Luku 18:9 - Ia Foforuna Naiungene

⁹ Zisas neke turi ghini ungene talevara iahi ka ira keha noni ta nganai taghodi lama ta vehana ira ta ghua, ta fini hinaeri ghu leghu noni nga:

Luku 18:9 Iomraidhean Croise

Luku 10:29

Ghe ia mane ta avoho fikifokoi ia vetula beana geta deo mo ge lotoro ghu taghonai ghe, neke kabai ghidi ira noni ta nganaina ne lotoro taghonai ta ghuana, neke notoho ghua ghu iahi ka Zisas, “?Hei ghu mu taremehaguna ara?” neke ghua ghini ghu.

Luku 15:2

Ghe ira Farisi nia ira ta vari va kakahe ghini ia vetula beana, dike age tatanigai ngenengene kahe ghuadira iahi, “Mane iahi mu neke baere taremehadi nia mahai taremehadi ghe ira noni ta kuru sasakedi!” dike ghua.

Luku 16:15

Va kahe vanadi tuna neke ghua Zisas, “Ghau no kabai fifini vevehamu ka ira tehi noni, ghe God e avohori ira hihingomu ta sota. Heve ia ta tongovona ka ghita aiahi peka mu, e deo lighorona ka God.

Luku 18:11

Ia Farisi ta va varavaranga, neke la tetu kakaike taghonai ghe neke verevere ghua nga iahi: ‘!Ara na kudo vehaigho God, ta deo ini ga sesebo ghu, luluto ghu, nia taka zave kunuini ghu keraguau e ghua, taghe ta ghua ira leghu noni nga, sughavona ghu taghe mane mala hio takisi ta tetu ianihi!

Luku 19:7

Ghe ira noni haroharo dike fininio dike muko vanadi, dike ngunungunu ghu. “Manei mu ta la mahai ini ka ia sugana ia mane ta kurui sasake,” dike ghua ghini.

Luku 7:39

Ka ia fafata fini laoi heve neke riva ghinina fotati ani, ia Farisi neke fangaio Zisas neke ghua iahi ka ia nganganana taghonai, “Toraina hohoghona mamu ta deona ge porofeti ghu ngaini mane iahi. Geke toraina tuhu mehai la God, geala manei eto avohi ma fotati hevena mu ta la posini ani. Fotati iahi mu ia ta kuru sasakena!” neke ghua ka ia nganganana.

Zone 8:48

“?Na sebo ghemai ghai mu ka ia fata kahei agho mu kaike noni ta sota tanina Samaria ta sukuigho nazahi, nake ghua ghinighono?” dike ghua sakolina.

Zone 9:28

Ianimu tuna ghe dike tibirini nga kahe ghuana iahi, “Agho mu nona mane mala nonofoi manei, nga ghai mu nona mane mala nonofoi Mosese.

Zone 9:34

“?Agho noke dolio ka giliona muko mu, ta kabai va kakahe ghini ghaina ghai?” dike ghua ghini. Nai kavei tuna ka ia suga mala varighara ira Ziu dike ghua.

Ira Riva 22:21

“Ghe ia Lod neke kahe ghuani iahi ka ara, ‘!Ghahe kaini Zerusalemu, vununa ara a va ghahe laoigho ghatu varihauni ka ira noni taka Ziu ghu, mala la tuturi ghinaguna ara!’ ”

Romu 10:3

Vununa maneri dike deo gedi avohi ghu ia ghaghahena ta hohoghona ta mala nakai va lotororira ira noni ka ia nahalina God, dike leghui ghu ia nodi ghaghahena taghodighi ia ta leghui ia vetula ka Mosese. Maneri dike deo gedi kabai ghini ghu ia ghaghahena ka God mala nakai va lotororira.

Romu 14:10

?No heve ghu ghe, no fatei nga ghau ia keha tahimu? ?Ba, ne heve ghe, no fini va hinaei nga ghau mu ia keha tahimu? Vununa ghita haroharo mu da age tetu ka kenuna ia nonohe mala varifate ka God.

Romu 14:3

Ia noni ta mahairi vahina leghutau nga mu eka puina mato va hinaei ghu hei ia ta deo ge mahairi ghu vahina leghutau nga, nia hei ia taka mahairi ghu vahina leghutau nga mu eka puina makuti ghu ia noni ta mahairi vahina leghutau nga e ghua, vununa God neto ke va kaikei manei taremehadi ira noni ka taghona.

Romu 7:9

Sepaoni, ara nake au ma deona gake va fafahaki ghu ia vetula. Ara e deo gake haghava ghegu ghu riva ghidira ira leghutau ta muko. Nga ka ia meha avohigu ara ia ungene va gigima taka mala riva ghidira ghu ara keha leghutaura mu, ia sasake neke doli meha, neke hio laoau ghu ka ia leme ta deo va nonoghana.