Luku 15:6 - Ia Foforuna Naiungene

⁶ Ka ia sabara leghu mehau, agho o kudo varighara ghidi ira nou noni baere, nia ira ta au gheremeu mo e ghua, o kahe ghua ghu iahi ka maneri, ‘Ara na puina va manemane fuludu, vununa nato ke dufui ia nogu sipisipi neke zeao. !Aria da hilava va manemane ghu!’ o age ghua.

Luku 15:6 Iomraidhean Croise

Luku 1:58

Ira taremehana nia ira ta au namoi e ghua, dike nomohi ia nona varisute ta faa fuludu ia Lod ta vanani manei, dike va manemane taremehana haro ghu.

Luku 15:10

E ghua molamo e age au ghu ia va manemane ka kenudiro ira engizeli ka God, ghini kaike noni ta aui sasake ta holara hihingo.”

Luku 15:24

vununa tuugu mane iahi ara neke leme, ghe neto ke doli leghu. Manei neke to zea, ghe ghatunaina toke finini.’ Tataniga ghini tuna ia hilava, mahai varighara va manemane, dike ghua.

Luku 15:5

Ka ia la fini fatiu agho ghatu, agho o va manemane o hure surai ghu ka rafau nira.

Luku 15:7

!E age ghua molamo ghatu, e age au ghu ia leghahai va manemane ka malauo God fate, ghinina kaike noni ta kurui sasake ta taghuru kairi ira sasake ka manei take fihiki lao ghu ka God, fuludu laoina ia va manemane ta vanadi ira leghaha ngavuluai leghaha noni ta lotoro taka ghahe va zea ghu!

Zone 15:14

Ghau mu ira baere ghu ka ara, noto leghuri la ghau heve nato ke ungene va gigimarira ara ka ghau.

Zone 3:29

Ia Mesaea mu taghe kaike mane ta mala varihio, e ghua. Ia fotati mala varihio mu e nona ghu mane ianimu. Nga ara mu taghe kaike mane baere ka ia mane ta mala varihio, a ghua ma. Mane baere ianimu e puina va manemane neto la meha la ia mane ta mala varihio ka ia varihio. Taghe ianimula a ghua haroma ghu ara. Ara na puina va manemane ka fafata iahi, vununa Zisas neto ke meha.

Ira Riva 11:23

Ka ia la sabarana aianimu ta la finini ghu manei ta va beanarina God, manei neke puina va manemane. Manei neke va gigimari ghu maneri haroharo ta au tuduna ka ia hohoghona vananina ia Lod, ka ira hihingodi kamoto.

Ira Riva 15:3

Ia kiloau neke tuhu vona laorira noni irahi aianihi Zerusalemu, dike la haghele fuludu ghu ka ira babaradi Fonisia nia Samaria e ghua, tuturi vanadira ira noni ta va hohoghona ta au aianimu ghidira ira noni taka Ziu ghu dike to fihiki lao ka God, ta ghuana. Nonomoho iahi dike toraina age va ghazaghaza ghini ira leghu noni ta va hohoghona nga.

Filipae 1:4

Ka giliodi ira leghu nogu tarai malamu nga ghau leleghu fafata, ara a tarai taremehana va ghazaghaza tudu ma,

Filipae 2:17

Ia nomu va hohoghona ka ia Lod nia ia nomu riva e ghua mu, taghe kaike veala ta riva ghini lao ka manei, e ghua. Nia dito atunguau la ara maneri, ia doli ka ara mu taghe kaike veala ta nakai varighara taremehadi ira veala ka ghau, e ghua. Taghe ianimu ge ghua la, ara a puina age va manemane ghu, taghe ghau ta va manemane niala ghidira ira nomu veala ta riva ghidi.

Filipae 4:1

Ianimu la ghe na namaha ghini ghau nga ghau tahiguro ka Kraes, na kabai ke fini ghau ghu. Ghau no vanagu va ghazaghazana, ghau lamu ghu mu tabaraguna ghu ara ka ia riva tato va hokoti ara. O toraina tetu va gima ghu ka ia Lod, ghau tahiguro.

1 Tesalonaeka 2:19

?Ka ia va nonoghana, heve mu ta age vanamai rangerangena nia va ghazaghazana, nia heve tabara ta age hadu ghini varangana ghai ghatu, e ghua? !Ghau lamu! Uve, ghau lamu ta vanamaina ia leghahai va ghazaghaza ka ia age tetu varigharada ka ia kenuna ia noda Lod Zisas, ka ia ke leghu mehana manei ghatu.

1 Pita 2:10

“Sepao ghau e deo goke nona noni ghu manei; nga ghatunaina mu ghau to nona noni God. Sepao ghau e deo goke hioi ghu ia dudumana ka God; nga ghatunaina mu ghau noto hioi ia dudumana ka manei.”

1 Pita 2:25

Vununa sepao ghau noke ghahe lao meha taghe sipisipi ta ghahe va zea nira noke ghua. Nga ghatunaina mu, ghau noto fihiki lao ka Zisas ia Mane Kopunai Sipisipi, ta Kopu ghidi tarungamu nira.