Luku 19:10 - Ia Foforuna Naiungene

¹⁰ Ara ia Tuuna Noni mu, nake meha mala haduri nia hio va doliri ira noni ta ghahe va zea, taghe mane iahi la.”

Luku 19:10 Iomraidhean Croise

Matiu 1:21

Manei e age au ghu kaike tuuna ghatu, Zisas o ghua ghini ghu babaolonana, vununa manei, e age hio va doliri ira nona noni ka ira sasake maneri.”

Matiu 10:6

nga o lao ma ka ira noni Ziu ta ghahe va zea taghe sipisipi ira ta ghua ani Isiraeli.

Matiu 15:24

Ungene tughui tuna ia fotati neke ghua Zisas, “Ara mu neke tuhu mehau mala toka ghidi ma ira noni Isiraeli lama. Maneri mu taghe ira sipisipi tato ghahe va zea, dito ghua.”

Matiu 18:10

“O banabana, oka fini va hinaei la ghu hei ka rekaha teri irahi. A va kahe ghini ghau ghu ara, ira nodi engizeli maneri edi au taremehana tudu ma nogu Mama ka malaunao fate.

Luku 15:32

Ghita da toraina, ragi hilava ghu ka ravata va manemane iahi. !Vununa ia tahiu mane neke leme, ghe manei neto ke doli leghu! !Manei neke to zea, ghe ghatunaina ghita dato ke finini manei!’ ”

Luku 15:8

“?Ba haeba ge kurui la tazo kunegele ta siliva kaike fotati, ge kakai tana ghu kaike ghu. ?Heve, manei e deo ge va dolini ghu ia zuta, ta haduina ghu ka ira leghu lobosaidi nga ka ia suga, ka ia tokeni ta takusu va huhugurira ghu ira leghu pelodi nga, ta vuhai age fininina ghu manei?

Zone 3:17

Vununa God e deo geke tuhu hinae mehai ghu ia Tuuna ka malau iahi peka mala faterira ira noni, nga mala meha hio va doliri maneri, neke ghua.

Romu 5:6

Ka ia dake deo ghita gigimano nga ghita, neke leme vanada ghu Kraes ghita ira noni dake deono gada leghui ghu God.

Hiburu 7:25

Ghatunaina nia leleghu fafata e ghua, manei e boka hio va doliri mo ira ta meha ka God ka ia babaolona manei, vununa manei e doli fuludai mala tarai fanga laona ka God mala toka ghidina.