Luku 17:1 - Ia Foforuna Naiungene

¹ Kaike ravata Zisas neke kahe ghua iahi ka ira nona mane ta nonofoi, “Ira auau ta age va sasakeri ira noni mu, edi age au tudu ma, ghe ka mamaghuanara ghatu, ka ia noni ta riva ghini ia vari auau.

Luku 17:1 Iomraidhean Croise

Matiu 16:23

Zisas neke fihiki lao ka Pita, ghe neke kahe ghua nga iahi, “!O ghahe lao leghugu mo Satana! Agho mu kaike babara mala va gogohau ara, vununa ngangana irahi ka agho mu e deo ge la meha ghu ka God, nga sipa mehadi ka noni.”

Matiu 18:7

“Ka mamaghuanara ka heiri ira ta hio va mukori ira keha noni. Kokolodi leghutau irahi mu edi toraina la meha mamu, ghe ka mamaghuanara ka hei ia ta riva ghini ia vari auau.

Luku 16:31

“Ghe Ebarahamu neke kahe ghua iahi, ‘Dito deo la maneri nonomohodira ka Mosese nia ira porofeti e ghua, e deo haroma gedi boka nonomoho ghu, geta ghua ghu ka heiri ta ke tetu leghu ka ia leme.’ ”

Romu 14:13

Ghita geala daka fate ghita la ghu vari taghodai. Nga o riva ghini vona va veha ia nganganau, oka mala riva ghidi la ghu heve ira ta age va sinabereri nia va riufuri ira keha ta va hohoghona.

Romu 16:17

Ghau taremehagu noni kiloau, ara na va ohiohi ghau ta fifini va veha ghauna taghomu ka heiri ira ta rivai fofota, va gogoha ghauna ka ia nomu va hohoghona ka ia huhari ira vari va kakahei noke hioriro ghau. O au va ilolo ka maneri.

1 Koriniti 10:32

Oka riva ghidi ghu ira leghutau ia ta age va mukori ira nganganadi ira noni Ziu, ba ira noni taka Ziu ghu, ba ia kiloau ka God.

1 Koriniti 11:19

Hohoghona fuludu, e toraina au mamu ia varifotai ka vari hoataimu ghau mala va podolina heiri mo ka ghau di toraina au hohoghona vananina God.

1 Koriniti 8:13

Ianimu la ghe, nato va sasakei la ara ia taremehagu noni ta va hohoghona ka ira heve ta mahairi ara, a toraina deo ghu ara ke age mahai leghuina ghano ianimu, mala deona ga age va riufi ghu ara manei.

1 Timoti 4:1

Geta ghua mo ianimu ghe, ia Tarunga Ta Maduana ne va kahe ghini ghita va totonu ta age taghuru kainina ghatu kehara ia nodi va hohoghona, ka ira ravata va nonoghadi. Maneri edi age leghuri ghatu ira tarunga ta sesebo, nia ira vari va kakahei ta meha ka ira nazahi, e ghua.

Podolo Kave 2:14

Ghe di au nga keha leghutau teri ta deo ge veha vanagu ghu ara ka ghau: Keha nonira ka varihoataimu ghau no leghui ia vari va kakahei ka Balamu ia neke va kakahe ghinio Balaki, mala batu ghidi laora ira nonidi Isiraeli ka sasake. Manei neke va hugahugari maneri ta mahainina ia ghano dike veala ghini laono ka ira nguzunguzu, nia ta zave lao mehana, e ghua.

Podolo Kave 2:20

Ghe iahi mu na deona ara ga va manemane ghini ghu ka ghau: Ghau no va malumi ta au taremehamuna nga Zezibolo ia fotati neke sesebono va kudo ghinina taghonai kaike porofeti ka God. Manei e va kakahe ghidi nia batu ghidi va zea ira nogu noniriva, ka zave lao meha nia ka mahai ghano neke veala ghidi laoro ka ira nguzunguzu, e ghua.