Luku 19:12 - Ia Foforuna Naiungene

¹² Neke kahe ghua ghu iahi manei, “Kaike manefaa neke lao ka kaike soloso varihau, mala meha mane ginitaukelana, ghe geke leghu nga.

Luku 19:12 Iomraidhean Croise

Matiu 21:38

“Ghe ira ta kopunai nunuma gerepi, di fini laoi ghu ia tuunamane mehanana, dike kahe ghua iahi, ‘!Ta meha ani ia ta mala ke hio kadoli kava iahi. Meha da atungi gheda ghu, e noda ghu tuna taghodai kava hio kadolo iahi ka manei!’ dike ghua.

Matiu 28:18

Ghahe namo lao tuna ge va kahe ghidi ghu neke ghua Zisas, “Leghu mana nga ka malauo God fate nia ka malau iahi peka e ghua mu, to ke vanagu ara.

Maki 12:1

Ianimu tuna ghe, neke tataniga turi vanadi nga Zisas keha ungene talevarara kahe ghuana iahi: “Kaike mane neke numa ghini kaike nunuma gerepi. Manei neke rivai ghini babara hidi liloho, ghe neke tohai nga kaike korosa neke nakai ghini lao ghahipa tetepele ghu, mala piriki kave kolona gerepina. Riva ghini tuna kaike koku mala kakae, neke ghua. Ianimu tuna ghe, neke vanadi nga ia nunuma gerepi ira keha noni mala kopu vananina. Neke va kahe ghidi tuna ta mala hioina ia tufadi ka ira gerepi taghe tabaradina neke ghua, ghe neke ghahe lao nga ka ia keha soloso.

Maki 16:19

Ne nogha ghu ia Lod Zisas turi taremehadina maneri, neke to hio vonai ma ka malauo God fate, neke la nohe ghu ka ia nonohe va vonavona ka ia kame mautuna God.

Luku 20:9

Zisas neke fihiki laoni ka ira noni, neke turi vanadi ghu ungene talevara iahi: “Kaike mane neke numa ghini kaike nunuma gerepi, neke vanadi lao ghu ira noni ta kopunai nunuma, mala hio vanani rongona leleghu fafata. Ianimu tuna ghe neke ghahe lao nga manei ka ia keha soloso, la au soduaina.

Luku 24:51

Ka neke va beanario lama manei, to hio vonai ma ghu ka kolangana fate, ghahe kairira.

Zone 18:37

Ke notohi tuna neke ghua Paelati, “?Kaike mane ginitaukela ghu mu agho?” neke ghua ghini. “Agho mo no kaheina, ara mu mane ginitaukela ta ghuana, ne hoghou ghu mamu,” ne ghua Zisas. “Ara nake doli meha ka malau iahi peka mala va kahe ghidira ira noni ghinina ia hohoghona. Heiri haroharo ta hagala ghini heve ia ta hohoghona mu, edi ungene nonomoho ka ara.”

Ira Riva 17:31

Vununa manei to nakaini kaike ravata, ta mala age fateina ghatu malau kamoto iahi peka ka ia totonuna. Nia God neto ke faeti Zisas ia mane ta mala riva ghini ia varifate ka taghonai. God neto ke va podolo vanada ghu iahi ghita haroharo, ka ia va tetu leghui Zisas ka ia leme.”

1 Koriniti 15:25

Vununa Kraes mu e toraina kopu e vuhai paufuri ghu leghu kana nga ka manei, deke pauma ghidira ka pekana tabalanari.

Hiburu 9:28

Kraes mu neke leme ghu kaike fafata mo malanana ia kamotona fafata taghe veala ta ghuana, mala hio kairira ira sasakedi ira leghu noni nga, nia manei eke va paluna fafata mehani, ghe e deo ke meha leme mala hio kai sasakena, nga mala meha hio va doliri ira noni ta au afa ghini manei.

1 Pita 3:22

Ghatunaina mu Kraes neto lao ka malauo God fate. Nia manei ne nohe gheremena God ka ia nonohe papala ta mana. Nia ira leghu engizeli nga, nia ira ta auri mana mala babatu nia ira ta gigima e ghua, edi au haro ka pekana ia mana mala kopu manei.

Podolo Kave 1:7

!O mato! Manei e la meha taremehadi ira toba. Nia ira leghu hiba nga edi age finini manei, geta ghua ghu ira dike va zoloio. Nia ira leghu noni nga ka malau iahi peka edi age muko hihingodi ghatu, vununa ka ia ghini manei. !E age ghua ghu mamu ghatu! Amen.