Luku 18:7 - Ia Foforuna Naiungene

⁷ ?Ka ia nganganamu ghau mu e heve; God e deo ge boka vanadi ghu ia totonuna ira nona noni faetaidi ta fangai manei redu ravata, no ghua? ?Heve, manei e age mamahuge toka ghidira ghatu, no ghua?

Luku 18:7 Iomraidhean Croise

Matiu 24:22

Ghe God neto ke kusu kodaka va ponoeri ravata iranimu. Geke deo la manei riva ghinina ianimu, geala eto deo hei ta dolina. Ghe vununa ghidi ira nona fafaetedi noni taghonai, e age kodaka va ponoe hinaeri ghu God ghatu ira ravata.

Matiu 24:24

Vununa ira mesaea ta sesebo nia ira porofeti ta sesebo e ghua, ta age podolora ghatu. Maneri edi age riva ghidi ghatu ira leghahai hahaima va ghilaghila ta fefereana, mala geta ghua ghu ira nona noni faetaidi taghonai God ghe, edi sebo va mukori haro ghu to boka la, edi ghua.

Matiu 7:11

Ghau ira ta muko noto boka tufari ghedi leghutau ta namanama la ira nomu rekaha, ge heve soni mu nomu Mama ka malaunao fate, tufari leghutau ta namanamana ira ta fangai manei.

Luku 11:13

Ghau ira noni ta muko noto avohoa ghini la vanadi leghutau ta vehana ira nomu rekaha, ge heve soni mu nomu Mama ka malaunao fate, ta vanadina heiri ira ta fangai ia Tarunga Ta Maduana.”

Luku 2:37

Ka fafata ianimu, Ana neke to age hana ngavuluai rodana komuhuna. Manei neke au tudu ma ka ia Sugana God redu ravata, va totoana ghinina God ka tarai nia filui mahai, e ghua.

Luku 21:28

!Dito tatanigai dufu la leghutau irahi, tetu vona va lotoro, go mato vona nga, vununa God to namo hio va doli ghau!”

Romu 8:33

?Hei mu ta boka makutu ghitana ghita neto ke faete ghitano God ta mala nona nonina taghonai? Deo hei, vununa taghonai God lamu neto nai va lotoro ghitana.

Kolosi 3:12

Ghau mu nona noni ghu God; manei neke namaha ghini ghau neke faete ghau ghu mala nona nonina taghonai. O toraina va poko ghau ghu taghomu ka vari dudumanai, varisute, au unuhu, va totoke, nia au vanemoho.

1 Tesalonaeka 3:10

Redu ravata, ghai na tarai va tutugu vanamu ghau, na fangai ghu God ta va malumu ghaina mala ke fini leghu ghaunani, nia toka ghini ghauna ta gigima laonani e ghua, ka ia nomu va hohoghona ka Zisas.

2 Tesalonaeka 1:6

nia ka ia nona totonuna haro, manei ghatu e age va vavahagalari ira noni dike ngovangovala ghauro.

1 Timoti 5:5

Nabokona fotati ta toraina malangana mu, ia ta deo taremehana ta au kakaike ghu rangerangena ka God, tarai fangaina redu ravata mala toka ghinina.

2 Timoti 1:3

Timoti, ara na kudo vehai God ghinighona agho. Manei mu ia God ta riva vanani ara ka ia ngangana ta kalasa, taghe dike ghuaro la ira faagu. Redu ravata ara na nganaigho tudu ma ka ira nogu tarai.

2 Timoti 2:10

Ara na lao hihingogu mo ta tetu va naduna ka vahina leghutau nga, neto mala age toka ghidi la ira neke faeteriro God ta mala hioina ia hio va doli ka manei nia ia pelarana varanga ta au toghunai ka Zisas Kraes, e ghua.

Taetusi 1:1

Leta iahi mu sipana ka ara Polo, ia nona mane varituhu God nia ia nona mane nonomoho Zisas Kraes. Ara mu neke tuhu mehau God ta mala toka ghidira ira noni neke faeterio manei mala nona nonina taghonai. Manei neke tuhu mehau ghu mala toka ghidira ka ia nodi va hohoghona, nia mala va kakahe ghidira ia ghaghahena ta mala avohi maneri ia hohoghona, ta mala va podolo vanadina ghu heve e ghua mu auna ka maneri ka ia ghaghahena ta veha vanani God.

1 Pita 1:1

Leta iahi mu sipana ka ara Pita, ia mane nonomoho ka Zisas Kraes. Ara mu na kakangava vanamu age ghau, ira nona noni God ta au birusuna lao ma ka malau iahi peka, ta pirara lao meha ghu ka ira babaradi aiamuhu Ponitasi, Galesia, Kapadosia, Esia, nia Bitinia, e ghua.

2 Pita 3:9

Nganganadira keha nonira mu ia Lod ne mamahuge va ghuduvina ia nona naiungene ghinina ia leghu meha ka taghonai edi ghua, ghe manei e deo ge mamahuge ghu. Nga manei mu ne au afa ghini ghau malana ia veha ka ghau mo. Manei e deo ge kabai va mukoi ghu kaike noni ghu, nga ne kabai vanadi hei noni ta ghuana ia vehana fafata mala va hohoghonana, ta taghuru kairira ghu ira sasakedi.

Podolo Kave 18:20

“!Ghau ira ta au ka malauo God fate, o va ghazaghaza! !Ghau ira nona noni God, o va ghazaghaza haro! !Ghau ira mane nonomoho nia ira porofeti, o va ghazaghaza haro! Vununa God neto fatei manei ka ira leghutau neke va riva ghini ghauro manei.”

Podolo Kave 6:10

Maneri dike kudo va fafaa ghua lao iahi, “Agho Lod God ta torai mana nia ta maduana nia ta hohoghona. ?Ka nihani ghe go fateri nga agho ira noni ka malau iahi peka go va kilasari ghu vununa maneri dike atungu ghairo?”

Podolo Kave 7:15

Ne ghua mamu ghe, “di tetu nga ka kenuna nonohe ginitaukelana God va totoana ghinina redu ravata ka ia nona Ringifota ta Maduana ka God. Nia manei ia ta nohe ka nonohe ginitaukela ani, ta age kagara ghidira ka ia au taremehadi manei.