Luku 16:8 - Ia Foforuna Naiungene

⁸ “Ia mane ta taghotagho neke age veha vanani ka maneriva kenuna ta sekesekei iahi, vununa ka ia avoavoho manei, manei neke age bokai mo ta hio vananina taghonai ira leghutau ta malanga ghidi. E ghua ghu mamu ianimu. Ira noni ka malau iahi peka mu, edi avohoa ghini kopuna ghidira ira ta malanga ghidi taghodi fuludurira ira noni ta au ka ia fegala.

Luku 16:8 Iomraidhean Croise

Tatanigaina 3:1

Ka ira vahina tagukava neke to va vuhariro nga Iahova ia God mu, ia adogho mo neke toraina avoavoho fuluduna ka rivai sekesekei ka maneri haroharo. Kaike ravata manei neke kahe ghua iahi ka ia fotati, “?Heve, God neke toraina kahe ghini ghau va gigima taka mahai fuadira ghu ira leghu heke nga ka giliona nunumana?”

Matiu 12:32

Hei neto lausasaba ghinagu la ara ia Tuuna ia Noni, God e boka kai hazari mo ira sasake ka manei, nga hei ia ta lausasaba ghini ia Tarunga Ta Maduana mu, God e toraina deo ge age kai hazari ghu ira sasake ka manei ka doli iahi, ba ka ia doli ta la meha.

Matiu 17:26

“Edi hio takisi ka ira noni mehadi peghuruo mo,” neke ghua Pita. “Neto ghua la ngania, ira noni ka taghodi mu edi kalasa ghedi ghu,” neke ghua Zisas.

Luku 16:10

“Noto hohoghomu la ghau ka ira rekahadi puhi, ghe go boka hohoghomu nga ka ira puhi ta faa. Hei ia ta rivai sesebo ka ira rekahadi puhi mu, e age rivai sesebo haroma ka ira puhi ta tongovodi.

Luku 16:4

!Na avohi mo heve ta age riva ghinina ara ghatu, mala ira noni edi age hio namahau ghu ka ira sugadi, nato siana ghini la ara nogu riva ini!’

Luku 16:7

“ ‘?Nga niha ghu mu no kaonirira agho, faghinagu ini ara?’ neke ghua notoho laona ka ia keha mane. ‘Kaike togha baiki witi,’ neke ghua ghini. ‘O hioi pepa kaoni iahi ka agho, o kangava laoi ghu hana ghobi,’ ne ghua ia maneriva kenuna.

Luku 18:6

Kahe ghua tuna iahi neke ghua ia Lod, “O hio avoavoho ka manefate ta muko iahi.

Luku 20:34

Ungene tughuri tuna neke ghua Zisas, “Varihio ini mu, e maladi ma ira noni ka malau iahi peka.

Luku 20:35

Nga ka ia doli ta la meha ghatu mu, eka ghua ghu ianimu. Vununa ira noni ta fata ka ia tetuleghu ka ia leme mu, e deo ke age varihiodira ghatu.

Zone 12:36

O va hohoghonai ghu fegala iahi, ka malai auna nga manei, e ghua ghe go meha nona rekaha nga ghau ia fegala.” Leghuna kaheri turi irahi Zisas, manei neke ghahe kairi neke poikai ghu taghonai ka maneri.

1 Koriniti 3:18

Oka sebo ghau ghu taghomu. Hei ka ghau neto nganai la ta torai avoavohona taghonai ka ira va fafahaka ta nona malau iahi peka, e veha ge meha kaike noni ta kingo la manei ka ira hibadi ira noni ka malau iahi peka, mala boka meha avoavoho hohoghonana manei ka ia nganganana God.

Efesasi 5:8

Ka kaike fafata, ghau noke au ka giliona ia nagoromo, ghe vununa ghau noto meha nona noni ia Lod ghatunaina, noto au ghu ka ia fegala. O au taghe ira noni ta nona ia fegala, o ghua ghu.

Filipae 3:19

Ka ia va nonoghana God e age va mukori aianihi Gehena, vununa maneri di suna au mala hoviri ma ka ira heve ta ngagungagu ghidi ira tinidi, taghe ira nodi god ta ghua ghidira. Maneri edi hadu varanga ghidi ghu ira riva ta hahaghavadi ka taghodi, nganarina ma ira leghutau ka malau iahi peka lama.

1 Tesalonaeka 5:5

Vununa ghau haroharo mu nona rekaha ia fegala nia ia ravata e ghua; ghita mu eka nona ghu ia nagoromo nia ia redu, e ghua.

1 Pita 2:9

Ghe ghau mu e deo go ghua ghu ianimu, vununa ghau mu ira noni faetaidi. Ghau mu ia ravutuna ira hiama, ira noni beana ka God ta torai taghori taghonai. Iahi mu, o boka mala kahe va podoli ghu ghau ira veha ka God ka ira keha noni, vununa manei neke kudo kaveigho ka ia nagoromo, noke haghele ghu gilio agho ka ia nona fegala ta namanama. Ira Kakangava sepa Ta Maduana di kaheina,

1 Zone 3:10

Ghatunaina mu ghita da boka fini avohi mo ghu heiri mo mu ta nona rekahara God, nia heiri mo mu ta nona rekahara ia Faghinadi ira nazahi, e ghua. Heiri ira ta deo gedi au va lotoro ghu ta deo ghu gedi namaha ghidi ghu ira keha noni ta va hohoghona mu, eka nona ghu God.