Luku 15:13 - Ia Foforuna Naiungene

¹³ “Keha palu lito ravata leghuna ianimu, ia tuunamane ta ite neke va tanari ira leghu nona boroza nga, neke lao ghu ka ia keha malau varihauni, la pepesana ghidira ira nona rongo ka kaike doli ta muko.

Luku 15:13 Iomraidhean Croise

Luku 15:12

Ia tuunamane ta ite neke la kahe ghua iahi ka nona mama, ‘Ara na kabai ghidi ghatunaina lama ira tufagu ka ira leghutau ta taghori agho, aka ke afa dufui la ghu ia leme ka agho.’ Neke malumu mo ka nona mama ta ghuana ianimu, neke fota vanadi ghu ira palu tuunamane, ira leghutau neke taghoriro manei.

Luku 15:14

Ka ia fafata neke to age nogha tanaro ira rongo, neke la dufu meha molamo kaike lalara soduai ka ia hori kamoto, neke to age tatanigai lemei mahai ghu manei.

Luku 15:30

Nga ka ia fafata leghu mehana tuu mane iahi, neke la ngovala pepesana ghidiro ira nou rongo ka ira ghase ta kikirasei tabara mu, agho no va manemane no atungi ghu ia noda rekahana bulumakau ta toraina busi.’

Luku 16:1

Zisas neke turi vanadi tuturi iahi ira nona mane ta nonofoi. “Kaike mane ta taghotagho neke tabari kaike nona maneriva kenuna, mala kopu ghidira ira vahina nona leghutau ta taghori nga, ghe e deo ma ge sepa ghu, to nomoho ghini ghu ta puina sekesekeina maneriva kenuna iahi.

Luku 16:19

Zisas neke kahe ghua iahi, “Kaike fafata sepao, neke au kaike mane ta taghotagho ta va vona poko ta veveha, ta au ghu ka ia doli ta mitirimatara leleghu ravata.

Efesasi 2:13

Nga ghatunaina mu, ghau to nona Kraes Zisas. Sepao mu ghau noke hauai ka God, nga ghatunaina mu ghau taghomu to hio namo ghau meha ka ia busakana Kraes.

Efesasi 2:17

Kraes neke meha tuturi ghini beana ghu ia Nonomoho ta Veha ghinina ia bule ka ghau ira taka Ziu ghu noke varihauo ka manei, nia ka ghai ira Ziu nake namo laono ka manei, e ghua.

2 Pita 2:13

Ira ta vari va kakahei sesebo edi age hioi ghatu ira lilifudi vari ngovala dike va riva ghidiro ira keha noni. Geta ghua ghu ka ia ravata ghe, maneri edi veha vanadi rivai mahai varigharana mala rivai puhi ta mukona. Maneri mu taghe ira sota ta kapata nia ira aka'aka edi ghua ka vari hoataimu nira ghau. Sughavona ghu maneri edi veha vanadi sebo ghauna fata mahai taremehamu.