Luku 16:2 - Ia Foforuna Naiungene

² Tetu tuna ia mane ta taghotagho ge kudoi ghu ia nona maneriva kenuna, neke ghua. ‘?Heve mo mu ta nomoho ghinigho ini ara? Pata ghidi va veha meha ira kakangavadi ira nogu rongo, vununa agho to deo ke boka nogu maneriva kenunana ara.’

Luku 16:2 Iomraidhean Croise

Matiu 12:36

Ghe a va kahe ghini ghau ghu iahi. Ka ia ravata ta mala age fateri God ira noni, ghau o toraina age turi ghidi kave ghatu ira leghu ngengene ta muko ta deo lighorodi nga noke kaheriro ghau.

Matiu 20:8

“Ka saighona ianimu, ia mane ta kutamai nunuma gerepi, neke va kahe ghini ia mane ta kopuna ghidi maneri ta kudo haghelerira ta vanadina ghu ira tabaradi, tatanigaina ka dike riva va leleghuro ta va nonoghana ghu ka dike kusu rivaro.

Luku 12:20

“Ghe God neke va kahe ghini ghua iahi, ‘!Ta kaputu agho! Ghatunaina ka redu iahi lama oto leme ghu agho. ?Ianimu tuna ghe ge age taghori nga hei tuna mu, vahina leghutau irahi nga, noke sute vananighoro taghou?’

Luku 12:42

Ungene tughui tuna neke ghua ia Lod, “Ara na ngengene lao ka leghu maneriva ngama, ira ta avoavoho nia hohoghona ta vanadi riva ia manefaa mala are ghinina ia nona suga kamoto, nia ta mala valiharira ia butubutu ka taghona, e ghua.

Luku 16:1

Zisas neke turi vanadi tuturi iahi ira nona mane ta nonofoi. “Kaike mane ta taghotagho neke tabari kaike nona maneriva kenuna, mala kopu ghidira ira vahina nona leghutau ta taghori nga, ghe e deo ma ge sepa ghu, to nomoho ghini ghu ta puina sekesekeina maneriva kenuna iahi.

Luku 16:3

“Kahe ghua tuna iahi ka taghonai neke ghua ia maneriva kenuna, ‘?Heve a ghua tuna ngaini? Ia faghinagu to hio kai tagu ini ia riva ka ara. Ara mu e deo ga gigima ghu ta tohana, nia ara ga haghava ghegu ghu fafangana, ta ghua ini.

Romu 14:12

Ghita haroharo mu, da age sopai va fafahaka vanani ghu God ghatu ghidira heve dake riva ghidiro.

1 Koriniti 1:11

Ghau taremehagu noni kiloau, kehara ka ia suga Koloe dito ke va kahe ghinagu ta auna ira vari hahala ka vari hoataimu ghau.

1 Koriniti 4:2

Ia noni ta nai va kenui ka kaike riva mu, e toraina va podoli taghonai ta hohoghonana manei ka ia nona riva.

1 Koriniti 4:5

Oka kusu fatei la ghu hei noni ghe ge dufu nga ia toraina fafata; afa e vuhai la meha ghu ia Lod. Manei ta age va podolorira ka ia fegala ira heve ta poika ka giliona nagoromo nia ta age va podolorira ira ngangana ta poika ka ira hihingodi ira noni, e ghua. Ka fafata ianimu ghe ge age sopai vanadi nga God ira noni heve helahela ta mala hioina maneri.

2 Koriniti 5:10

Vununa ghita haroharo mu, da toraina age tetu ka kenunao Kraes ghatu mala age fate ghitana manei. Ghita da age hioi ghu ghatu heve ia ta mala hioi ghita, leleghuna ka ira heve muko ba veha dake riva ghidiro ka tinida idi.

1 Timoti 4:14

Oka nai kakatoi ghu ia nona kaikadolo ia Tarunga noke hioio ka ia fafata ngengene ira porofeti, dike va beanighono ghu ira mane babatu ka ia kiloau ka ia va fara ageri ira kamedi ka paunia.

1 Timoti 5:24

Keha nonira mu edito va podolori ma ira muko ka taghodi, to avohori ma ghu leghu noni nga. Agho o age avohi haroma ghatu, ghe ge age dufu nga ia fafata ta mala hadu kaveri agho ira puhidi. Nga ira muko ka ira keha nonini mu, leghunana ghe gedi age podolo nga.

1 Pita 4:10

God neto sopai vanamu kaikadolo ka ira tehi nona kaikadolo, vununa ka ia nona varisute ta vanada kakato. O va rivari ghu ka ia veha ira kaikadolo ka ghau mala vari tokaina.

1 Pita 4:5

Maneri ghatu edi la turi kaveri ira puhidi ka ia mane varifate ta va tanai fateri ira leghu noni ta doli nga nia ta leme nga, e ghua.

Podolo Kave 20:12

Nia ara nake finiri ira dike lemero, ira ta varanga nia noni gare e ghua, tetudira ka kenuna ia nonohe ginitaukela God. God neke tobeheri ira buka ka neke kangava hinaeriro ira dike riva ghidiro ira leghu noni nga. Ianimu tuna ghe neke tobehini nga kaike bukani, ia buka ta au lao ira babaolodi heiri ira ta age au toghunai taremehana God. Ira leghu dike lemero nga mu, God neke fateri maneri leghurira ira heve dike riva ghidiro maneri ta kangava hinaeri ka ira buka.