Luku 15:7 - Ia Foforuna Naiungene

⁷ !E age ghua molamo ghatu, e age au ghu ia leghahai va manemane ka malauo God fate, ghinina kaike noni ta kurui sasake ta taghuru kairi ira sasake ka manei take fihiki lao ghu ka God, fuludu laoina ia va manemane ta vanadi ira leghaha ngavuluai leghaha noni ta lotoro taka ghahe va zea ghu!

Luku 15:7 Iomraidhean Croise

Matiu 18:13

A va kahe ghini ghau ghu ara, ka ia fafata la finini manei, ia va manemane ka manei ghinina kaike sipisipi iahi, e fuludi ia va manemane ta vanadi manei ira keha leghaha ngavuluai leghaha sipisipi dike deoro gedi ghahe va zea ghu.

Matiu 3:8

Va podoli ka ia dolimu, noto toraina taghuru kairi mamu ira sasakemu, noto fihiki lao ghu ka God, ta ghuana.

Luku 15:10

E ghua molamo e age au ghu ia va manemane ka kenudiro ira engizeli ka God, ghini kaike noni ta aui sasake ta holara hihingo.”

Luku 15:29

Ghe manei neke ungene tughui, ‘Leghu komuhu irahi nga mama, ara nake toraina riva va faa vananigho taghe kaike noni mala varituhu ta ghuana, deona ghe kaike fafata ta pake ghegu ghu riva vananighona kaike leghutau tei ghu, ka ira ta va kahe ghinagu agho. Ka leghu fafata iranimu nga, agho e deo ghe goke vanagu ghu kaike rekahana gouti ghu, mala hilava mahai varighara taremehadira ara ira nogu baere.

Luku 15:32

Ghita da toraina, ragi hilava ghu ka ravata va manemane iahi. !Vununa ia tahiu mane neke leme, ghe manei neto ke doli leghu! !Manei neke to zea, ghe ghatunaina ghita dato ke finini manei!’ ”

Luku 15:6

Ka ia sabara leghu mehau, agho o kudo varighara ghidi ira nou noni baere, nia ira ta au gheremeu mo e ghua, o kahe ghua ghu iahi ka maneri, ‘Ara na puina va manemane fuludu, vununa nato ke dufui ia nogu sipisipi neke zeao. !Aria da hilava va manemane ghu!’ o age ghua.

Luku 15:8

“?Ba haeba ge kurui la tazo kunegele ta siliva kaike fotati, ge kakai tana ghu kaike ghu. ?Heve, manei e deo ge va dolini ghu ia zuta, ta haduina ghu ka ira leghu lobosaidi nga ka ia suga, ka ia tokeni ta takusu va huhugurira ghu ira leghu pelodi nga, ta vuhai age fininina ghu manei?

Luku 16:15

Va kahe vanadi tuna neke ghua Zisas, “Ghau no kabai fifini vevehamu ka ira tehi noni, ghe God e avohori ira hihingomu ta sota. Heve ia ta tongovona ka ghita aiahi peka mu, e deo lighorona ka God.

Luku 5:32

Ara mu aka meha ghidi mo ira noni ta lotoro, nga nake meha mala kudori ira noni ta auri sasake, edi mala taghuru kairi ghu ira puhidi ta muko.”

Romu 7:9

Sepaoni, ara nake au ma deona gake va fafahaki ghu ia vetula. Ara e deo gake haghava ghegu ghu riva ghidira ira leghutau ta muko. Nga ka ia meha avohigu ara ia ungene va gigima taka mala riva ghidira ghu ara keha leghutaura mu, ia sasake neke doli meha, neke hio laoau ghu ka ia leme ta deo va nonoghana.