Luku 16:11 - Ia Foforuna Naiungene

¹¹ ?Noto deo la ghau go hohoghomu ghu ka ira hagete ta au ka malau iahi peka, hei ghu ta boka va hohoghona ghauna ghatu, ka ira hagete ta toraina hohoghodi?

Luku 16:11 Iomraidhean Croise

Matiu 6:24

“E deo hei ta boka riva vanadira palu faghina. Vununa manei e age kikipana ghini kaikeu, nia namaha ghini ia keha, e ghua. Ba, manei e lao hihingona ghu ka kaikeu, ia keha e toraina age kikipana ghini. Ghau e deo go boka riva vanadi haro ghu God ghe rongo ka kaike fafata mo.

Luku 12:33

O tatabara ghidi ira leghutau ta kuru ghau o tufari ghu ira ta malanga. !E ghua ianimu ghe ge age faa nia au va gima nga ia bokaboka ka ghau ka malauo God fate! Vununa ira mala sute rongo ka malauo God fate mu, edika reku ghu. Aianimu ta au va gimara ira bokaboka ka ghau, ka ia ta deo ge boka sikori ghu noni, nia ta deo ge boka ngovalari ghu fufu, e ghua.

Luku 16:12

?Nia noto deo la go hohoghomu ghu ghau ka ira nodi rongo ira keha noni, heve e ghua ghe gedi boka va hohoghona ghau nga ka ira nomu rongo taghomughi?

Luku 16:9

A va kahe ghini ghau ghu ara ta hiorira ira hagete ka ghau ka malau iahi peka, mala toka ghidira ira keha noni, nia mala rivai baerena, e ghua. Mala ka ia age nogha maneri, e age auigho malau ghu ka malauo God fate.

Luku 18:22

Ne nomohi ghu iahi Zisas, manei neke kahe ghini lao, “Kaike leghutauni no deona nga go riva ghini ghu agho. O la tatabara ghidi ira leghu nou ta taghori nga, o tufari ghu ira rongodi ka ira ta kuma, ghe go age auigho taghotagho nga ka malauo God fate. Meha tuna go leghuau ghu ara, e ghua.”

Efesasi 3:8

Ara lamu ta toraina au va nonoghanana pekani ka ira leghu nona noni nga God, ghe God ka ia nona varisute ta va meha kakatoi, ne soni vanagu mo ara riva mala hio va dufui iahi ia Nonomoho ta Veha ka ira noni taka Ziu ghu, mala va kahe ghidira ira taghotagho ta deo va nonoghadi ta au ka Kraes.

Zemesi 2:5

Vanemoho talinga meha ghau taremehaguro. God neke faeteri ira noni ta kuma ka malau iahi peka ta mala taghotaghona ka ia va hohoghona. Maneri ghu mu ta age hio kadolina ia ravutu neke naiungene ghinio God ka heiri ira ta namaha ghini manei.

Podolo Kave 3:18

Ara a toraina tatangana ghau ta meha tabara goluna ka ara- golu ta va mamalahui ka totoi. E ghua ghe go taghotagho nga. Nia o tabara pokotini ta ghighiho, mala poikarira sosolemu ta hahaghavana nira. Nia o tabara mereseni hiba molamo maladira hibamu nira, o mala boka fifini ghu, e ghua.