Luku 19:7 - Ia Foforuna Naiungene

⁷ Ghe ira noni haroharo dike fininio dike muko vanadi, dike ngunungunu ghu. “Manei mu ta la mahai ini ka ia sugana ia mane ta kurui sasake,” dike ghua ghini.

Luku 19:7 Iomraidhean Croise

Matiu 20:11

Di hiori ghu ira tabaradi, maneri dike age halari, dike la ngenengene ghu ka ia ta kutamai kava.

Matiu 20:4

Va kahe ghidi tuna neke ghua manei, ‘Ghau haro o lao o la riva ghu ka nunuma gerepi ani, a tabara ghau ghu ara ghatu taghe niha ghu ta fatana ka ghau.’

Matiu 9:11

Di finini ghu ta ghuana ianimu, ira Farisi dike notohori ira nona mane ta nonofoi, “?Heve ne ghua mane vari va kakahei iamu ka ghau ghe, ne mahai taremehadi nga kokolodi noni ta muko iramu?”

Luku 15:2

Ghe ira Farisi nia ira ta vari va kakahe ghini ia vetula beana, dike age tatanigai ngenengene kahe ghuadira iahi, “Mane iahi mu neke baere taremehadi nia mahai taremehadi ghe ira noni ta kuru sasakedi!” dike ghua.

Luku 19:6

Magali ma neke hinae meha ghu Zakiusi, neke hio laoi ghu Zisas ka suganao ka ia va manemane nia va ghazaghaza.

Luku 19:8

Ghe Zakiusi neke tetu vona, ghe neke kahe ghua nga iahi ka ia Lod, “Lod, ara a fotai ia taghotagho ka ara ghatu, a vanadi ghu ira ta kuma. Nia nato ke hio takisi va fuludu lao la seborira ira noni, ara a ke vanadi leghu rodana fafata tehi fuludu laorina nake hio tadiro.”

Luku 5:30

Ghe ira Farisi nia ira nodi mane ta vari va kakahe ghini ia vetula beana e ghua, dike toraina ngengene halari lao ka ira mane ta nonofoi Zisas, kahe ghuana iahi, “?Ne heve ghe no mahai, ketuhu taremehadi nga ghau ira ta hio takisi, nia ira noni ta auri sasake e ghua?” dike ghua ghidi.

Luku 7:34

Ghe vununa ara ia Tuuna Noni nake meha mahai, ketuhu, no kahe ghua ghu iahi ghau, ‘!Manei mu ne vavara mahai, ketuhu gogosu ne ghua, nia baereri tuna ira ta hio takisi, nia ira noni ta auri muko, e ghua!’ no ghua ghu.

Luku 7:39

Ka ia fafata fini laoi heve neke riva ghinina fotati ani, ia Farisi neke fangaio Zisas neke ghua iahi ka ia nganganana taghonai, “Toraina hohoghona mamu ta deona ge porofeti ghu ngaini mane iahi. Geke toraina tuhu mehai la God, geala manei eto avohi ma fotati hevena mu ta la posini ani. Fotati iahi mu ia ta kuru sasakena!” neke ghua ka ia nganganana.