiungene

¹ Ka fafata ianimu ia mane ginitaukelana Romu, Agusitasi ia ta ghua ghini, neke nakaini kaike puhi ta gigima, ia ta mala riva ghini kaike taho noni, ka ira soloso haroharo ta au pekana Romu.

Luku 2:1 Iomraidhean Croise

Matiu 22:17

O va kahe ghini ghai ko heve mu nganganauna agho ka iahi: ?E veha mo ta kai lao takisina ghai ka Sisa ia mane ginitaukelana Romu, ba deo?”

Matiu 24:14

Nonomoho Ta Veha ghinina Ravutu iahi mu, e age tuturi ghini beana ghu ghatu ka malau kamoto iahi peka, edi nomohi haro ghu ira leghu soloso nga; ianimu tuna ghe ge la meha nga tuna ghatu ia va nonoghana.

Maki 14:9

A toraina va kahe ghini ghau ghu ara, hae ghe hae ta tuturi ghinina maneri ia Nonomoho Ta Veha ka malau iahi peka, ia tuturina heve neke riva ghinio fotati iahi, edi age tuturi ghini tudu ma, ka ia merumeruna manei.”

Maki 16:15

Ianimu tuna ghe neke va kahe ghidi nga, “O lao ka ira leghu malau nga ka malau iahi peka, o la tuturi ghini ghu ia Nonomoho Ta Veha ka ira noni haroharo hae ghe hae ghu.

Luku 2:3

Ira noni haroharo dike leghu lao ka ira sopai malaudi, mala ira noni ta riva ka ia gaumanina Romu, edi kangava hinaeri ghu ira babaolodi ka ia bukana taho.

Luku 2:5

Manei neke hio taremehana haroma Mere ia nona paru neke to poteo ka fafata ianimu.

Luku 3:1

Ka ia va tazoi gahana komuhu tetu ginitauna Taebiriasi, ia mane ginitaukelana Romu, Paelati mu neke gavanana aianihi Zudia; Herodi Anitipasi mu neke kopu ghinina ia Babarana Galili; Filipi ia tahina mane Herodi tuna, ge kopu ghidi ghu ira palu kobosodi Ituria ghe Tarakonaetisi e ghua; Lisaniasi mu neke kopuna ka ia Babarana Abilini.

Ira Riva 11:28

Kaike ghu ka maneri babaolonana Agabasi, neke tetu vona neke kusu kahe kenui ghu ka ia mana ia Tarunga, ta age auna ghatu kaike leghahai songe hae ghe hae ghu ka malau iahi peka. (Iahi mu neke age dufu ka ia tetu kopuna Kolodiasi.)

Ira Riva 25:11

Neto hotoau la riva ghidira ara ira leghutau ta fata mala age atunguauna maneri, ara e deo ga pake ghegu ghu lemena. Nga neto deo la gedi hohoghodi ghu leghu ta va tapata ghinagu irahi nga maneri mu, e deo hei ta kuruina mana mala nai laoauna ara ka maneri, vununa ara mu a holara ka ia Ravutuna Romu. Ara a fangai ghu taghonai Sisa ia mane ginitaukelana Romu ta mala nomohina vari sukutuai iahi.”

Ira Riva 25:21

Ghe Polo ne fangai ta mala auna ma taghona ka pipiliga ta vuhai age nomohina ghu taghonai Sisa ia mane ginitaukela, puhi iahi ka taghona. Nake va kahe ghidi va gigima ghu ara ta nakai leghuina manei ka ia pipiliga, a vuhai boka va ghahe laoi ghu ara ka Sisa.”

Romu 1:8

Ta kenuna mu, ara na kudo vehai ia nogu God ka Zisas Kraes ghini ghauna ghau haroharo, vununa ia nomu va hohoghona to kahe kavei ka malau kamoto iahi peka.

Filipae 4:22

Ira keha leghu nona noni nga God nia ira ta riva ka ia malau ginitau Sisa aiahi e ghua, di va ghahe age ungene veha ka ghau.